(*** නාලක සංජීව දහනායක.)
රටතුළ සිදුවන අපරාධ රජයට සම්බන්ධ කරමින් දේශපාලන වාසි ලබා ගැනීමට යම් පිරිසක් උත්සාහ ගන්නා බව හිටපු පාර්ලිමේන්තු මන්ත්රී ලක්ෂ්මන් යාපා අබේවර්ධන මහතා පෙරේදා (14) පැවසීය.
එහෙත් ජනාධිපතිවරයා නීතිය ක්රියාත්මක කරමින් රටතුළ විනයානුකූල පාලනයක් ගෙනයන බව ඔහු සඳහන් කළේය.
බත්තරමුල්ල, නෙළුම් මාවතේ පිහිටි ශ්රී ලංකා පොදුජන පෙරමුණු ප්රධාන කාර්යාලයේදී පෙරේදා (14) පැවැති මාධ්ය හමුවකට එක්වෙමින් හෙතෙම මේ බව සඳහන් කළේය.
හිටපු මන්ත්රීවරයා මෙසේද පැවැසීය.
ජනතාව ඒකරාශීකර ප්රචාරක රැස්වීම් පවත්වන්නේ නැතිව මැතිවරණයක් පැවැත්විය නොහැකි බව ලක්ෂ්මන් කිරිඇල්ල මහතා ප්රකාශ කරනවා. 88/89 වසරවල මැතිවරණ පවත්වපු විදිය ඔහුට දැන් අමතකයි. 88 පළාත් සභා මැතිවරණය පැවැත්වූවේ ජීවිත පරිත්යාගයෙන්. එදා රටම භීෂණයෙන් වෙලී තිබුණා. රාජ්ය නිලධාරීන් මරා දැම්මා. ඡන්දය පාවිච්චි කළ පළවෙනිම පස්දෙනා මරා දැම්මා. ඒ භීෂණකාරී වාතාවරණය මැද එවකට හිටපු මැතිවරණ කොමසාරිස්තුමා මැතිවරණය පවත්වා ප්රජාතන්ත්රවාදය ආරක්ෂාකරන්න කටයුතු කළා.
ශ්රී ලංකා පොදුජන පෙරමුණේ අපි සෞඛ්ය අංශය විසින් පනවා තිබෙන නීති රීතිවලට යටත්ව මැතිවරණ ප්රචාරණ කටයුතු සිදුකරන්න සූදානම්. ඒ නිසා අපේ මැතිවරණ ව්යාපාරය බොහොම පිවිතුරුව සිදුකරගෙන යනවා. කොරෝනා වසංගතයෙන් තොර සමාජයක් නිර්මාණය වෙමින් යනවා. එහෙත් ජනතාව තවදුරටත් නීතිරීති අනුව කටයුතු කළ යුතුයි. සියලුම දෙනා සෞඛ්ය අංශයේ නීතිරීති පිළිපදිනවානම් මැතිවරණය පැවැත්විය හැකියි. මේ මැතිවරණය කල්දමන්න විපක්ෂය උසාවි ගියා. නමුත් වාසනාවකට අධිකරණය ඒ පෙත්සම් සියල්ලම නිෂ්ප්රභ කළා.
කොරෝනා වසංගත තත්ත්වය නිසා ජනතාව මෙන්ම ව්යාපාරිකයන් දැඩි පීඩනයකට නතු වුණා. ඒ නිසා ජනතාවට හා බැංකුවලට සහන දෙන ලෙසට ජනාධිපතිවරයා නියෝග කළා. ඒ නීති රීති ක්රියාත්මක කිරීමේදී රජය තදින් ඉන්නවා. සංචාරක ව්යාපාරය කඩා වැටිලා, රටට විදේශ විනිමය ලැබෙන්නේ නැහැ. ඒ වගේම අපනයන ක්ෂේත්රයත් සම්පූර්ණයෙන්ම කඩා වැටිලා. ඒ නිසා මේ මොහොතේදී සහන දීම බැංකුවල යුතුකමක්.
අද වනවිට එක්සත් ජාතික පක්ෂය කෑලිවලට කැඩිලා. සමඟි ජන බලවේගයේ සමහරු අපේක්ෂකත්වයෙන් ඉල්ලා අස්වෙනවා. තවත් සමහරු එක්සත් ජාතික පක්ෂයට එකතුවෙලා. මේ නිසා සජිත් පිල ඇද වැටිලා, රනිල් පිල ශක්තිමත් වෙලා.
මහමැතිවරණයේදි ශක්තිමත් පාර්ලිමේන්තුවක් පත්කර ගන්න සියලුම දෙනා කටයුතු කළ යුතුයි. ඒ වගේම ගහගන්න, බැණගන්න අය මෙන්ම විවිධ වැරදි සම්බන්ධයෙන් බන්ධනාගාර ගතවූවන් පාර්ලිමේන්තුවට තෝරාපත්කර නොගැනීමට ජනතාව වගබලා ගතයුතු යැයිද ඔහු සඳහන් කළේය.
ශ්රී ලංකා පොදුජන පෙරමුණේ අපේක්ෂක මධුමාධව අරවින්ද සහ දේශ විමුක්ති ජනතා පක්ෂයේ උප ලේකම්වරයකු වන නීතීඥ ඩී. කලංසූරිය මහත්වරුද එහිදී අදහස් දැක්වූහ.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ලංකා දේශපාලන ඉතිහාසයේ තීව්රැතම ගැටුම ඉදිරි මාස හත අට තුළ නිර්මාණය වෙනවා. මේක ‘ඩූ ඕ ඩයි’ සටනක් යැයි ජාතික ජනබලවේගයේ නායක පාර්ලමේන්තු මන්ත්රී අනුර කුම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අපරාධත් රජයට බැරකර දේශපාලන වාසිගන්නවා