(ජයන්ත සමරකෝන්)
ධනපති පන්තිය ආර්ථිකය හැසිරවීම නිසා ජනතාව මත දිනෙන් දින පැටවෙන බදු බර ඉසිලිය නොහැකි තරමින් වැඩිවී ඇතැයි ද මේ ආණ්ඩුව රුපියල බාල්දු වන ප්රමාණයටත් වැඩියෙන් බාල්දු වෙන්නේ ඒ නිසා යැයිද ශ්රී ලංකා කොමියුනිස්ට් පක්ෂයේ උපසභාපති, ඒකාබද්ධ විපක්ෂයේ පාර්ලිමේන්තු මන්ත්රී චන්ද්රසිරි ගජදීර මහතා ඊයේ (26) පැවසීය.
ආර්ථිකය නිසි ලෙස සැලසුම් කිරීමට නොහැකි කමින් සිදුවන එවැනි දේවල්වලට ජනතාව පිළිතුරු දෙන්නේ ඡන්දයෙන් යැයිද කොළඹ 8 ආචාර්ය අන්.අම්. පෙරේරා කේන්ද්රයේ පැවති ප්රවෘත්ති සාකච්ඡාවකදී මන්ත්රීවරයා කීය.
සමාජවාදී ජනතා පෙරමුණ විසින් මෙම ප්රවෘත්ති සාකච්ඡාව සංවිධානය කර තිබුණි.
එහිදී අදහස් දැක්වූ ඒ මහතා මෙසේද කීය.
අද වන විට රුපියල බාල්දුවීම දිගින් දිගටම සිදුවෙනවා. ඇමරිකන් ඩොලරයට සාපේක්ෂව රුපියල දැන් 157 ඉක්මවලා.
මේ නිසා ණය ප්රතිශතය දිනෙන් දින වැඩිවෙනවා. අද වන විට රටේ මූල්ය ණය බර දිහා බැලුවාම එක් පුද්ගලයෙකුගේ ණය බර රුපියල් 4,32333යි. ආණ්ඩුවට අපි එදා සිටිම කිව්වා ඍජු බදු වැඩිකර වක්ර බදු අඩු කරන්නට කියලා. අවුරුදු 3කට පස්සේ දැන් ඒ දේ කරන්නට යනවා.ඉදිරි දිනවල කිරිපිටි මිල ඉහළ යනවා. ඉන්ධන මිල දැනටමත් වැඩි කරලා.
මේ ආණ්ඩුව ඇතුළේ ප්රශ්න තියෙනවා. එදා මැතිවරණ සමයේදී ජනාධිපතිවරයා කිව්වා, රනිල්ගේ ආර්ථික කමිටුව තමන් අතට ගන්නවා කියලා. ඒත් තාම බැරිවෙලා.
කැබිනට් පත්රිකා 3ක් දැම්මා. අදටත් ආර්ථිකය සැලසුම් කරන්නට නොහැකි වෙලා. ධනපති පංතිය බලය අතට ගැනීම නිසයි මේ දේවල් සිදුවන්නේ. අතට ගත්තු දෙයක් නැවතත් අතහරින්නෙ නැහැ.මහ බැංකු මංකොල්ලයෙන් ගහපු ගැහිල්ල අද මේ රටේ ආර්ථිකය කඩා වැටීමට ප්රධාන හේතුවක්.
හිටපු මහ බැංකු අධිපතිවරයා පමණක් නොවෙයි. ඔහු මේ රටට ගෙනෙන්නට මූලික වුණු අගමැතිවරයා ඊට මුලින්ම වගකිව යුතුයි. අද ඔහු කොහේ ඉන්නවාද කියා ගෙනා පුද්ගලයාත් දන්නේ නැහැ. මේ විනාශය නිසයි, අගමැතිවරයාට එරෙහිව විශ්වාස භංගය ආවේ.
එජාපයේ පිරිසක් තමයි, මුලින්ම විශ්වාසභංගය ගෙනාවේ. දැන් මේ අය නිහඬවෙලා. දැන් ඒ පැත්තෙන් විශ්වාසභංගය පරාජය කරන්නට වෙනම මෙහෙයුමක් ආරම්භ කරළා. ඒ වුණාට විශ්වාසභංගයේ උණුසුම පාර්ලිමේන්තුවේ තවමත් තිබෙනවා.
පාර්ලිමේන්තුවේ බහුතර විශ්වාසය පදනම් කරගෙනයි අගමැතිවරයෙකු තෝරා ගන්නේ. ඒ වුණාට රනිල් පත්කළේ කවුද? සම්ප්රදාය අනුවද?
අද මේ සියල්ලමට මුල ඒකයි. සම්ප්රදායට අනුව එය සිදුවුණා නම් අද රටට මේ ඉරණම අත්වෙන්නේ නැහැ.2015 අයවැයේ සිට ධනේශ්වර ආර්ථිකය ඉදිරියට ගෙනගියේ ජනතාව මත බදු බර පටවලා.
එදා ඒ අයවැයට හැමදෙනාම එකහෙළා අත ඉස්සුවා. ජනතාව ගැන බැලුවේ නැහැ. ඒකට ජනතාව ආපස්සට පිළිතුරු දුන්නා. පසුගිය මැතිවරණයේදී පෙන්නුවේ ඒකයි.
