(චන්දන ප්‍රනාන්දු)    

                                                                                                 
වෙන්නප්පුව කඩවත මුහුදේ පාවෙමින් තිබු මළ සිරුරක් අද (24)උදෑසන සොයාගත් බව වෙන්නප්පුව පොලිසිය පවසයි.          
 
කඩවත මුහුදේ මළ සිරුරක් පාවෙමින් තිබෙනු දුටු ධීවරයන් පිරිසක් විසින් තෙප්පමකින් ගොස් සිරුර ගොඩට ගෙන වෙන්නප්පුව පොලිසියට දැනුම් දී ඇත.
                                                                                              
මියගොස් ඇත්තේ බටහිර දුම්මලදෙණියේ පදිංචි ඩබ්. සිරිල් තමෙල් නැමති 76 හැවිරිදි පුද්ගලයෙකි.


මියගිය තැනැත්තා යම් අසනීප තත්වයකින් සිට ඇති බවත් අද (24) අලුයම 5.30 පමණ නිවසින් අතුරුදන් වීම සම්බන්ධයෙන්  බටහිර දුම්මලදෙණිය ග්‍රාම නිලධාරිවරයා දැනුවත් කර සිටියදී මළ සිරුර වෙරළේ තිබී හඳුනාගත් බවත් මියගිය තැනැත්තාගේ දියණියක පැවසුවාය.
                                                         
 පශ්චාත් මරණ පරීක්ෂණය සඳහා මළ සිරුර මාරවිල රෝහලට ගෙන ගොස් ඇත.
                                                                                         
වෙන්නප්පුව පොලිසිය මේ සම්බන්ධයෙන් වැඩිදුර පරීක්ෂණ පවත්වයි.