(අමරදාස සිල්වා)
දකුණේ සිට උතුරට අධිවේගී මාර්ග පද්ධතියක් ඇති කළහොත් එය රටේ දියුණුවට ඉමහත් සේවයක් වන බව ගංගාරාම විහාරාධිපති අපේ ගල්බොඩ ඤාණිස්සර නාහිමියන් මෙහිදී පවසා සිටියා. ඒ වගේ සාර්ථක වැඩපිළිවෙළක් ක්රියාත්මක කරවන්න නම් නැවත වරක් අපම බලයට එන්න ඕනෑ යැයි හිටපු ජනාධිපති මහින්ද රාජපක්ෂ මහතා පැවසීය.
හිටපු ජනාධිපතිවරයා එසේ ප්රකාශ කළේ අග්රාමාත්ය කාර්යාලය හා ගංගාරාමය එක්ව සංවිධානය කරන බුද්ධ රශ්මි ජාතික වෙසක් මහෝත්සවය ආලෝකවත් කිරීම නිමිත්තෙන් එහි සීමා මාලකයේ ඊයේ (1) පැවැති උත්සවයකදී ය.
එහි ප්රධාන දායකත්වය ගුවන් හමුදාපති එයාර් මාර්ෂල් කපිල ජයම්පති මහතා ප්රධාන එහි නිලධාරීන් පිරිස විසින් උසුලනු ලැබුහ.
හිටපු ජනාධිපති මහින්ද රාජපක්ෂ මහතා ප්රමුඛ විහාරස්ථ දායක පිරිස එහිදී ආගමිත වතාවත්වලට සහභාගිවීමෙන් අනතුරුව ගුවන් හමුදාපති එයාර් මාර්ෂල් කපිල ජයම්පති, අමාත්ය පියසේන ගමගේ, පාර්ලිමේන්තු මන්ත්රී බන්දුල ගුණවර්ධන ඇතුළු සම්භාවනීය පිරිසකගේ සහභාගිත්වයෙන් හිටපු ජනාධිපතිවරයා අතින් වෙසක් මහෝත්සවය ආලෝකවත් කෙරිණි.
හිටපු ජනාධිපති මහින්ද රාජපක්ෂ මහතා මෙසේ ද කීය.
ගංගාරාම විහාරයේ ඉතිහාසය, බුද්ධ රශ්මි ජාතික වෙසක් මහෝත්සවයේ ඉතිහාසය, දේශපාලන ඉතිහාසය ආදී කරුණු විශාල ප්රමාණයක ඉතිහාසය පිළිබඳව ගල්බොඩ ඤාණිස්සර නාහිමියන් මෙහිදී ඉතා දීර්ඝ අනුශාසනාවක් කළ නිසා මට කියන්නට කිසිම දෙයක් ඉතිරිවෙලා නැහැ කියලයි මා හිතන්නේ.
දකුණේ සිට අම්පාර, අක්කරපත්තුව හරහා උතුරට අධිවේගී මාර්ගයක් ඉදිකළහොත් එය රටේ දියුණුවට විශාල බලපෑමක් සිදුවන බව අපේ නායක හාමුදුරුවන් පැවසුවා. ඉතාම හොඳ අදහසක්. ඔබ වහන්සේගේ අවවාද අනුශාසනා මම ඉතා ගෞරවයෙන් පිළිගන්නා කෙනෙක්. හැබැයි ඉතින් ඒ වගේ සාර්ථක වැඩපිළිවෙළක් ක්රියාත්මක කරන්නට නම් නැවත වරක් අපම බලයට එන්නට ඕනෑ.
ඔබ වහන්සේ එදා සිටම අපට අවවාද අනුශාසනා කළා. ඒ සියල්ල සාර්ථක වූ බවත් ඉතා ගෞරවයෙන් සඳහන් කරන්න කැමතියි.
මගේ පාලන කාලයේදී ගංගාරාමයත් සමග එක්ව ආරම්භ කළ බුද්ධ රශ්මි ජාතික වෙසක් මහෝත්සවය ඉදිරියටත් සාර්ථකව කරගෙන යන්නට වාසනාව උදාවේවා කියා මා ප්රාර්ථනා කර සිටිනවා.
විහාරාධිපති ගල්බොඩ ඤාණිස්සර කොළඹ නවකෝරළේ ප්රධාන සංඝනායක හිමියෝ මෙසේ පැවැසූහ.
මෙවර බුද්ධ රශ්මි වෙසක් මහෝත්සවය ආරම්භ කෙරුණේ අග්රාමාත්ය රනිල් වික්රමසිංහ මහතාගේ මූලිකත්වයෙන්. අද බුද්ධරශ්මි ජාතික වෙසක් මහෝත්සවයේ විදුලි ආලෝකය විවෘත කිරීම සඳහා අපගේ ආරාධනයෙන් හිටපු ජනාධිපති මහින්ද රාජපක්ෂ මහතා සහභාගිවීම අපට විශාල සතුටක්.
