(ඡායාරූප හා සටහන-මස්කෙළිය ගාමිණී බණ්ඩාර ඉලංගන්තිලක)
 
ඉහළ කොත්මලේ ජලාශයේ තිබී තරුණයෙකුගේ මළසිරුරක් තලවාකැලේ පොලීසිය මගින් අද (16) සොයා ගනු ලැබීය.

මෙම මළසිරුර නානුඔය ප්‍රදේශයේ පදිංචි 24 හැවිරිදි  ක්ලින්ටන් ඇලස්ඩ් නැමති අයෙකුගේ බවට මියගිය අයගේ ඥාතීන් විසින් හඳුනාගෙන ඇත.

මිය ගොස් ඇති තරුණයා අද පස්වරු 03.30 ට පමණ ඉහළ කොත්මලේ සුමන විද්‍යාලය අසලට පැමිණ ඔහුගේ ජංගම දුරකතනයෙන් සෙල්ෆි ඡායාරූපයක්ද රැගෙන ඔහුගේ මුහුණු පොතේ ගිණුමටද එම ඡායාරූපය ඇතුළත් කරෙ, පැයකට පමණ පසුව ඉහළ කොත්මලේ ජලාශයට පැන ඇති බව තලවාකැලේ පොලීසිය පවසයි. මෙම තරුණයා ජලාශයට පනින අයුරු අවට පදංචිකරුවන් විසින් දැක තලවාකැලේ පොලීසියට දන්වා ඇත.

තලවාකැලේ පොලීසිය, නාවුක හමුදාවේ කිමිඳුම්කරුවන් යොදා මළ සිරුර අද සවස ගොඩ ගන්නා ලදී.

පශ්චාත් මරණ පරීක්ෂණය පැවැත්වීම සඳහා මළසිරුර නුවරඑළිය මහ රෝහල වෙත යැවීමට පියවර ගනු ලැබීය.