(අප්සරා යෝසිත් විජේසූරිය)

ගෙවත්තකට  ඇතුල්වී කාන්තාවකට පහරදී පොල්ගෙඩි  07ක්  පැහැරගෙන සන්තකයේ  තබාගත්තේ යැයි  වරඳ පිළිගත් පුද්ගලයෙකුට එරෙහිව ගොනුකර තිබූ පළමු  හා චෝදනා සඳහා වෙන්  වශයෙන් මාස තුන බැගින් බරපතල වැඩ සහිත වසර දහයකට අත්හිටවූ සිර දඩුවම් ලබා දිමට රත්නපුර ප්‍රධාන මහෙස්ත්‍රාත් සාලිය චන්න අභයරත්න මහතා නියෝග කළේය.  

එමෙන්ම ඔහු සිදුකළ අලාභය වෙනුවෙන්  වන්දි වශයෙන් රුපියල්  1700 ක් එම ගෙවත්තේ හිමිකාර කාන්තාව වෙත ගෙවීමටත් මහේස්ත‍්‍රාත්වරයා නියෝග කළේය.

මෙසේ අලාභ වන්දි මුදල් ගෙවීමට සිදුවුයේ රත්නපුර ප‍්‍රදේශයේ පදිංචිකරුවෙකු වන ඩබ්ලිව්. ධනුෂ්ක නම් පුද්ගලයකුටය.

මේ පිළිබඳව රත්නපුර පොලිසිය අපරාධ විමර්ශන ඒකකයේ ස්ථානාධිපති පොලිස් පරීක්‍ෂක සමන් පාලිත මහතා විසින් රත්නපුර ඇලපාත පාර,  කොටාමුල්ල ප‍්‍රදේශයේ ගෙවත්තකට අයුතු ඇතුල්වීම සහ පොල්ගෙඩි 7ක් සොරකම් කිරීම සහ ළඟතබාගැනීම යන චෝදනා මත මෙසේ අධිකරණයදී වරද පිළිගත් පුද්ගලයාට එරෙහිව චෝදනා ගොනුකර තිබිණි.

වරද පිළිගත් පුද්ගලයා විසින් එම ගෙවත්ත හිමිකාර කාන්තාවට ගෙවනලද අලාභ වන්දි රුපියල් 1700 ක මුදල එම කාන්තාව විසින් පරිත්‍යාග කිරීමට කැමැත්තක් දක්වන්නේ නම් පුණ්‍ය ආයතනයක් වෙත යොමුකර පරිත්‍යාග කරන මෙන්ද මහේස්ත‍්‍රාත්වරයා එහිදී ප්‍රකාශ කළේය.