(විනීතා එම් ගමගේ)
ජනාධිපති ඝාතන කුමන්ත්රණය පිළිබඳව නියෝජ්ය පොලිස්පති නාලක සිල්වාගෙන් දින තුනක් තිස්සේ ප්රකාශ ගන්නේ ඒ තරම් විශාල ප්රශ්නයක් මෙම කුමන්ත්රණය පිටුපස තිබෙන නිසා විය යුතු යැයි ප්රජාතන්ත්රවාදී වාමාංශික පෙරමුණේ නායක පාර්ලිමේන්තු මන්ත්රී වාසුදේව නානායක්කාර මහතා ප්රකාශ කළේය.
මේ සිද්ධිය තුළින් රාජ්යය හෙල්ලූම් කා ඇතැයි ද රටේ අභයන්තර අර්බුදයක් මෙන්ම බාහිර අර්බුදයක් පැන නැගී ඇතැයි ද මේ වනවිට රෝ සංවිධානය දක්වා ප්රශ්නය ඔඩු දුවා ඇතැයි පැහැදිලි යැයි ද හෙතෙම කියා සිටියේය.
ඝාතන කුමන්ත්රණ ගැන ජනාධිපතිතුමන් අදහස් දක්වමින් පරික්ෂණවල ප්රගතිය ඉතා සෙමින් සිදුවන බව පවසා ඇතැයි ද එතුමා එසේ කියන්නේ තමනුත් නොදන්නා බොහෝ දේ දන්නා නිසා විය හැකි යැයි ද එජාපයට සිනහවට ලක් කරන කරුණක් වී ඇති මෙම කුමන්ත්රණ කථාව පිළිබඳව එජාපයේ නිහඬතාව බලවත් හඬක් යැයි තමන්ට සිතෙන බවද මන්ත්රීවරයා පැවැසීය.
මෙම කුමන්ත්රණයට රෝ සංවිධානය පැටලවීමට හදන්නේ පරික්ෂණ නොමඟ යැවීමට යැයි කී නානායක්කාර මහතා සැබැවින්ම ජනාධිපති ඝාතන උවමනාව ඇත්තේ ඇමෙරිකන් ඔත්තු සේවාවන්ට යැයි ද කීය. ඇමරිකා ඔත්තු සේවාවන්හි අරමුණ ඔවුන්ගේ නියෝජිතයා රටෙහි නායකයා කිරීම යැයි ද හෙතෙම සඳහන් කළේය.
එය තර්ජනයක් ලෙස දුටු රෝ සංවිධානය මේ කුමන්ත්රණය හෙළි කිරීමට කටයුතු කළ බව තම වැටහීම යැයි ද නානායක්කාර මහතා කීය.
ද හින්දු පුවත්පත හොඳ අනු දැනුමක් ඇතිව කටයුතු කරන පුවත්පතක් යැයි පැවසූ මන්ත්රීවරයා බොහෝ දේ සිදුවන්නේ රනිල් මහතාගේ උවමනාවට බව පෙනී යන්නේ යැයි ද කීය.
ඉකුත් නොවැම්බරයේ සිට මේ දක්වා ඔහු ඉන්දියාවට තෙවතාවක් ගොස් ඇති බවත් මෙදා කැබිනට් රැස්වීම අවසන් වූ වහාම එහි ගිය බවත් ඔහු සඳහන් කළේය. වරායේ නැගෙනහිර පර්යන්තය, ත්රිකුණාමල හා මඩකලපු ගුවන් පථ ද පලාලි ගුවන් තොටුපල ද දෙන්නට පොරොන්දු වී ආවත් කැබිනට් මණ්ඩලයේ දී ජනාධිපතිවරයාගේ විරොධය හේතුවෙන් එය කළ නොහැකි වූ බැවින් ඒ පිළිබඳව කථා කරන්නට එහි ගියා යැයි සිතන බව ද නානායක්කාර මහතා පැවසීය.
නාලක සිල්වා ගැන තහවුරු වන සාක්ෂි නැතැයි පොලිසිය කියන නමුත් නාමල් කුමාර මේ ගැන කියනවා නම් එයම සාක්ෂියක් කරගෙන පරික්ෂණ නොකරන්නේ මන්දැයි විමසා සිටින බව ද කියා සිටියේය.
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ලංකා දේශපාලන ඉතිහාසයේ තීව්රැතම ගැටුම ඉදිරි මාස හත අට තුළ නිර්මාණය වෙනවා. මේක ‘ඩූ ඕ ඩයි’ සටනක් යැයි ජාතික ජනබලවේගයේ නායක පාර්ලමේන්තු මන්ත්රී අනුර කුම
ආර්ථිකය ගැන දින හතක විවාදයකට එන්නැයි විපක්ෂ නායක සජිත් ප්රේමදාස මහතා ප්රවාහන හා මහා මහාමාර්ග අමාත්ය බන්දුල ගුණවර්ධන මහතාට පාර්ලිමේන්තුවේ දී අභිය
මිනිස්සුන්ට අරගල තිත්ත වෙලා යැයි පොදුජන පෙරමුණේ මන්ත්රී මහින්දානන්ද අලුත්ගමගේ මහතා පාර්ලිමේන්තුවේ දී පැවසීය.
ජනාධිපතිවරුන් ලෙස සිට නැවත පාර්ලිමේන්තුවට පැමිණීම නීතියක් ගෙනැවිත් නතර කළ යුතුව තිබෙන බව පොදුජන පෙරමුණේ කුරුණෑගල දිස්ත්රික් මන්ත්රී දයාසිරි ජයස
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
‘නාලක ද සිල්වාගෙන් මෙතරම් ප්රශ්න කරන්නේ එය විශාල කුමන්ත්රණයක් විය යුතුයි‘
rocky Wednesday, 31 October 2018 02:58 AM
අර නඩු විභාග වෙන්න බොහොම කල් ගත වෙන හින්ද ඒවත් බොහොම බරපතල නඩු විය යුතුයි නේද?