ගාමිණී බණ්ඩාර ඉලංගන්තිලක සහ රංජිත් රාජපක්‍ෂ


හැටන් දිඹුල පොලිස් වසමට අයත් ගේ‍්‍රටිලි වතුයායේ තේ කර්මාන්ත ශාලාවේ සහකාර තේ කර්මාන්ත නිළධාරියා ඝාතනය කර ඇති බව දිඹුල පොලිසිය පවසයි.

මෙසේ ඝාතනය කර ඇත්තේ එස්.තිරුචෙල්වමි නැමැති දෙදරු පියෙකි. 

ඊයේ (06) රාති‍්‍රයේදී  තේ කර්මාන්ත ශාලාවේ  වැඩ අවසන් වි සැමියා නිවසට නොපැමිණිම නිසා  බිරිද විසින් අද ( 07) අලූයම 3.00 ට පමණ තේ කර්මාන්ත ශාලාවට  දුරකථන ඇමතුමක් ලබා දි ඒ පිළිබඳව විමසීමෙන් පසු   නිළධාරියා රාති‍්‍ර 9.00 ට සේවා මුරය අවසන් වි ගිය බව දැනුම් දී තිබේ. 

ඉන් අනතුරුව  කර්මාන්ත ශාලාවේ  සිට ඔහුගේ නිල නිවස වෙත පැමිණෙන මාර්ගය ඔස්සේ  පැමීණි  ඔහුගේ බිරිද ඇතුලූ වතුකම්කරුවන් එක්ව ඔහු පිළිබඳව සෝදිසි කිරීමේදී   කැලෑවක තිබු සිරුර හමු වී ඇති අතර  නිළධාරියාගේ හිසට තියුණූ ආයුධවලින් පහරදි ඝාතනය කර ඇති බව අනාවරණය වි ඇතැයි පොලීසිය සඳහන් කළේය. 

සිරුර කොටගල ප‍්‍රාදේශිය රෝහලේ තැන්පත් කර ඇති අතර ඒ සම්බන්ධයෙන් මහේස්ත‍්‍රාත් පරික්‍ෂණය අවසන් විමෙන් පසු පශ්චාත් මරණ පරික්‍ෂණය සදහා නුවරඑළිය අධීකරණ වෛද්‍යවරයා වෙත යොමු කර ඇති අතර දිඹුල පොලීසිය සැකකරුවන් සොයා පරීක්ෂණ අරඹා ඇත.