ඒ කාලේ බේරේ වැව හා ඒ ආශ්රිත ප්රදේශය රාත්රී කාලයට ඉතාම අන්ධකාරයි. මේ ගැන හිටපු ජනාධිපති මහින්ද රාජපක්ෂ මහතා මා සමග කියා සිටියා. වෙසක් උත්සවයට මේ පළාත ඒකාලෝක කරන්න වැඩපිළිවෙළක් ආරම්භ කරමු කියා. එතුමාගේ මේ යෝජනාවට අනුවයි අග්රාමාත්ය කාර්යාලය හා හුණුපිටිය ගංගාරාමය එක්ව බුද්ධ රශ්මි ජාතික වෙසක් මහෝත්සවය ආරම්භ කෙරුණේ.
මෙවර මේ වෙසක් උත්සවය යෙදී තිබෙන්නේ අප්රේල් මාසේ යෙදුණු පෝය සහ මැයි මාසෙ පළමු දිනවල.
මැයි පළමුවැනිදා කියනකොට අපට සිහිපත් වෙන්නේ මැයි පළමු දා දිනයක හදිසි අනතුරකින් අභාවයට පත් හිටපු ජනාධිපති රණසිංහ ප්රේමදාස මහතා. එතුමා මෙරටට කළ සේවයත් අපි අමතක කළ යුතු නැහැ.
රණසිංහ ප්රේමදාස මහතා බලයට පත්වූදා සිටම එතුමාගේ කාර්යභාරයන් විවිධ ආර්ථික දුෂ්කරතා පැමිණියත් ඒ සියල්ලම විප්ලවයක් මගින් ජයගත් බව අපට කිව හැකියි.
එතුමා දුප්පත් ජනතාව නගා සිටුවීම සඳහා ජනසවිය ආරම්භ කළ බව මට මෙහිදී සිහිපත් වෙනවා.
එයට ප්රථම වරට දායක වූයේ ගංගාරාම විහාරස්ථානයේ දායක මහත්වරු බව මට තවමත් මතකයි. කුමන රජයක් බලයට පත්වුණත් බදු ගැසීම කරනවා. මෙයින් වැඩි වශයෙන් බදු ගෙවන්නේ මේ රටේ දුප්පතුන්. හොර මගඩි වලින් ආදායම් ලබන අයගෙන් බදු ගැනීම කිසිසේත්ම සිදුවෙන්නේ නැහැ. මෙය එදත් අදත් සිදුවන දෙයක්.
විශාල වශයෙන් හොර මගඩි සිද්ධ වුණේ දකුණු ඉන්දියාවට හා ලංකාවේ උතුර අතර ඔය අතරේ උතුරේ ඇතිවුණ එල්.ටී.ටී.ඊ. ත්රස්තවාදය ඒ හොර මගඩිකාරයන්ට ආශිර්වාදයක් වූ බවත් අප අමතක කළ යුතු නැහැ.
ජනතාව බුල්ඩෝසර් වලින් යට කරලා මරපු චීනය අද ලෝකයේ මහා බලසම්පන්න රටක් බවට පත්වෙලා. ඒක බෞද්ධ රටක්. අපට ඉතා සමීප රටක්. නමුත් අපේ රටේ සංස්කෘතිය විනාශ කරන්නට රාජ්ය නොවන සංවිධාන ඉතා සංවිධානාත්මකව ක්රියාත්මක වෙන බව රහසක් නොවෙයි. මේ එන්.ජී.ඕ. කාරයෝ ලංකාවේ දුෂ්කර පළාත්වල ජනතාවගේ ණය මුදල් ගෙවීමට තරම් ජනතාවට සමීප වෙලා. මෙන්න මේ මගින් තමයි අප පංචශීලය ආරක්ෂා කරන සමාජය විනාශයට පත් කිරීමට උත්සාහ ගනිමින් සිටින්නේ.
ඉන්පසුව මෙරට තර්ජනයක් වු ජේ.වී.පී, කැරැල්ලෙන් පසුව එල්.ටී.ටී.ඊ. ත්රස්තවාදයක් පැමිණියා. එල්.ටී.ටී.ඊ. ත්රස්තවාදය විනාශයට පත් කළ මහින්ද රාජපක්ෂ මහතාට අප ස්තුතිය පළ කිරීමට මැලිවන්නේ නැහැ.
මේ ත්රස්තවාදය ඇතිවූ කාලයේ ඒවාට උදව් කළ රටවලට තානාපතිවරුන්ටත් මා කියා සිටියා අප රටට කරන උදව් විනාශය බලාපොරොත්තුවෙන් නොකරන හැටියට.
