(වන්නි රොමේෂ් මධුෂංඛ)

මුලතිව් මුල්ලිවයික්කාල් යුද හමුදා කඳවුරක් ආසන්නයේ පිහිටි මුහුදු තීරය ආසන්නයේ සංවර්ධන කටයුත්තක් වෙනුවෙන් සිදු කරන ලද කැනීමකදී එල්.ටී.ටී.ඊ. නිලඇඳුමක කොටස් හා ඇටසැකිලි කොටස් කිහිපයක් සමග අත්බෝම්බ 2ක් අද (18) අළුයම හමු වී ඇති බවට මුලතිව් පොලීසිය පවසයි.

යුද සමයේදී ආරක්ෂක අංශ ප්‍රහාර හමුවේ මිය ගිය එල්.ටී.ටී.ඊ. සාමාජිකයෙකු එම සංවිධානය විසින් මෙම ස්ථානයේ වලදමා පසු බසින්නට ඇති බවට ආරක්ෂක අංශ සැක පල කර සිටියි.

කෙසේවෙතත් අදාල ඇටසැකිලි හමුවීම සම්බන්ධයෙන් මුලතිව් පොලීසිය විසින් මුලතිව් අධිකරණයට කරුණු දක්වා මහෙස්ත්‍රාත් වරයාගේ නියෝගයන් පරිදි එම ස්ථානයේ වැඩි දුර කැණීමක් සිදු කිරීමටද පියවර ගන්නා බවට පරික්ෂණ සිදු කරන මුලතිව් පොලීසිය වැඩි දුරටත් පැවසීය.