සිතුම් චතුරංග
 
ඉන්දියාවේ ධීවර බෝට්ටු මගින් මෙරටට ගෙන්වූ රුපියල් කෝටි දෙකකට ආසන්න වටිනාකමින් යුත් කේරළ ගංජා කිලෝ 154ක් රැගෙනයමින් සිටි පුද්ගලයින් තිදෙනකු මන්නාරම සිලාවතුර , අරසමුරිප්පු ප‍්‍රදේශයේදී අද (07) අත්අඩංගුවටගත් බව මන්නාරම පොලිසිය කියයි.
 
මන්නාරම පොලිස් විෂ මත්ද්‍රව්‍ය ඒකකයේ නිලධාරීන් වෙත ලැබුණ තොරතුරකට අනුව සිදුකළ වැටලීමකදී සැකකරුවන් හා කේරළ ගංජා තොගය අත්අඩංගුවටගත් බව පොලිසිය පවසයි.
 
කොළඹ ප‍්‍රදේශයට ප‍්‍රවාහනය කිරීම සඳහා මෙම කේරළ ගංජා තොගය සූදානම් කොට තිබූ බවත් එහි තිබී කිලෝ දෙකක ප‍්‍රමාණයේ කේරළ ගංජා පාර්සල් 72 තිබූ බවද පොලිසිය සඳහන් කරති.
 
පොලිසිය පැවසූයේ සැකකරුවන් ඉන්දියාවේ සිට ධීවර බෝට්ටු මාර්ගයෙන් කේරළ ගංජා රැගෙනවිත් කැළෑ ප‍්‍රදේශයක සඟවීමට රැගෙනයමින් සිටියදී අත්අඩංගුවටගැනීමට හැකිවූ බවයි.