(සම්පත් ප්‍රියනන්දන සහ නාලක ජේ. හෙට්ටිආරච්චි ) 


බලන්ගොඩ පොලිස් බල ප්‍රදේශයට අයත්  උලුපිටිය  ප්‍රදේශයේ  නිවසකට  ජනේලයකින්  ඇතුළු  වූ  කාන්තාවක්  එහි  නිදා  සිටි  පුද්ගලයකුට අද(15) පිහියෙන්  ඇන තුවාල කර  පලා ගොස් ඇතැයි පොලිසිය  පවසයි.

පිහි ඇනුමෙන්  තුවාල  ලබා ඇත්තේ  බලන්ගොඩ උලුපිටිය  ප්‍රදේශයේ පදිංචි  43 හැවිරිදි  පුද්ගලයෙකි.  
 
තුවාල ලැබූ තැනැත්තා බලන්ගොඩ  මූලික රෝහලට ඇතුළත් කිරීමෙන්  පසු වැඩිදුර ප්‍රතිකාර සඳහා රත්නපුර මහරෝහල  වෙත  මාරුකර යවා  ඇති  බවද පොලිසිය පවසයි.
 
මෙම පුද්ගලයා  සිය දෙවනි විවාහක  බිරිඳ  සමග අලුයම  නිවසේ සිටියදී  ඔහුගේ පළමු විවාහයේ භාර්යාව  නිවසේ  ජනේලයේ  ඉටිරෙදි  ඉරා  නිවසට  ඇතුළු වී  එම පුද්ගලයාට පිහියෙන්  ඇන ඇත. 
 

මෙම කාන්තාව, තුවාල ලැබූ පුද්ගලයාගේ පළමු භාර්යාවට  අයත් අත්බෑගයේ තිබී රුපියල් 9,000ක පමණ  රන් භාණ්ඩ සහ රුපියල්  500ක  මුදලක් ද සොරාගෙන ඇතැයි  පොලිසිය කියයි.
 
සිද්ධිය සම්බන්ධයෙන් සැකකාර  කාන්තාව  අත්අඩංගුවට  ගැනීමට  බලන්ගොඩ පොලිසිය පරීක්ෂණ පවත්වයි.