(මුදිතා දයානන්ද)
එක මංකොල්ලකරුවෙක් වෙනුවට තවත් මංකොල්ලකරුවෙක් බලයට ගෙනත් මේ ආර්ථික කඩාවැටීම ගොඩ ගන්න බැහැ යැයි ජනතා විමුක්ති පෙරමුණේ නායක පාර්ලිමේන්තු මන්ත්රී අනුර දිසානායක මහතා අද (02) පැවසීය.
දිසානායක මහතා මේ බව පැවසූයේ පැලවත්තේ පිහිටි ජනතා විමුක්ති පෙරමුණේ ප්රධාන කාර්යාලයේදි පැවති මාධ්ය හමුවකදී වන අතර ඔහු තවදුරටත් මෙසේද පැවසීය.
දැන් ආණ්ඩුවට ගණන් උගන්වන්නත් සිදුවෙලා. දුම්රිය ගාස්තු වැඩිවෙන්නේ සියයට පහළොවකින් කියලයි ආණ්ඩුව කිව්වේ. ඒත් සමහර ගමනාන්තයන් සඳහා ගාස්තුව වැඩිවී තිබෙන්නේ සියයට තිස්පහකින් හතළිහකින් වගේ ඉතා විශාල ප්රතිශතයකින්. වැඩිවෙල මිල ගණන් හරියට කියාගන්න වත් බැරි අර්බුදයක ආණ්ඩුව පත්ව තිබෙනවා. සියලූම අත්යවශ්ය භාණ්ඩ ඉහළ ගිහින්.
ජීවන වියදමට සරිලන ලෙස ජනතාවගේ ආදායම් මාර්ග වැඩි කරනවා, ජනතාවගේ හිස් සාක්කු පුරවනවා, තරුණ තරුණියන්ට රැකියා දශ ලක්ෂයක් දෙනවා, කියලා රනිල් වික්රමසිංහ මහත්තයා එදා කිව්වා. එක්සත් ජාතික පක්ෂ පාලනයකින් රටේ ආර්ථිකය ගොඩ යනවා කියලා. ඇතැමුන් තුළ තිබුණ මතයත් බොරු කරමින් පසුගිය වසර තුන හමාර තුළ රටේ ආර්ථිකය විනාශයකට ඇද දැම්මා. ආණ්ඩුවට තවදුරටත් රුපියල කඩා වැටීම පාලනය කරගත නොහැකි වී තිබෙනවා. යෝජනා කරන කි්රයාමාර්ග අසාර්ථක වෙමින් තිබෙනවා. දේශීය ආදායම් පනත මගින් බදු ඉහළ දමා තිබෙනවා.
මෙම ආර්ථික අර්බුදය විසඳන්න ආනයනික භාණ්ඩ සීමා කිරීමට ආණ්ඩුව යෝජනා කරනවා. මන්ත්රීවරුන්ට වාහන ගෙන්විම නවත්වන්න කතා කරනවා. මේක හරිම හාස්යජනක කතාවක්. මැති ඇමතිවරු වාහන අරන් අවුරුදු තුනක් විතර වෙනවා. සතියකට දෙකකට සැරයක් ඔවුන් රට සවාරි යනවා. ජනාධිපතිවරයා පහුගියදා ඔහු නිරත වූ සංචාරයට 63ක පිරිසක් රැගෙන ගියා. මේ විදිහට රටේ නායකයින් විශාල නාස්තිකාර වියදම් කරනවා.
ආණ්ඩුවේ මැති ඇමතිවරු අධි සුඛෝපභෝගී පරිභෝජනවාදී ජීවිතයක් ගත කරමින් ජනතාවට පටි තදකරගන්න කියනවා. ඒක හරියට මහ කකුළුවන් ඇදයට යන ගමන් පොඩි එවුන්ට කෙලින් යන්න උපදෙස් දෙනවා වගේ.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
තවත් මංකොල්ලකරුවෙක් බලයට ගෙනත් මේ ආර්ථික කඩා වැටීම නවත්වන්න බෑ
bandara Tuesday, 02 October 2018 12:47 PM
මෙතුමා වාහන ගන්නේ නැතිව වසර තුනම රට තුලම ඉන්න ඇති
Bamunuarachchi Tuesday, 02 October 2018 01:56 PM
මේ නැස්පත්තියට මග පෑදුවේ නුඹලා.
