(නිමල කොඩිතුවක්කු)
මිලේනියම් චැලේන්ජ් කෝපරේසන් ගිවිසුම ඇමරිකාවේ සී. අයි. ඒ ආයතනය විසින් හදපු මර උගුලක් නොවන බවත් එය 2008 වසරේදී මහින්ද රාජපක්ෂ විසින් ඇති කරපු, විමල් වීරවංශ මහත්තයා ගැසට් නිවේදනයක් වශයෙන් නිකුත් කරපු ජාතික භෞතික සැලැස්ම විද්යාඥයෝ එකතුවී කළ යාවත්කාලීන කිරීමක් බවත් මහානගර හා බස්නාහිර සංවර්ධන අමාත්ය පාඨලී චම්පික රණවක මහතා කොළඹදී අද (4) පැවසීය.
ඇතැම් මාධ්ය සහ බාකොලොත් වූ දේශපාලඥයන් පවසන පරිදි මෙම ගිවිසුමෙන් රටේ කොහේවත් වැටවල් ගැහිල්ලක්වත්, කාටවත් ඉඩම් බෙදිල්ලක්වත් සිදු නෙවෙන බවත් පැවසූ අමාත්යවරයා ඉදිරි කාලයේ සංවර්ධන කටයුතු සඳහා රටේ සියලූම අයාතනවල මාර්ගෝපදේශයක් ඇති කිරීම මෙහි අරමුණ බවත් සඳහන් කළේය.
කොළඹ වෝක්ෂෝල් වීදියේ පිහිටි නව ප්රජාතන්ත්රවාදී පෙරමුණේ ජනාධිපති අපේක්ෂක සජිත් පේ්රමදාස මහතාගේ ප්රධාන මෙහෙයුම් කාර්යාලයේ පැවැති මාධ්ය හමුවකට එක්වෙමින් ඔහු මේ බව පැවැසීය.
එහිදී වැඩිදුරටත් අදහස් දැක්වූ මහානගර හා බස්නාහිර සංවර්ධන අමාත්ය පාඨලී චම්පික රණවක මහතා මෙසේ කීය.
‘‘ මේ මිලේනියම් චැලෙන්ජ් කෝපරේෂන් ගිවිසුම කියන්නේ 2008 දී මහින්ද රාජපක්ෂ විසින් අති කරපු, විමල් වීරවංශ මහත්තයා ගැසට් නිවේදනයක් වශයෙන් නිකුත් කරපු, ඒ ජාතික භෞතික සැලසුම, විද්යාඥයෝ එකතුවෙලා කරපු යාවත්කාලීන කිරීමක්.
මේකේ කොහේවත් වැටවල් ගැහිල්ලක්වත්, කාටවත් ඉඩම් බෙදිල්ලක්වත් නැහැ. රටේ සියලූම අයාතනවල මෙමගින් මාර්ගෝපදේශයක් ඇති වෙනවා.
මේ දවස්වල මාධ්ය මගින් තවත් කාර්යක් කරගෙන යනවා. මම ඒකට කියන්නේ, ”මාධ්ය පැසිට්වාදය” කියලා, ඒමගින්, ”ජනතාව තුළ, බිය, සැක, අනාරක්ෂිතභාවය, ඇතිවන ආකාරයෙන් කිසි පදනමක් නැති තොරතුරු ජනගත කරමින් ඒ හරහා, ජනතාවගේ ඡන්දය දිනාගැනීමේ ක්රියාවලියක මාධ්යයය නිරතව සිටිනවා.
යෝජිත ගිවිසුම පිළිබදව ඇතිකර තිබෙන පදනම් රහිත, අසත්ය ප්රචාර, හරහා ජනතාව තුළ බියත් සැකක් ඇති කිරීමට කටයුතු කර තිබෙනවා.
රට හරහා කොළඹ සිට ත්රිකුණාමලය දක්වා වැටක් ගහන්න යනවා කියලා, සමහරු කියනවා ඒ වැට අතුලේ, ඒ ගොල්ලෝ කියන ඔය කොරිඩෝවට හමුදාව බස්සන්න යනවා කියලා, ඒ හමුදාව අපේ කානතාවන් දූෂණය කරන්න ඉඩ තියනවයි කියලා, මේවා ඉතා නින්දිත පදනම් විරහිත කතා.
මේ ජාතික භෞතික සැලැස්ම ආඩම්බර වෙන්න ඔන දෙයක්, මේක ගොඩක් රටවල නෑ, මෙම ක්රියාවලිය ආරම්භ වුනේ වසර 2000 දි, ඒවකට ග්රාම සහ නගර සැලසුම් දෙපාර්තමේන්තුව පරිවර්තනය කළ ජාතික භෞතික සැලසුම් දෙපාර්තමේන්තුව නමින්, ඒහි මූලික සැලසුම වුනේ, විධිමත් අධ්යනයකින් පසු, ජාතික භෞතික සැලැස්මක් පිළියෙළ කිරීමයි.
ශ්රී ලංකා රජය සහ ඇමෙරිකාවේ සහස්ර අභියෝගතා සංස්ථාව විසින් ශ්රී ලංකාවේ ආර්ථික වර්ධනයට ඇති බාධා ලෙස ගැනෙන, ප්රවාහන කේෂ්ත්රයේ පවතින දුර්වලතා සහ යටිතල පහසුකම් සහ ඉඩම් පරිපාලන ක්රීයාවලියේ පවත්නා දුර්වලතා මගහැරීමට සැලසුම් කර ඇති වැඩසටහනක් මේ මගින් ඇ.ඩො.මිලියන 480 ක් හෙවත් කෝටි 8600ක ප්රදානයක් අපට ලැබෙනවා’’ යැයිද අමාත්යවරයා එහිදී පැවැසීය.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මිලේනියම් චැලෙන්ජ් ගිවිසුම ගැන පාඨලී කියයි