(රොමේෂ් මධුෂංඛ)
 
වව්නියාව ඕමන්ත ප්‍රදේශයේ දී ඇත්දළ දෙකක් විකිණීමට ගිය පුද්ගලයකු  අත්අඩංගුවට ගත් බවට මාන්කුලම් පොලිස් විශේෂ කාර්ය බළකා නිලධාරීහු පැවසූහ.


මාන්කුලම් පොලිස් විශේෂ කාර්ය බළකා කඳවුරේ නිලධාරීන් පිරිසක්ට ලැබුණු තොරතුරකට අනුව එහි නිලධාරීන් පිරිසක් විසින් ඕමන්ත ප්‍රදේශයේ සිදු කළ සෝදිසියක දී අදාළ ඇත්දළ විකිණීමට ආ පුද්ගලයා අත්අඩංගුවට ගෙන ඇත.

අත්අඩංගුවට ගත් සැකකරු පරික්ෂා කිරීමේදී ඔහුගේ බෑගයක තිබූ අඩි දෙකහමාරක් පමණ දිගින් යුත් ඇත්දළ දෙකක් සොයාගෙන ඇති අතර අදාළ ඇත්දල දෙක රුපියල් ලක්ෂ 4 කට විකිණීමට සැලසුම් කර තිබූ බවට මාන්කුලම් පොලිස් විශේෂ කාර්ය බළකා නිලධාරීන් අනාවරණය කර ගෙන ඇත.

අත්අඩංගුවට ගත් සැකකරු ඕමන්ත ප්‍රදේශයේ පදිංචිකරුවෙකු වන අතර ඇත්දළ සමඟ සැකකරු වව්නියාව වනජීවි නිලධාරීන් බාරදී අධිකරණයට ඉදිරිපත් කිරීමට මාන්කුලම් පොලිස් විශේෂ කාර්ය බළකා නිලධාරීන් පියවර ගනු ලැබීය.