(නාලක සංජීව දහනායක)
දිවංගත හෙක්ටර් කොබ්බෑකඩුව මහතා විසින් ජනසතු කළ රන්පවුම් ඉඩම් නැවත වාරයක් කොම්පැණිකාරයන් අතට පත් වෙමින් තිබෙන බව හිටපු ජනාධිපති මහින්ද රාජපක්ෂ මහතා පෙරේදා (18) පැවසීය.
කොබ්බෑකඩුව මහතා සමාජයට කළ සේවය වත්මන් තරුණ පරපුරට දැනගැනීමට වෙනමම පර්යේෂණයක් කළ යුතු යැයි ද කීය.
දිවංගත හෙක්ටර් කොබ්බෑකඩුව මහතාගේ 34 වැනි ගුණසමරු උත්සවයට එක්වෙමින් හිටපු ජනාධිපතිවරයා මේ බව ස`දහන් කළේය.
කොළඹ හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු කිරීමේ මධ්යස්ථානයේදී පෙරේදා (18)මෙම ගුණසමරු උත්සවය පැවැත්විණි.
එහිදී හිටපු ජනාධිපතිවරයා මෙසේ ද පැවසීය.
කොබ්බෑකඩුව මහත්තයගේ ඉඩම් පනතට පක්ෂව ඡුන්දය දෙන්න එදා පාර්ලිමේන්තුවේ සිටි ලාබාලම මන්ත්රීවරයා ලෙස මට වාසනාව ලැබුණා. අධිරාජ්යවාදීන්ට එරෙහිව කෙරුණු විශාලතම සටන කෙරුණේ එතුමා අතිනුයි. ඒ රන් පවුම් ඉඩම් ජනසතු කිරීමයි. ඒ දේවල් අද වගේ කාලයකදී කළා නම් එතුමටත් එෆ්.සී.අයි.ඞී යන්න වේවි. කොබ්බෑකඩුව මහත්තය එදා ජනසතු කළ රන් පවුම් ඉඩම් නැවත වාරයක් කොම්පැණි කාරයන් අතට යමින් තිබෙනවා. අද ඉඩම් විකුණන්නේ නැහැ. ඒවා අවුරුදු 99 බදු දෙනවා. එතුමා ජීවතුන් අතර හිටියා නම් මේ වෙන දේවල් දැකලා දැඩි වේදනාවක් ඇති වේවි.
ඉඩම් බෙදාදීම සම්බන්ධයෙන් එදා කොබ්බෑකඩුව මහත්තයට නඩු වැටුණා. අදත් ඒ දේවල් ඒ විදියටම සිද්ධ වෙනවා. එතුමා ඉස්සෙල්ලම හම්බන්තොටට ආපු දවස මට මතකයි. එදා ජෝර්ජ් රාජපක්ෂ මහත්තය බුලත් හුරුල්ලක් දීලා කොබ්බෑකඩුව මහත්තයා පිළිගත්තා. ඒ වගේම මුල්කිරිගල අතුරු මැතිවරණ සටනට එතුමා උදවු කළ ආකාරයත් මට මතක් වෙනවා. ඒ මැතිවරණ සමයේදී එතුමා සමඟ ඉතාම කිට්ටුවෙන් කටයුතු කරන්න මට අවස්ථාවක් ලැබුණා. එක දවසක් රාත්රියේ අපේ පාක්ෂිකයක්නට පහර දෙන බවට ආරංචියක් ලැබුණා. කොබ්බෑකඩුව මහත්තයා මමත් එතන හිටපු අනිත් අයත් ජීප් රථවලට නග්ගගෙන සිද්ධිය වෙච්ච තැනට එවලෙම ගියා. ඒ සිදුවීමෙදී එතුමා නිර්භීතව කටයුතු කළා.
කොබ්බෑකඩුව මැතිතුමාත් මමත් අතර විශාල වයස් පරතරයක් තිබුණා. ඒ නිසා මම එතුමා එක්ක හැම තිස්සෙම වැඩ කළේ විශාල ගෞරවයක් සහිතවයි. එදා එතුමා කළ සේවය රටේ තරුණයන්ට දැනගන්නට ඉඩ සැලැස්වීම ඉතාම වැදගත් වෙනවා. ඔහු මේ සමාජයට කළ සේවය පිළිබඳව වෙනමම පර්යේෂණයක් කිරීමට කාලය ඇවිල්ලා. ඉඩම් අක්කර හාර ලක්ෂයක් වගා කරන්න කොබ්බෑකඩුව මහත්තය උත්සාහ ගත්තා. ඒත් අද මේ රජය හාර ලක්ෂයක කුඹුරු මුඩුබිම් බවට පත් කිරීමට කටයුතු කරමින් සිටිනවා යැයිද මහින්ද රාජපක්ෂ මහතා කීය.
මෙම අවස්ථාවට හිටපු අග්රාමාත්ය දී.මු. ජයරත්න, පාර්ලිමේන්තු මන්ත්රී නාමල් රාජපක්ෂ මහතා සහ හෙක්ටර් කොබ්බෑකඩුව මහතාගේ පවුලේ ඥාතීහු හා හිතවත්හු පිරිසක් සහභාගී වූහ.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කොබ්බෑකඩුව මහත්තයා අද වගේ කාලෙක ඉඩම් ජනසතු කළානම් එතුමාත් අද එෆ්සීඅයිඩියේ
mahinda gamage Wednesday, 20 September 2017 01:01 PM
මේකත් හරිය නරියා මිදි තිත්තයි කිව්වා වගේ... හෙක්ටර් කොබ්බෑකඩුව මැතිතුමා ඉඩම් ජනසතු කරා මිසක් තමා සතු කරගත්තේ නෑ. එතුමාගේ දරුවන්ට ආච්චිලා හිටියේ නෑ... එතුමාගේ දෙමාපියන් වෙනුවෙන් ජනතා මුදලින් කොටි ගනන් වටිනා සොහොන් හැදුවේ නෑ. තමාගේ කිසියම් ඤාතියකු හො සහෝදරයකුට රාජ්ය බලය අයුතුලෙස පාවිච්චි කිරීමට දුන්නේ නෑ.
Ajith NissankaThursday, 21 September 2017 02:54 AM
මට මතක හැටියට දිවංගත හෙක්ටර් කොබ්බෑකඩුව ඉඩම් බෙදාදීම සම්බන්ධයෙන් එදා නඩු වැටුණා.! එවකට තිබුන ජනාදිපති කොමිසම හමුවට ගිහිල්ල තමන්ගේ නිර්දෝෂ බාවය ඔප්පු කළා! ඒකට හේතුව හෙක්ටර් කොබ්බෑකඩුව මැතිතුමා ඉඩම් ජනසතු කරා මිසක් තමා සතු කරගත්තේ නෑ ඔබ කිව්වා වගේ!