මේ රට දියුණු කිරීමට අපට අවශ්යයි. මම කියන්නේ පළිගැනීම වහාම නතර කළ යුතුයි. එෆ්.සී.අයි.ඩී. සහ සී.අයි.ඩී. වහාම විසුරුවා හැරිය යුතුයි. ඉන්පසුව කිසිම බේදයකින් තොරව සිංහල, දෙමළ හා මුස්ලිම් සියලු දේශපාලන පක්ෂ ඉතා සමගියෙන් රාජ්ය පාලනයක් බාරගෙන නිසි වැඩපිළිවෙළක් ඇතිව මෙරට පාලනය කළහොත් ඉතාම කෙටි කාලයකින් මේ රටට සෞභාග්ය උදාකරගත හැකියයි මා විශ්වාස කරනවා.
වෙසක් කියන්නේ තරගයක් නොවෙයි. බුදුන් වහන්සේගේ කරුණාව මෛත්රිය මැදි පිළිවෙත ආදර්ශයට ගෙන දෙන උත්සවයක්. මේ ආදර්ශය ජනතාවට ලබාදෙන්නේ ශ්රී පාදස්ථානය පාලනය කළ පන්සලක වැඩ වසන භික්ෂුවක් හැටියටයි.
අපට අනාගතය පෙනෙනවා. ඒ දර්ශනය නිවැරදියි. මා විශ්වාස කරනවා දකුණේ සිට උතුරට අධිවේගී මාර්ගයක් ඉදි කළහොත් ජනතාවට සෑම අතින්ම ප්රයෝජනවත් වේවි කියා. එය රටේ දියුණුවට විශාල ප්රයෝජනයක් වේ යැයි මා කල්පනා කරනවා.
මෙම අවස්ථාවට විහාරවාසී ආචාර්ය කිරින්දේ අස්සජි හිමියෝ ද මහා සංඝරත්නය සහ දායක සභාවේ සභාපති රංජිත් විජයවර්ධන මහතා ඇතුළු විශාල පිරිසක් සහභාගි වූහ.
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ලංකා දේශපාලන ඉතිහාසයේ තීව්රැතම ගැටුම ඉදිරි මාස හත අට තුළ නිර්මාණය වෙනවා. මේක ‘ඩූ ඕ ඩයි’ සටනක් යැයි ජාතික ජනබලවේගයේ නායක පාර්ලමේන්තු මන්ත්රී අනුර කුම
ආර්ථිකය ගැන දින හතක විවාදයකට එන්නැයි විපක්ෂ නායක සජිත් ප්රේමදාස මහතා ප්රවාහන හා මහා මහාමාර්ග අමාත්ය බන්දුල ගුණවර්ධන මහතාට පාර්ලිමේන්තුවේ දී අභිය
මිනිස්සුන්ට අරගල තිත්ත වෙලා යැයි පොදුජන පෙරමුණේ මන්ත්රී මහින්දානන්ද අලුත්ගමගේ මහතා පාර්ලිමේන්තුවේ දී පැවසීය.
ජනාධිපතිවරුන් ලෙස සිට නැවත පාර්ලිමේන්තුවට පැමිණීම නීතියක් ගෙනැවිත් නතර කළ යුතුව තිබෙන බව පොදුජන පෙරමුණේ කුරුණෑගල දිස්ත්රික් මන්ත්රී දයාසිරි ජයස
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
දකුණේ ඉඳලා උතුරට අධිවේගයක් හදන්න අපිම එන්න ඕනෑ
Chanak Los angeles Wednesday, 02 May 2018 06:34 AM
කොහොමද දුෂකයන්ට එරෙහිව නීතිය ක්රියාත්මක කරනකොට ඒක පලිගැනීමක් වෙන්නේ ?
Nimal Wednesday, 02 May 2018 11:08 AM
ජනතාවට කෙසේවෙතත් ඔයාලට නම් බොහොම ප්රයෝජනයක් වෙයි... ඩුබායි බැංකු ගිණුම්වලට...
shan saudi Monday, 14 May 2018 07:51 AM
මෙයා කතා කරන්නේ කටින්ද නැත්නම් වෙන කොහෙන්ද? මේ අය හදපු එක දැන් නැහැ කියනවා.
enama Tuesday, 15 May 2018 08:02 AM
ඒ විතරක් නොවේ.......... පාරවල් හදනකොට කුට්ටි පිටින් ගැහිලි , සුදු වාහන වලින් ඉස්සිලි , ඇමති වරුන්ට ඕන තරම් හොරකම් කරන්න පුළුවන්, කිවෙනම් එකත් රට , දෙකත් රට, තුනත් රට කෙරුවේ සිය පුවුලට සහ හොරු රැළට ........ වටේ හිටපු අය තමයි කාලා දැම්මේ