(දයාරත්න ඇඹෝගම)
 
නව හැවිරිදි දැරියක අපයෝජනය කළ බව කියන තරුණයකු අද(19) පරාක්‍රමපුරදී අත්අඩංගුවට ගත් බව පදවිය පොලිසිය කියයි.
 
මෙසේ අත් අඩංගුවට ගෙන ඇත්තේ පදවිය, පරාක්‍රමපුර පදිංචිව සිටින බේකරියක සේවය කරන 17 හැවිරිදි අයෙකි.
 
අත්අඩංගුවට ගනු ලැබු සැකකරු දැරියගේ පියාගේ බේකරියේ සේවය කරන පුද්ගලයෙකි.
 
සැකකරු ඊයේ(18) රාත්‍රි නවයට පමණ දැරියාගේ පියා සමග බේකරියේ පාන් නිෂ්පාදනය කිරීම සඳහා පිටි අනමින් සිටියදී වතුර තිබහ යැයි පවසමින් බේකරියට යාබදව පිහිටි නිවසට ඇතුළුවී ඇති බවද, එම අවස්ථාවේදි දැරියගේ මවද නිවසේ නොසිටි බවද, සැකකරු දැරිය අපයෝජනය කර ඇති බවද, ජලය පානය කිරීමට ගිය සේවකයා නොපැමිණිම හේතුවෙන් පියා නිවසට ගිය බවද දැරියගේ පියා දුටු සැකකරු නිවසින් පලා ගිය බවද පොලිසිය කියයි.
 
මේ සම්බන්ධයෙන් පොලිසියට ලද පැමිණිල්ල මත සැකකරු පොලිසිය විසින් අත් අඩංගුවට ගෙන තිබේ.
 
ඔහු අද(19) අධිකරණයට ඉදිරිපත් කිරිමට නියමිතය.
 
සිද්ධිය සම්බන්ධයෙන් පදවිය පොලිසිය වැඩිදුර පරීක්ෂණ පවත්වයි.