ආදරවන්තයින්ගේ මුදල් හා ජංගම දුරකතන සොරා ගන්නා සංවිධානාත්මක කල්ලියක පුද්ගලයන් දෙදෙනෙකු සැකපිට ගලේවෙල පොලීසිය අත්අඩංගුවට ගෙන තිබේ.
ගලේවෙල දේවහුව ජලාශය ආසන්නයේ පෙම්සුව විඳිමින් සිටි යුවළකගෙන් ලැබුණු තොරතුරක් මත ගලේවෙල පොලිසියේ ස්ථානාධිපතිවරයා ඇතුළු කණ්ඩායමක් කළ පරීක්ෂණ අනුව මෙම සැකකරුවන් දෙදෙනා අත්අඩංගුවට ගැනීමට හැකි වී තිබේ.
අත්අඩංගුවට ගන්නා අවස්ථාවේදී දේවහුව ජලාශය ආසන්නයේ සිටි පෙම්වත් යුවළක් සතු රුපියල් 500ක මුදල් සහ ඔවුන්ගේ ජංගම දුරකථනය සොරා ගෙන තිබී සොයා ගත් බව ගලේවෙල පොලිසියේ ස්ථානාධිපති පොලිස් පරීක්ෂක නිලංග ප්රනාන්දු මහතා පැවසීය.
රජයේ නිවාඩු දිනයන්හිදී ගලේවෙල, දඹුල්ල, සීගිරිය ආදී ප්රදේශවල පෙම්වතුන් සිටින ස්ථානවල රැඳී සිටිමින් ඔවුන් බියගන්වා මෙසේ මුදල් පැහැරගැනීම කාලයක සිට සිදුකර ඇතැයි වාර්තා වේ.
ඇතැම් අවස්ථාවලදී මොවුන් සිවිල් පොලිස් නිලධාරීන් ලෙස පෙනීසිටිමින් හොර රහසේ පෙම් සුව විඳීමට නිවෙස් වලට පැමිණෙන ජෝඩු බියගන්වා ඔවුන් සතු රන් මාල, මිල මුදල් සහ ජංගම දුරකතන පැහැරගැනීමේ ජාවාරමක නිරතව ඇති බව පරීක්ෂණවලදී හෙළි වී තිබේ. මෙවැනි සිදුවීම් රැසක් පසුගිය දිනවල සීගිරිය මෙන්ම දඹුල්ල පොලිස් බල ප්රදේශයන්හිදී ද වාර්තා විණි.
මෙසේ අත්අඩංගුවට ගත් පුද්ගලයන් දෙදෙනා ගලේවෙල මාදිපොල ප්රදේශයේ සහ සියඹලාගස්වල ප්රදේශයේ පදිංචිකරුවන් බව පොලීසිය කියයි.
දේවහුව ජලාශයේ නිවාඩු දිනයන්හිදී උපකාරක පන්ති යන මුවාවෙන් පෙම් සුව විඳීම සඳහා විශාල පිරිසක් පැමිණෙමින් සිටින බවත් දෙමව්පියන් මේ පිළිබඳව දැඩි අවධානය යොමු කොට තම දරුවන් ආරක්ෂා කිරීමේ වැඩපිළිවෙලක් ක්රියාත්මක කළ යුතු බවත් පොලිසිය ජනතාවගෙන් ඉල්ලා සිටිති.
මෙසේ අත්අඩංගුවට ගත් සැකකරුවන් දෙදෙනා, මුදල් සහ ජංගම දුරකථන දඹුල්ල මහේස්ත්රාත් අධිකරණයට ඉදිරිපත් කිරීමට නියමිත බව පොලිසිය කියයි.
ගලේවෙල පොලිසියේ ස්ථානාධිපති පොලිස් පරීක්ෂක නිලංග ප්රනාන්දු මහතාගේ උපදෙස් පරිදි අපරාධ විමර්ශන අංශයේ නිලධාරීහු පරීක්ෂණ පවත්වති.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පෙම්වතුන්ගේ ජංගම දුරකතන- සල්ලි සොරාගන්නා කල්ලිය දෙන්නෙක් අත්අඩංගුවට