(*** මඩුකන්ද සිතුම් චතුරංග)
වැරැදි කළ පුද්ගලයන් රකින්න සමගි ජන බලවේගය කිසිවිටක උත්සාහ දරන්නේ නැති බවත්, මොනම ආකාරයකින්වත් ඔප්පු වුවහොත් සියලු දෙනාට අපක්ෂපාතීව දඬුවම්කරන බවත් සමගි ජන බලවේගයේ නායක සජිත් ප්රේමදාස මහතා වවුනියාවේදී පැවසීය.
බොරු චෝදනා නිර්මාණය කර විවිධ පුද්ගලයන්ගෙන් පළිගැනීම වත්මන් රජයේ න්යායපත්රය බවට පත්වී ඇති බවත් රටේ ඒකීයභාවය, භෞමික අඛණ්ඩතාව, දේශපාලන නිදහස රැකගනිමින් ජාතික ආරක්ෂාව හා සියලු ජාතීන්ට මුල්තැන දෙමින් තමා කටයුතු කරන බවත් ප්රේමදාස මහතා මෙහිදී සඳහන් කළේය.
සජිත් ප්රේමදාස මහතා මේ බව පැවසුවේ වවුනියාව සංස්කෘතික ශාලාවේ පෙරේදා 1වැනිදා පැවැති සමගි ජන බලවේගය ජනහමුවකට එක්වෙමිනි.
එහිදී සජිත් ප්රේමදාස මහතා මෙසේ ද කීවේය.
මා ප්රථමයෙන් වන්නි මැතිවරණ කොට්ඨාසයේ ජනතාව පසුගිය ජනාධිපතිවරණයේ හැටපන් දහසකට වැඩිය ඡන්ද සියයට 74ට වැඩි ප්රතිශතයක් ලබා දී තැබූ විශ්වාසය පිළිබඳව ස්තූතිවන්ත වනවා. ඒ විශ්වාසය මත වවුනියාව මැතිවරණ කොට්ඨාසය දියුණු කරන්නටත් මා මේ මොහොතේ පොරොන්දු වන බව ඔබට කිවයුතුයි.
මා පිරිසිදු සිංහල බෞද්ධයකු හැටියට බුදුන්වහන්සේගේ නිර්මල දහම අකුරටම ක්රියාත්මක කරනවා. කිසිම දවසක බුදුන්වහන්සේ මිනිසුන්, ජාතීන්, ආගම්, කුල ගෝත්ර ලෙස වෙනත් විදිහට හඳුන්වලා වෙනත් විදියට සලකන්න ක්රියාකළා යයි කොහේවත් දේශනා කර නැහැ. මා උතුම් ප්රතිපත්තිය අකුරටම අනුගමනය කරමින් ප්රදේශයේ ජීවත්වන සියලු දෙනාටම ජාති, ආගම්, කුල මල, පන්ති, පක්ෂ බේදයකින් හෝ වෙනත් බේදවලින් හෝ තොරව මනුෂ්යත්වයට මුල් තැන දී මේ බලප්රදේශය සංවර්ධනය කරන්න ඇපකැප වෙනවා.
මගේ පියා ඝාතනය වූයේ එල්.ටී.ටී.ඊ. ත්රස්තවාදී සිය දිවි නසාගැනීමේ බෝම්බකරුවකු නිසයි. ඔහු දමිල ජාතිකයෙක්. ඒත් එක් පුද්ගලයකුගේ ක්රියාකාරකමක් තුළ අප දමිළ ජාතියක් එක්ක වෛර කරන්නේ නැහැ. ඒ දමිළ ජාතිය සම්බන්ධ හින්දු, කතෝලික, ආගම්වලට වෛර කරන්නේ නැහැ. ඒ ජන කොට්ඨාසවලට වෛර කරන්නේ නැහැ. රණසිංහ ප්රේමදාස මැතිතුමා අපට උගන්වා තිබෙන්නේ එක් අයකුගේ දෙදෙනකුගේ කිහිප දෙනකුගේ වැරැදි ක්රියා තුළ මුළු ජාතියක්ම ආගමක්ම විනාශ කිරීම වැරැදි බවයි. ඒ වගේම පාස්කු ප්රහාරයේ සම්බන්ධ වූ ත්රස්තවාදීන් මහා දැවැන්ත හානියක් අපේ රටට කළා. ඒ පාස්කු ප්රහාරයට මුස්ලිම් ජාතිකයන් සම්බන්ධ වූවයි කියා අප මුළු මුස්ලිම් ජාතියම විනාශ කරන්න හොඳ නැහැ. ඔවුන්ගේ ආගම වූ ඉස්ලාමීය ආගම විනාශ කරන්නට හොඳ නැහැ. එවැනි දේවල් අපට රණසිංහ ප්රේමදාස මැතිතුමා උගන්වලා නැහැ. අපි දැනගන්නට ඕනෑ ත්රස්තවාදය අන්තවාදය තුරන් කරලා, සංහිඳියාවෙන්, එකමුතුභාවයෙන් එකට ඉන්නයි. සමගි ජන බලවේගයේ උදාරතර සංකල්පය එයයි.
