(විනීතා එම් ගමගේ)
ආණ්ඩුව ඉක්මණින් මැතිවරණය පැවැත්වීමට වෙර දරන්නේ මැති සබේ තුනෙන් දෙකේ බලය ලබා ගැනීමට යැයි එජාපයේ බොහෝ දෙනා කියන කතාවෙන් පෙනී යන්නේ මැතිවරණය පැවැත්වුව හොත් පොදු පෙරමුණට තුනෙන් දෙකේ බලය ලැබෙන බවට ඔවුන් තුළ ඇති පිළිගැනීම යැයි පිවිතුරු හෙළ උරුමය නායක නීතිඥ උදය ගම්මන්පිල මහතා පැවැසීය.
සමානුපාතික ක්රමය හඳුන්වාදුන් දවසේ සිට මේ දක්වා කිසිඳු පක්ෂයක් පාර්ලිමේන්තුවේ තුනෙන් දෙකක බලයක් ලබානොගත් බවත් ඉදිරි මැතිවරණයේ දී පොදු පෙරමුණ තුනෙන් දෙකක් ගන්නා බව පොදු පෙරමුණට සතුරු එජාපය සහතික කර කියන බවත් ගම්මන්පිල මහතා කීය.
19 වන සංශෝධනයෙන් ජනපති ධූර කාලය වසර හයේ සිට පහ දක්වා අඩු නොකළේ නම් 2020 වනතුරු ජනාධිපති මෛත්රීපාල සිරිසේන මහතා බවත් අගමැති රනිල් වික්රමසිංහ මහතා වන අතර සෞඛ්ය ඇමති රාජිත සේනාරත්න මහතා බවත් කී ගම්මන්පිල මහතා එසේ වූයේ නම් කොරෝනා රෝගය ලංකාවට ඇවිත් බව තමන් දැන ගත්තේ පත්තරෙන් යැයි ජනාධිපතිවරයා කියනු අසන්නට සිදුවනු ඇතැයි පැවසීය.
19 සංශෝධනය නොවුනේ නම් කොරෝනා පැතිරෙද්දී මට කරන්න දෙන්නේ නැතැයි අගමැති කියන අතර සෞඛ්ය ඇමති වෛද්යවරු සමඟ රණ්ඩු වෙමින් සිටිනු ඇතැයි ද මට බලතල නැතැයි හමුදාපති කියනු ඇතැයි ද එසේ වී නම් මේ වනවිට කොරෝනා රෝගීන් හා මරණ සංඛ්යාවෙන් ඇමරිකාව පරදන්නට ලංකාවට හැකි වනු ඇති බවත් මෙතෙම කියා සිටියේය.
ජනාධිපතිවරයාගේ ධූරකාලය වසරකින් අඩුකිරීමේ හේතුවෙන් ලොව ජනාධිපතිවරුන් දෙදෙනෙකු අමාරුවේ වැටුණේ යැයි කී ගම්මන්පිල මහතා වසරකට කලින් සමුගන්න ලැබීමෙන් මෛත්රිපාල ජනාධිපතිවරයා අමාරුවේ වැටුණු අතර ලෝකයේ වැඩිම කොරෝනා මරණ සිදුවූ රට ලංකාව වීමට තිබුණු අවස්ථාව අහිමිවී එය තමන් ගේ හිස මත වැටීමෙන් ඇමරිකාවේ ජනාධිපති ඩොනල්ඞ් ට්රම්ප් අමාරුවේ වැටුනේ යැයි ද පැවසීය.
කොරෝනා වසංගතය කිසිදිනක සම්පූර්ණයෙන්ම අවසන් නොවන බැවින් එය පවතිද්දී ජනජීවිතය පවත්වාගෙන යායුතු යැයි ලෝක සෞඛ්ය සංවිධානය කියන අතර කොරෝනා සම්පූර්ණයෙන්ම අවසන් වූ පසු මැතිවරණ තියන්නැයි එජාපයත් ජවිපෙත් කියන කතාවේ අරුත කිසිදිනක මැතිවරණ පවත්වන්නට එපා කියන එක දැයි ඔහු ප්රශ්න කළේය.
පිවිතුරු හෙළ උරුමය නායකයා මේ අදහස් පළ කළේ එම පක්ෂයේ ප්රධාන කාර්යාලයේ අද (26) පැවති මාධ්ය හමුවක දීය.
එහි දී තවදුරටත් අදහස් දැක්වූ ගම්මන්පිල මහතා ආණ්ඩුව මොන දේ කළත් ජනතාව ඒවා පිළිපැද්දේ නැත්නම් මේ රෝගයෙන් වැළැකිය නොහැකිවනු ඇතැයි ද කොරෝනා ජය ගැනීම රටක් ලෙෂ එක මිටට ගත් ජයක් යැයි ද පැවැසීය.
