(දයාරත්න ඇඹෝගම)
 
අනුරාධපුර නගරයේ යතුරු පැදියකින් ගමන්ගත් පුද්ගලයෙකුට පහර දුන්නේ යැයි කියන පොලිස් සැරයන්වරයකු සම්බන්ධයෙන් අද(16)දින සිට ක්‍රියාත්මක වන පරිදි වැඩ තහනම් කළ බව අනුරාධපුර පොලිසිය කියයි.
 
අනුරාධපුර පොලිසියට අනුයුක්තව සේවය කළ අනුරාධපුර පදිංචි ලියනආරච්චි උපාලි නැමැති පොලිස් සැරයන්වරයාගේ මෙසේ වැඩ තහනම් කර තිබේ.
 
පසුගිය 14 වැනි දින මෙම පොලිස් සැරයන්වරයා අනුරාධපුර නගරයේදි යතුරු පැදියකින් ගමන් ගනිමින් සිටි පුද්ගලයෙකුට පහරදුන් බවට චෝදනා ලබා සිටි අතර, පහරකෑමට ලක්වූ පුද්ගලයා අනුරාධපුර ශික්ෂණ රෝහලට ඇතුළත් කර තිබිණි.
 
තමන් යතුරුපැදියෙන් අනුරාධපුර නගරයේ යමින් සිටියදි ඉදිරිපසින් ගමන්ගත් පොලිස් සැරයන්වරයාගේ යතුරු පැදියේ ගැටුණු බවට චෝදනා කර තමන්ට පහරදුන් බව එම තැනැත්තා අනුරාධපුර පොලිසියට පැමිණිලි කර තිබුණි.
 
ඒ අනුව මෙම පොලිස් සැරයන්වරයා ඊයේ(15) අත් අඩංගුවට ගෙන අධිකරණයට ඉදිරිපත් කිරීමෙන් පසු රුපියල් ලක්ෂයක ශරීර ඇප මත මුදා හැර ඇත.
 
අනුරාධපුර සහකාර පොලිස් අධිකාරි(01) වයි.එම්.ජි.ඩබ්.එස්.කේ.ගොඩකුඹුර මහතා කළ මූලික පරීක්ෂණයෙන් පසුව මෙම සැරයන්වරයාගේ වැඩ තහනම් කර තිබේ. 
 
සිද්ධිය සම්බන්ධයෙන් අනුරාධපුර පොලිසිය වැඩිදුර පරීක්ෂණ පවත්වයි.