අද වන විට සමගි ජන බලවේගයත් සමග එ්කාබද්ධව කටයුතු කරන බොහෝ දේශපාලන නායකයන් පලිගැනිමට ලක්වෙලා. දේශපාලන නායකයන්ට විවිධ චෝදනා එල්ලකරලා. පළිගැනීමම පමණක් පදනම් කර ගෙන අද දේශපාලනය තුළ දැඩි ව්යාකූලත්වය නිර්මාණය කර තිබෙනවා. වැරැදි කළ පුද්ගලයන් රකින්නට සමගි ජන බලවේගය කිසි විටක උත්සාහ කරන්නේ නැහැ. මොනම ආකාරයකින් වත් ජන සමාජය තුළ වැරැදි ක්රියාකරලා එය ඔප්පු වුවහොත් සියලු දෙනාට දඬුවම්දීමට අපක්ෂපාතීව මා කටයුතු කරනවා.
ඒ වගේම සමගි ජන බලවේගය අප රට ශක්තිමත් කරන්නටත් රට දියුණු කරන්නටත් රට සංවර්ධනය කරන්නටත් ඇප කැප වෙනවා. කොරෝනා නිසා රටේ වෙලා තිබෙන මහා ආර්ථික හානිය තුළ ආර්ථිකය ගොඩදමන්නට දැවැන්ත පරිශ්රමයක නිරතවෙනවා.
සමස්ත මාතෘ භූමියටත්, උතුරුකරයටත් අනාගතයට තිබෙන එකම විකල්පය දුරකථනයෙන් තරග කරන සමගි ජනබලවේගයයි.
මේ අපේ මාතෘ භූමියයි. මේ අපේ රට අපිට දෙවැනි පන්තියේ තුන්වැනි පන්තියේ සැලකිලි නැහැ. අප උත්සාහ කරන්නේ හැමෝටම එක වගේ සලකන රට ඇතිකිරීමටයි. ජයග්රාහී මාතෘ භූමිය ගොඩනගමි කියා සියලු දෙනාට පැවසිය යුතු බව සජිත් ප්රේමදාස මහතා වැඩිදුරටත් පැවසීය.
හිටපු අමාත්ය රිෂාඩ් බදියුදීන් මහතා සමග වන්නි දිස්ත්රික් අපේක්ෂක අපේක්ෂිකාවන් ඇතුළු පාක්ෂිකයෝ විශාල පිරිසක් මේ අවස්ථාව සඳහා එක්ව සිටියහ.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘තරහකාරයන්ගෙන් පලිගැනීම ආණ්ඩුවේ න්යාය පත්රය වෙලා‘
Raveendra Saturday, 04 July 2020 04:54 AM
මාසේ පෝය ළංවෙනකොට හරකුන්, මීහරකුන් අසාමාන්ය විදියට තප්පුලනවා කියන පැරණි කියමන නැවතත් මනා ලෙස ඔප්පු කර ඇති බව දැන්වීමට කැමැත්තෙමු..
Sirimanna Saturday, 04 July 2020 06:41 AM
දේශපාලන පළිගැනීම පටන්ගත්තේ ඔබගේ පියාගේ කාලේ... මතකද දාස මුදලාලිට සහ ඒ.ටී. ආරියරත්නට කරපු දේවල්?
RaveendraSaturday, 04 July 2020 10:31 AM
ඔබගේ අදහස් නිවැරදිය.. මෙයා හිතාගෙන ඉන්නේ මිනිස්සු මැරිලා අලුතෙන් ඉපදිලා කියලා. මෙයා නම් "තාම ඇස් ඇරලත්" නැහැ. ඇත්තෙන්ම මේ වගේ කිසි වැදගැම්මකට නැති අපතයින්ගේ කතා අහන්නත් මිනිස්සු ඉන්නවානේ...
Bamunuarachchi Saturday, 04 July 2020 02:01 PM
ඔය ගොල්ලොත් කලේ එ්කනේ. අනුර කුමාරත් ළඟ තියාගෙන නේද විජේදාස රාජපක්ෂ කියලා තිබෙන්නේ? සුමානෙකට එක රාජපක්ෂ කෙනෙක් ඇතුළට දමන්න කටයුතු කරන්න කියලා.
මෝ Sunday, 05 July 2020 11:47 AM
බලන්නකෝ ඉන්න අපූරුව පාස්කු බෝම්බ ප්රහාරයට සම්බන්ධ ත්රස්තයෙකුත් ළඟ තියාගෙන. මෙයාලා දින්නොත් රටේ අවසානය තමයි.