(රන්න චන්ද්‍රසේන ගමගේ)
 
බැරගම ගම්වාසීහු  පිරිසක් අද(19) විරෝධතාවයක නිරත වූහ.
 
අම්බලන්තොට බැරගම ‘රන්දියවර ග්‍රාමීය ජල ව්‍යාපෘතිය’ මගින් දෙනු ලබන පානීය ජලය මාස ගණනාවක් තිස්සේ නියමිත පරිදි නොලැබෙන බව කියා ඊට වීරෝධය පළකරමින් ඔවුහු උද්ඝෝෂණයේ යෙදුණහ. 
 
මෙම ජල ව්‍යාපෘතියෙන් පස්පියුම, ගලවැව, මෝදරපිලවල, කොග්ගල්ල, සියඹලාගස්විල උතුර යන ප්‍රදේශවලට ජලය ලබා දෙන බවත් එහෙත් මේ වන විට ජල පාරිභෝගියන් 1900ක් පමණ බීමට ජලය නොමැතිව පීඩා විඳින බවත් විරෝධාකරුවෝ පැවසූහ.
 
 
ප්‍රදේශයේ ජල පාරිභෝගික පවුල් 200ක් පමණ මෙයට එක්ව සිටි අතර තරුණයන් කිහිප දෙනෙක් ජල ටැංකියක් මතට නැගී සිය විරෝධය පළ කළහ.
 
විරෝධතාකරුවන් පැවසූවේ මාස 03 ක් පමණ කාලයක් සිට තමන්ට බීමට සුදුසු ජලය ප්‍රමාණවත් තරම් ලබා නොදීම නිසා තම දෛනික කටයුතු අඩාල වී ඇති බවයි. මෙම ජල ව්‍යාපෘතියේ නිලධාරීන්ට ඒ බව පැවසුවද ඔවුන් ඊට විසඳුමක් ලබා දී නැතැයිද ඔවුහු පැවසූහ.