(සංජය මධුශාන්)
 
කොළඹ සිට මඩකලපුව බලා ධාවනය වූ මීනගයා දුම්රියේ ගැටී අද(24) වන අලියෙකු මියගොස් අලි පැටවෙකු තුවාල ලබා ඇතැයි කවුඩුල්ල වනජීවි නිලධාරීහු පවසති.
 
හබරණ හා ගල්ඔය දුම්රිය ස්ථාන අතර ගල්ඔය ප්‍රදේශයේදී වන අලි රංචුවක් දුම්රිය මාර්ගය හරහා ගමන් කරන අවස්ථාවේදී මෙම අනතුර සිදුව තිබේ. 
 
වන අලියා දුම්රි‍යේ ගැටී කැබලිවලට කැඩී ඇති අතර අවුරුදු 03 ක් පමණ වන පැටවා දුම්රිය මාර්ගයෙන් ඉවතට විසිව ඇතැයි කවුඩුල්ල වනජීවි නිලධාරීහු පවසති. 
 
මීනගයා දුම්රියේ ගැටී පසුගිය කාලයේ වන අලි රැසක් අනතුරට ලක්වූ බව ඔවුහු පවසති.