(නිමල කොඩිතුවක්කු)
වීරෝධාර රණවිරුවන් කුණු කානු සුද්ද කිරීමට, මන්දිරවල වැඩට යෙදවූ ගෝඨාභය රාජපක්ෂ ඇතුලූ රාජපක්ෂවරුන් අද රණවිරුවන් වෙනුවෙන් කිඹුල් කඳුළු හෙළන බව පාර්ලිමේන්තු මන්ත්රී තුෂාර ඉදුනිල් අමරසේන මහතා පැවැසීය.
වත්මන් ආණ්ඩුව තරම් රණවිරුවන්ගේ ආත්ම ගරුත්වය ආරක්ෂා කරමින් රණවිරුවන් වෙනුවෙන් පහසුකම් සැලසූ වෙනත් කිසිදු ආණ්ඩුවක් නොමැති බවත් මන්ත්රිවරයා සඳහන් කළේය.
කොළඹ අරලියගහ මන්දිරයේ අද(17) පැවැති මාධ්ය හමුවකට එක්වෙමින් ඔහු මේ බව පැවැසීය.
එහිදී වැඩිදුරටත් අදහස් දැක්වූ තුෂාර ඉදුනිල් අමරසේන මහතා මෙසේද කීය
‘‘ආබාධිත රණවිරුවන්ගේ වැටුප් ප්රශ්නයක් මුල් කරගනිමින් විරෝධතාවයක් ක්රියාත්මක වෙනවා. ජනාධිපතිවරණය ඇතුළු මැතිවරණ ගණනාවක් ඉදිරියේදී පැවැත්වීමට නියමිතව තිබෙනවා. මැතිවරණ ආසන්නවීමත් සමඟ රණවිරුවන්ගේ කරපිටින් දේශපාලනයේ නිරත වීමට ඇතැම් පිරිස් උත්සාහ ගනිමින් සිටිනවා.
අපි දැක්කා කමල් ගුණරත්න බොහෝම වේදනාවෙන් කෑ ගහලා කියනවා ගෝඨාභය රාජපක්ෂ මහතා බලයට පත්වුණාට පස්සේ මේ රණවිරු ප්රශ්නය විසඳනවලු. 2020 බලයට පත්වුනාට පස්සේ විසඳනවට වඩා 2009 වසරේ ආබාධ වූ මේ රණවිරුවන්ට 2015 දක්වා රටේ සේනාධිපති ලෙස කටයුතු කළ විධායක ජනාධිපති ලෙස කටයුතු කළ මහින්ද රාජපක්ෂට ආරක්ෂක ලේකම් ලෙස කටයුතු කළ ගෝඨාභය රාජපක්ෂලාට අද තියෙන මේ රණවිරු කැක්කුම එදා නොතිබුණේ ඇයි කියලා අපි විමසනවා.
රාජපක්ෂවරුන් ඇතුළු මේ නඩය මහා සංඝරත්නයේ සිවුරේ එල්ලිලා බලයට එන්න දැඟලුවා. පටු දේශපාලන වාසි වෙනුවෙන් දැන් රණවිරුවන් අවුස්සලා ඔවුන්ගේ කර පිටින් බලයට එන්න දගලනවා.
රණවිරුවන් වෙනුවෙන් හඬ නගන රණවිරුවන්ට ආදරය කරන මේ පිරිස 2009 යුද්ධ ජයග්රහණයෙන් පස්සේ රණවිරුවන්ට සලකපු විදිය අපි දැක්කා. කුණු කානු සුද්ධ කරන්න, මන්දිරවල වැඩට යොදවමින් වීරෝධාර රණවිරුවන්ගේ ආත්ම ගරුත්වය රාජපක්ෂවරු නැත්තටම නැති කළා. ඒ නින්දිත යුගය අවසන් කරලා 2015 අපේ ආණ්ඩුව පත්වුණාට පස්සේ තමයි රණවිරුවන්ට යළිත් ආත්ම අභිමානයක් ලැබුණේ. අපේ රජය යටතේ ත්රිවිධ හමුදාවට පොලීසියට වැටුප් වැඩිකළා, ස්වාධීනව ඔවුන්ට කටයුතු කරන්න ලබාදුන්නා.
එදා රණවිරුවන් නෙසලකා හැරපු ගෝඨාභය රාජපක්ෂ ඇතුළු පිරිස අද රණවිරුවන් වෙනුවෙන් කිඹුල් කදුළු හෙළනවා. අපි රණවිරුවන්ට කියනවා මේ අයගේ දේශපාලන න්යාය පත්රවලට යටත් වෙන්න එපා කියලා. ගැටලු තියෙනවනම් ඉදිරිපත් කරන්න ඒවා විසදීමටත් අපි කටයුතු කරනවා’’ යැයිද මන්ත්රීවරයා එහිදී පැවැසීය.
( ඡායාරූපය - චතුර එස් කොඩිකාර )
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘රාජපක්ෂවරු අද රණවිරුවන් වෙනුවෙන් කිඹුල් කඳුළු හෙළනවා‘