(ශාන්ත චන්ද්රසිරි)
හෝර්ටන්තැන්න ජාතික වනෝද්යානය ඇතුළු ප්රදේශ රැසකින් අල්ලා ගන්නා ලද සතුන් හා ශාක කොටස් රැසක් රහසේ රැගෙන යාමට තැත් කරන ලද නඩුවට අදාල විදේශිකයන් දෙදෙනා ඇප කොන්දේසි සපුරා නොතිබීම හේතුවෙන් ඇප කොන්දේසි සපුරාලනතෙක් රක්ෂිත බන්ධනාගාර ගත කරන ලෙස නුවරඑළිය මහේස්ත්රාත් පමෝද ජයසේකර මහතා අද (25) නියෝග කළේය.
මෙලෙස රක්ෂිත බන්ධනාගාර ගත කෙරුණේ රුසියානු ජාතිකයන් දෙදෙනෙකි.
හෝර්ටන්තැන්න ජාතික වනෝද්යානය, සීගිරිය, දඹුල්ල, හබරණ, යාල, ගිනිගත්හේන, යාපනය ආදී මෙරට ස්ථාන රැසකින් එකතු කර ගන්නා ලද දැනට මෙරටින් වඳවීයාමේ තර්ජනයට ලක්ව ඇති කටුස්සන්, ගෝනුස්සන්, ගෙම්බන්, හුනන්, ගොළුබෙල්ලන්, මකුළුවන්, සර්පයන්, සමනලයන් ඇතුළු සත්ත්ව විශේෂ 23 ට අයත් සතුන් 550 කු හා ශාක වර්ගවල කොටස් විශාල ප්රමාණයක් මෙම විදේශිකයන් දෙදෙනා විසින් විශේෂ බහාලුම්වල බහා නුවරඑළියේ සංචාරක නවාතැන් පොලක සඟවා තිබියදී හෝර්ටන්තැන්න ජාතික වනෝද්යානයේ නිලධාරීන් විසින් සොයාගෙන ඔවුන් අත්අඩංගුවට ගෙන පසුගිය මාර්තු මස 03 දින අධිකරණය හමුවට ඉදිරිපත් කොට තිබිණි.
මෙම සිද්ධියට සම්බන්ධ රුසියානු ජාතික විදේශිකයන් තිදෙනොගෙන් එක් අයෙකු අසනීප තත්ත්වයක් හේතුවෙන් බදුල්ල මහ රෝහලේ නේවාසිකව ප්රතිකාර ලබන බැවින් අධිකරණයට පැමිණීමට නොහැකි බව විදේශිකයන් වෙනුවෙන් අධිකරණයේ පෙනී සිටි නීතීඥ චන්දන පෙරේරා මහතා මෙහිදී අධිකරණයට දැනුම් දෙන ලදි.
මෙම නඩුව සම්බන්ධයෙන් සංශෝධිත චෝදනා පත්රයක් ඉදිරි නඩු දිනයේදී අධිකරණයට ඉදිරිපත් කිරීමට පියවර ගන්නා බව හෝර්ටන්තැන්න ජාතික වනෝද්යානය භාරකරු පී. එම්. පී. කේ. ප්රදීප් කුමාර මහතා කරුණු දක්වමින් අධිකරණයට පැවැසීය.
ජුලී මස 02 දින යළි මෙම නඩුව කැඳවීමටත්, එදිනට සංශෝධිත චෝදනා පත්රය ගොනු කොට අධිකරණයට ඉදිරිපත් කරන ලෙසත් මහේස්ත්රාත්වරයා මෙහෙදී වැඩිදුරටත් නියෝග කලේය.
හෝර්ටන්තැන්න වනෝද්යානය භාරකරු පී. එම්. පී. කේ. ප්රදීප් කුමාර, නියෝජ්ය භාරකරු ටී. පී. දයාරත්න, වනසත්ත්ව අඩවි සහකාර පී. එම්. පී. පනාවලගේ, වනසත්ත්ව නියාමක ප්රියදර්ශණ, කේෂ්ත්ර සහායක උදය කුමාර, රියදුරු එස්. චන්ද්රලාල් යන නිලධාරී මහත්වරුන් විසින් මෙම වැටලීම සිදු කොට විදේශිකයන් තිදෙනා, සතුන් හා අනෙකුත් භාණ්ඩ අත්අඩංගුවට ගෙන අධිකරණ හමුවට ඉදිරිපත් කිරීමට පියවර ගෙන තිබිණි.
රුසියානු ජාතික සැකකරුවන් වෙනුවෙන් නීතිඥ චන්දන පෙරේරා මහතා පෙනී සිටින ලදි.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
හෝර්ටන්තැන්නෙන් සත්ව-ශාක කොටස් ගෙනයාමට තැත්කළ විදේශිකයන් දෙදෙනා රිමාන්ඩ්