(අංජුල මහික වීරරත්න)
”අනාගත තරුණ පරපුර ලෝකයට ණය කර හිඟන ජාතියක් බවට පත් කිරීමට ශ්රී ලංකාව සූදානම් නැතැයි” අග්රාමාත්ය රනිල් වික්රමසිංහ මහතා අරලියගහ මන්දිරියේදී පැවැසීය.
අදට වඩා හොඳ හෙටක් බිහි කිරීම සඳහා වන මූලික පදනම මේ වනවිට ජාතික රජය විසින් දමා අවසන් බව ද අග්රාමාත්යවරයා කීය.
අග්රාමාත්ය රනිල් වික්රමසිංහ මහතා මේ බව පැවසුයේ ජාතික තරුණ සේවා සභාව සංවිධානය කළ තරුණ සංවර්ධන කොඩි ව්යාපාරයේ ප්රථම කොඩිය පැළඳවීම වෙනුවෙන් අරලියගහ මන්දිරයේදී පැවැති කෙටි උත්සවයෙන් අනතුරුව මාධ්ය හමුවේ අදහස් දක්වමිනි.
ජාතික තරුණ සේවා සභාවේ සභාපති එරංග වැලිඅංගේ මහතා අගමැතිට ප්රථම තරුණ සංවර්ධන කොඩිය පැළඳවීය.
එහිදී වැඩිදුරටත් අදහස් දැක්වූ අග්රාමාත්ය රනිල් වික්රමසිංහ මහතා මෙසේ ද පැවැසීය.
”යොවුන් කොඩි දින සැමරුම ආරම්භ කළේ 1985 වසරේදීයි. පසුගිය වසරේදීත් සාර්ථක අයුරින් කොඩි දිනය පැවැත්වූවා. මුදල් සොයා ගත්තා. ඒ අයුරින්ම මේ වසරේදීත් ජනතාව සාර්ථක අයුරින් උපකාර කරාවි යයි මා සිතනවා.
ජනතාවගේ කැපවීමෙන් ලබන මුදල් පමණක් නොව ඊටත් වැඩිපුර මුදල් රජය වෙන් කරනවා. විශ්වවිද්යාලවලින් නිකුත් කෙරෙන විවිධ කෘති සඳහා ආධාර දීමට රුපියල් මිලියන සියයක මුදලක් වෙන් කළා.
එමෙන්ම ”ගමට කෝටියක්” වැඩසටහන සඳහා තවත් මුදල් වෙන් කරනවා. සියලූ දේ කරන්නේ තරුණයන් අනාගත වගකීම බාර ගන්න පරපුර ලෙස ශක්තිමත් කිරීමටයි. අපිට අවශ්ය වන්නේ තරුණයන්ට අපටත් වඩා හොඳ අනාගතය දීමටයි. අපි ඒ වැඩ කටයුතු ආරම්භ කර තිබෙනවා.
නිදහසේ ජීවත් විය හැකි සමාජය අපි නිර්මාණය කළා. ඕනෑම කෙනකුට බයක් සැකක් නැතිව ආණ්ඩුවට දොස් කියන්න අද පුළුවනි. තොරතුරු දැන ගැනීමේ අයිතිය තිබෙනවා. පාර්ලිමේන්තුව සම්පූර්ණයෙන්ම ව්යවස්ථාදායක බලය ගෙන සිටිනවා. සියලූ දේ සඳහා අප ආධාර උපකාර කළා.
එපමණක් ද නොවෙයි. ජනතාවගේ ජීවන තත්ත්වය උසස් කිරීම සඳහා මේ වනවිට නිවාස ඉදි කිරීමට පියවර ගෙන තිබෙනවා. ජාතික ණය රටට විශාල ප්රශ්නයක් වී තිබුණා. ජාතික ණය තරුණ පරපුරට උරුම කරන්න වේදැයි සැකයක් තිබුණා. 2020 වනවිට ණය හොඳින් පාලනය කර 2025 වසර වනවිට කිසිදු ප්රශ්නයක් නැතිව ණය ගෙවා දැමීමට හැකි පසුබිම නිර්මාණය කළා.
එමෙන්ම විශාල සංවර්ධන කටයුතු ද ආරම්භ කරනවා. හම්බන්තොට දියුණුව, කොළඹ දියුණුව, කළුතර කර්මාන්තපුරය, ගාල්ල ප්රදේශයේ සංචාරක වැඩසටහන්, මහනුවර දියුණුව එමෙන්ම වයඹ කර්මාන්ත හා සංචාරක දියුණුව, බස්නාහිර මහ නගරය, ත්රිකුණාමලය දියුණුව වැනි විශාල වැඩසටහන් ක්රියාත්මක කරනවා.
එමෙන්ම මොරගහකන්ද මෙන්ම මල්වතුඔය ව්යාපාරය ආරම්භ කරනවා. මේ අයුරින් සංවර්ධන ව්යාපෘති ගණනාවක් තිබෙනවා. ඒ තුළින් කරන්නේ ඔබට හොඳ අනාගතය නිර්මාණය කරන්න හැකියාව ලැබේවි.
අපනයන කර්මාන්ත දියුණු කිරීමෙන් සීඝ්ර ලෙස මුදල් උත්පාදනය කිරීමට හැකියි. නැවත ණය ගන්නා ජාතියක් හෝ හිඟන ජාතියක් හෝ බවට පත්වීමට අවශ්ය නැහැ. ඊට වඩා හොඳ අනාගතය ඔබට ලබාදීම මගේ අරමුණ” යයි ද රනිල් වික්රමසිංහ මහතා තවදුරටත් කීවේය.
මේ අවස්ථාවට අධ්යාපන අමාත්ය අකිල විරාජ් කාරියවසම් මහතා ද සහභාගි විය.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අනාගත පරපුරත් හිඟන ජාතියක් කරන්න සූදානම් නෑ