Senarath Wednesday, 03 October 2018 07:26 AM
2015 දී තමනුත් ඇතුළු විවිධ පක්ෂ ගණනාවක් පොරොන්දු , සහතික දීල නොවෙයිද මේ ආණ්ඩුව පත්කළේ. එදා තමුන් ගේ සහාය මේ රජයට නොලැබුණා නම් මොවූන්ට බලයට එන්න ලැබෙන්නේ නැහැ. පසුගිය රජය ගැන කියපු බිලයන දහස් ගණන් වල හොරකම් තවම ඔප්පු කරගන්න බැහැ. ඒ උනාට එදා ෆයිල් පෙන්නමින් කතා කලේ.
Sanath KandyThursday, 04 October 2018 05:15 AM
ජවිපෙ කලින් රජය විවේචනය කළත් කවදාවත් ජනතාවට කිවේ නෑ යුඑන්පියට බලය දෙන්න කියලා. ජවිපෙ කවදාවත් යුඑන්පිය වෙනුවෙන් පොරොන්දු සහතික දීලත් නෑ. පරණ ආණ්ඩුවේ හොරකම් යට ගහන්නේ එදා පෙන්නපු ෆයිල් තවම අල්ලස් කොමිසමේ, නීතිපති දෙපාර්තමේන්තුවේ පුස් කනවා. වැරදිකාරයෝ ජවිපෙද? නැතිනම් අවුරුදු හැත්තෑවක් තිස්සේ මාරුවෙන් මාරුවට මේ දෙගොල්ල බලයට ගේන අපිද?
Vajira Wednesday, 03 October 2018 10:24 AM
මේ නස්පැත්තියට වග කියන්න ඕන මාරුවෙන් මාරුවට අවුරුදු හැත්තෑවක් තිස්සේ මේ දෙගොල්ලන්ටම රට බාර දෙන අපිම තමා. විකල්පයක් ගැන හිතුවේ නැත්තම් තව අවුරුදු හැත්තෑවක් ගියත් මේ වලෙන් ගොඩ ඒමක් නෑ.
Mf Friday, 05 October 2018 07:24 PM
වෙනසකටත් එක්ක මේ පාර ජවිපෙ එකට කතිරය ගහමු.
ButhayaSaturday, 08 December 2018 07:59 AM
ඕකට කතිරේ ගහයි බත් කන ගොන්නු ඉන්නවනම්. 71 ඉදලම කරේ රට කන එක. රටට කරපු එක සේවයක් දන්නා කෙනෙක් ඉන්නවා නම් ලියනවද බලන්න. මෙහෙමවත් අල්ලලා ඉන්නේ යු. ඇම් පිය පොම්ප කරන සල්ලි නිසා.
nalin Friday, 21 December 2018 08:09 AM
2001 පරිවාස ආණ්ඩුව හරහා 17වෙනි සංශෝධනය ගෙන එම 2005 සුනාමි සහන මණ්ඩලය පරාජය කිරීම උතුර, නැගෙනහිර වෙන්කිරීම, සුනාමියෙන් විනාශ වූ දකුණු දුම්රිය මාර්ගය දින 57න් නිම කිරීම, 2005 මහින්ද රාජපක්ෂ ජනාධිපති කිරීම, ශ්රීලංකා කාරයෝ කකුලෙන් අදිද්දී මේ සියල්ල කලේ ජවිපෙ විපක්ෂයේ සිටයි... තව බොහෝ දේ ඇත.