මේ ආණ්ඩුවට ජාතික ආර්ථික ප්රතිපත්තියක් නැහැ. එහෙම එකක් අදටත් දන්නේ නැහැ.ජාතික ආර්ථික ප්රතිපත්තියක් සමාජගත කිරීමේ වගකීම වමේ අපට තිබෙනවා. ඒ මඟපෙන්වීම කළ යුත්තක්.
දැන් රටේ ජනමතය වෙලා තියෙන්නේ, පාතාලය හා කුඩුයි. විශ්වාසභංගය අමතක වෙලා. ප්රධාන මාධ්ය ජාලවල ප්රධාන මාතෘකාව විදියට පාතාලය හා කුඩු ගැන පිටුගණන් යනවා. මෙවා පවතින ආර්ථික ක්රමයේම ප්රතිඵලයි.කොළඹ දිස්ත්රික්කයේ පාසලක පංතියක් තුළ දරුවන් ගංජා බීලා මත්වෙලා මුළු පංතියම නිදි. මේ බව මට කිව්වෙත් පාසලේම ගුරුවරියක්. අද රටේ තත්ත්වය ඒකයි.පාසල් දරුවාගේ පටන් අද මුළුමහත් සමාජයම මත් කරලා.
ශ්රී ලංකා කොමියුනිස්ට් පක්ෂයේ සභාපති රාජා කොල්ලුරේ මහතා අදහස් දක්වමින් මෙසේ කීය.
ඉදිරි දිනවල ගෙන එන විශ්වාසභංගයෙන් අගමැතිගේ වෙනසක් වීමට බොහෝ දුරට ඉඩකඩ තිබෙනවා. එසේ නොවන තාක්කල් ආණ්ඩුවේ අර්බුදය වැඩිවෙනවා.
දැන් අයිඕසී පිරවුම්හල්වල ඉන්ධන මිල වැඩිවෙලා. එදා 2012 දී තෙල් බැරලයක් ඇමරිකන් ඩොලර් 109.45යි, 2014 දී 96.26යි, 2015 දී 49.49 යි, 2016 දී 40.68යි, 2017 වෙනතුරු 52.51යි, 2018 දී 66.85යි. ඒ වුණාට ලෝක තෙල් මිල අඩුවූ විට අඩු කළේ නැහැ. තෙල් මිල වැඩි කළා.
ලංකා සමසමාජ පක්ෂයේ මහ ලේකම් මහාචාර්ය තිස්ස විතාරණ මහතා අදහස් දක්වමින් මෙසේ කීය.
අද රට දරුණු උගුලකට අහුවෙලා. ග්රීසියේ සිදුවූ දේ අපේ රටටත් සිදුවිය හැකියි. ඊට පෙර ලොකු වෙනසක් සිදුකළ යුතුයි. ආණ්ඩුවේ ඇමතිවරුම කියනවා මේ ආණ්ඩුව තවත් මාස 3ක් විතරයි තියෙන්නේ කියලා.
ආණ්ඩුවේ රාජිත, චම්පික ඇමැතිවරුම කියනවා ප්රතිපත්තිමය වෙනසක් කරන්නට සිදුවෙන බව. නැත්නම් වෙනත් දේශපාලන බලවේගයක් මතු කරන්නට සිදුවෙන බවද ඔවුන් කියනවා.
ඒ වුණාට ආණ්ඩුවේ වැරදි ප්රතිපත්ති ගැන කියන්නේ නැහැ. අගමැති රැකගන්නටයි ඔවුන් හදන්නේ. අද වන විට ආණ්ඩුවේ ණය බර රුපියල් ටි්රලියන 11.7යි. බැඳුම්කර වංචාවට වඩා 10 ගුණයක්.
දේශ විමුක්ති ජනතා පක්ෂයේ උපසභාපති කොළඹ නව නාගරික මන්ත්රී ගලගම ධම්මරංසි හිමියෝද ප්රජාතන්ත්රවාදී වාමාංශික පෙරමුණේ උපලේකම් ජේ.සී.අයි. තිලකසිරි මහතා ද මෙහි අදහස් දැක්වූහ.
ශ්රී ලංකාවේ කොමියුනිස්ට් පක්ෂයේ මාධ්ය ලේකම්, කොළඹ නව නාගරික මන්ත්රී එල්.ආර්. ස්ටීවන් මහතා මෙම අවස්ථාවට සහභාගි විය.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බදු බර උහුලන්න බැහැ: රුපියල බාල්දුවන තරමට ආණ්ඩුවත් බාල්දු වෙනවා
ලුම්බිණි Wednesday, 28 March 2018 06:08 AM
ග්රීසියේ සිදුවූ දේ අපේ රටටත් සිදුවිය හැකියි කියන මහාචාර්ය තිස්ස විතාරණ මහතාට ලංකා සමසමාජ පක්ෂයට උන දේ අමතක වගෙයි.
Saththaya Friday, 30 March 2018 07:23 AM
ඒ දවස් වල වුන දුෂණ වැඩ ගැන කට ඇරියේවත් නැහැ . දැන් අපි ණය පියවන්න බදු ගෙවනවා. මොනවාද මේ කථා. ??????????