(සුමතිපාල දීයගහගේ)
 
අහංගම මැලියගොඩ ෆොන්සේකාවත්තේ නිවසක ශීතකරණයේ සඟවා තිබූ රුපියල් 169000 ක් වටිනා රන් ආභරණ සොරකම් කිරීම සම්බන්ධයෙන් එම රන් ආභරණ හිමිකාරියගේ ඥාති පුතෙකු අද (20) අත්අඩංගුවට ගත් බව අහංගම පොලිසිය පවසයි.

මෙම නිවසේ පදිංචි කාන්තාව ඇය සතු රන්මුදු 6ක්, අත්පළඳනාවක්, පෙන්ඩනය සහිත රන් දම්වැලක් ප්ලාස්ටික් බඳුනක බහා නිවසේ ශීතකරණයේ සඟවා තිබිණි.

මේ අතර මාසයකට පසුව ඊයේ (19) එම කාන්තාව ශීතකරණය පරික්ෂාකර බලන විට එම රන් ආභරණ බඳුන කිසිවෙකු විසින් සොරකම් කර ගෙන ඇති බව දැන පොලිසියට පැමිණිලිකර තිබේ.

ඒ අනුව පරික්ෂණ පැවැත් වූ පොලිසිය එම නිවසේම ඉදිරිපස කාමරයේ නැවතී සිටින ඇගේ ඥාති පුතෙකු අත්අඩංගුවට ගත් බව පොලිසිය පැවසිය. සොරකම් කළ රන් ආභරණ වැලිගම නගරයේ රාජ්‍ය බැංකුවකට උකස්කර ඇති බවද පොලිසිය විසින් අනාවරණය කර ගෙන තිබේ.

සැකකරු අද (20) ගාල්ල මහේස්ත්‍රාත්වරයා වෙත ඉදිරිපත් කිරීමට නියමිතව ඇත.