(ප්රියානි මංගලිකා )
නිකවැරටිය, මොන්නෑකුලම දී විදුලිය සැර වද්දවා අලියෙකු මැරූ අයෙකුට රුපියල් ලක්ෂ දෙකක දඩ මුදලක් සහ වසර 10කට අත්හිටුවන ලද බරපතල වැඩ සහිත මාස හයක සිර දඬුවමක් අද (23) නිකවැරටිය මහේස්ත්රාත් සසිකා ලක්මාලි දසනායක මහත්මිය නියම කළාය.
මෙම දඩ මුදල ලබන මස 21 දින එකවර ගෙවන ලෙසද මහේස්ත්රාත්වරිය වැඩිදුරටත් නියෝග කළාය.
මෙලෙස දඩ සහ අත්හිටු වූ සිරදඬුවම් නියම කෙරුණේ නිකවැරටිය, මොන්නෑකුලම , මීමිනිඅංගේ පදිංචි එච්.එම්.පුංචිබංඩා (70)නැමති අයෙකුටය.
වසර 2016/05/25 දින මෙම පුද්ගලයාගේ ගෙවත්තේ ඇද තිබු අනවසර විදුලි රැහැනක පැටලී අලියා මැරී වැටී සිරුරද නරක් වී තිබූ බවද ,හදිසි මරණ පරීක්ෂණය සිදු කළ වයඹ වනජීවි පශු වෛද්ය චන්දන ජයසිංහ මහතා මෙම අලියාගේ මරණය විදුලිය සැර වැදීමෙන් සිදු වූවක් බවට නිගමනය කල බවද නිකවැරටිය වනජීවි අඩවි ආරක්ෂක අයි.එම්. ජී. සෙනවිරත්න මහතා අධිකරණයට සාක්ෂි ලබා දෙමින් පැවසීය.
ඒ වන විට ප්රදේශයෙන් පලාගොස් රෝහල් ගතව සිටි සැකකරු සහ අලියා පැටලී සිටි අනවසර විදුලිය රැහැන ද අධිකරණයට ඉදිරිපත් කිරීමට පියවර ගත් බවද මරණයට ලක්ව සිටි මෙම පිරිමි අලියා අඩි අටක් උස හා වයස 20 ක පමණ හොඳින් වැඩුන අලියෙකු බවද අඩවි ආරක්ෂක වරයා වැඩිදුරටත් අධිකරණයට කරුණු දැක්වීය.
මෙහිදී නිකවැරටිය වනජීවි නියාමක නිලධාරී.සංජීව වීරසිංහ ,වයඹ වනජීවි පශුවෛද්ය චන්දන ජයසිංහ ,වාරියපොල ප්රාදේශීය විදුලි ඉංජිනේරුවරයා සහ මොන්නෑකුලම වසම බාර ග්රාම නිලධාරීවරයා ද අධිකරණයට සාක්ෂි ලබා දුන්නේය.
නිකවැරටිය වනජීවි කාර්යාලය නඩුව පවරා තිබු අතර,කුරුණෑගල වනජීවි කලාප කාර්යාලයේ වන සත්ව අඩවි ආරක්ෂක එම්.ඒ.පතිරාජ ධර්මසිරි මහතා විසින් නඩුව මෙහෙයවීය.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විදුලි සැර වද්දවා අලියකු මැරූ අයකුට දස වසරක අත්හිටවූ සිරදඬුවමක්