ශ්රී ලංකාව භාවිතා කළ ක්රමවේදය වූයේ රෝගය පැතිරෙන්නට පෙර රෝගීන් හඹායෑම බවත් වියට්නාමයේ ද එම ක්රමය අනුගමනය කළ බවත් කී ඔහු එය සාර්ථක බවත් බටහිර රටවල් අනුගමනය කළ පරික්ෂණ පුළුල් කීරීම අසාර්ථක ක්රමයක් බවත් හෙතෙම සඳහන් කළේය.
මාධ්යවේදියෙකු නැගූ ප්රශ්නයකට පිළිතුරු දෙමින් ගම්මන්පිල මහතා කියා සිටියේ ජනතාවගේ ප්රධාන ආහාරය බත් වන බැවින් සහල් සමඟ සෙල්ලම් කරන්නට කවුරුන් හෝ තැත්ත කරන්නේ නම් ඔවුන් මේ රටේ ජනතාවගේ බඩගින්න සමඟ සෙල්ලම් කරන බව අමතක නොකල යුතු යැයි ද කීය.
මානුෂීයව කටයුතු කරන්නට සහල් මෝල් හිමියන් සුදානම් නැත්නම් ඒ සහල් වර්ගය වර්ජනය කරන්නට ජනතාව තීරණය කළොත් සහල් මෝල් හිමියන්ට කුමක් සිදුවන්නේ දැයි විමසූ ඔහු මෝල් හිමියන් නිසා ජනතාව කනවා නොව ජනතාව නිසා තමන් කාබී ජීවත්වන බව සහල් මෝල් හිමියන් වටහා ගතයුතු යැයි ද කීය.
මෙම මාධ්ය හුමවට පිවිතුරු හෙළ උරුමයේ ප්රධාන ලේකම් උපුල් විජේසේකර නියොජ්ය ජාතික සංවිධායක හසපාල කෝරලගේ යන මහත්වරුන් ද සහභාගි වූහ.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘ආණ්ඩුව තුනෙන් දෙකක් ගන්නා බව කියන්නේ එජාපයයි‘‘
ජයන්ත Tuesday, 26 May 2020 02:24 PM
මැතිවරණ ජයග්රහණය තුනෙන් දෙක නොව, හයෙන් පහක් වේදැයි දෙගිඩියාවෙනුයි ඔවුන් පසු වන්නේ...
Rata Perata Wednesday, 27 May 2020 06:31 AM
කරුණාකරලා වෙන කෙනෙක් ගැන ලියන්න බලනවද? පුද්ගලික වාසියම බලන්න එපා, වැදගත් කෙනෙක්ගෙන්, ජාතික වැදගත් කමක් ඇති දේවල් ලියනවා නම් හොඳයි...
sam Wednesday, 27 May 2020 07:27 AM
එජාපයේ අය සැමවිටම කියන්නේ බොරු, ඒවා විශ්වාස කරන්න එපා කියලා ඔබතුමාම නේද කිව්වේ?
srisena Wednesday, 27 May 2020 08:54 AM
තාම ඔහේගේ ඔලුවේ අමාරු ගතිය හොඳ වෙලා නැහැ වගේ නේද? මිනිස්සු කබලෙන් ලිපට වැටිලා ඉද්දි මෙයාලා 2/3 ගැන කතා කරනවා. අද අපි මේ විඳවන්නේ නිල්, කොළ, රතු ඇතුළු සියලු දෙනා රට වෙනුවෙන් කරපුවගේ ප්රතිඵල තමයි. කිසිඳු දේශපාලන පක්ෂයකට මේ රට හදන්න පුලුවන්ද? බැරිද? කියන එක දැන් ජනතාවට තේරෙනවා... 1977 වන විට අපි ණය නැති, රටේ යම් නිෂ්පාදනයක් හිමි, යම් ශිෂ්ට සම්පන්න, තරමක් දියුණු රටක්... අද ණය ගෙවාගන්න අමාරු, කුඩු, කසිප්පු, වංචාව සුලබ බවක් පෙන රටක් වෙලා... මේ රට හදන්න පුළුවන් ජනතාවට. අපි අපේ වගකීම රට වෙනුවෙන් කරන්න බලමු. ඔයාලට පුළුවන් නම් ඔක්කොම එකතුවෙලා සමගියෙන් ඉන්න බලන්න. කිසිදු පාලකයකුට දොස්කීමෙන් රට දියුණු වන්නේ නැත...
Chandana Wednesday, 27 May 2020 02:54 PM
මේ වගේ අයටත් ඡන්දෙ දෙනවනේ... ඒකනේ උම්බෑ කියන්නේ නිතරම...