අගමැතිගේ තිබුණු විශ්වාසයත් නැති වුණා - මැදගොඩ අභයතිස්ස හිමි

(විනීතා එම් ගමගේ)

අගමැතිවරයා විශ්වාසභංගය දිනාගත්තේ ඔහු කෙරෙහි යන්තමින් හෝ විශ්වාසයක් තිබුණා නම් එයත් භංග කරගෙන යැයි එළිය සංවිධානයේ කැඳවුම්කරු ශ්‍රී ජයවර්ධනපුර විශ්ව විද්‍යාලයේ පාලි හා බෞද්ධ අධ්‍යානාංශයේ කථිකාචාර්ය මහාචාර්ය මැදගොඩ අභයතිස්ස නාහිමියෝ පැවැසූහ.

රටට මොනවා වුණත් මට කමක් නැතැයි ඔහු සිතන බව මේ විශ්වාසභංගය වෙනුවෙන් ඔහු කළ කීදේ මගින් රටට හෙළි කර අවසන් යැයි ද උන්වහන්සේ කීහ.

අභයතිස්ස හිමියෝ මේ අදහස් පළ කළේ පුස්තකාල සේවා මණ්ඩල ශ්‍රවනාගාරයේ අද (10) පැවැති මාධ්‍ය හමුවක් අමතමිනි.

පසුගියදා සෙල්වම් අඩෙයිකලනාදන් පාර්ලිමේන්තු මන්ත්‍රීවරයා සඳහන් කරනවා විශ්වාසභංගය පරාජයට පත් කිරීමට ද්‍රවිඩ සන්ධානය සහය දුන්නේ කරුණු දහයක් නිසා යැයි කියා ඔවුන් එම කරුණූ දහය හෙළි කර තිබෙනවා. ඉදිරි පළාත් පාලන මැතිවරණයට පෙර නව ආණ්ඩුක්‍රම ව්‍යවස්ථාව තුනෙන් දෙකකින් සම්මත කළ යුතුය. හමුදාව සතු සියලූ ඉඩකඩම් යළි එහි වැසියන් වෙත ලබාදිය යුතුය.

සිර බාරයේ සිටින සියලු දේශපාලන සිරකරුවන් නිදහස් කළ යුතුය. අතුරුදන්වූවන් වෙනුවෙන් ඇත්තේ අතුරුදන්වූන්ගේ කොමිසම පමණයි. ඒ ගැන අවධානය යොමු කළ යුතුය. උතුරු නැගෙනහිර ජනතාවගේ අයිතීන් සුරක්ෂිත කළ යුතුය. උතුරු නැගෙනහිර තරුණ තරුණියන්ට රැකියා අවස්ථා ලබා දිය යුතුය. උතුරු නැගෙනහිර පළාත් රැකියා සඳහා දකුණින් බඳවා නොගතයුතුය.

උතුරු නැගෙනහිරට අයත් දිස්ත්‍රික්ක අට සඳහා දෙමළ දිසාපතිවරුන් බඳවා ගත යුතුය. එහි සංවර්ධන කටයුතු සඳහා අදාළ පළාත් සභාවල මතයට ගරු කළ යුතු අතර ඔවුන්ට පරු නමුඛතාව දිය යුතුය. දෙමළ ජනතාවට කඩිනම් දේශපාලන විසඳුමක් ලබාදිය යුතුය යන යෝජනා දහයයි මෙසේ ඉදිරිපත් කර තිබේ.

‘මේ විධායක ජනාධිපති ක්‍රමය අහෝසි කරන්න නම් ජනමත විචාරයක් යන්න ඕනෑ. මේ හදන්නේ 13 වැනි සංශෝධනයේ ඇති සියලූ බෙඳුම්වාදී ලක්ෂණයන් අයින් කරන්නයි කියන්නේ. එතකොට මේ රට ඉන්දියාවටත් වඩා ෆෙඩරල් කරන්න පුළුවන්. අලූත් ව්‍යවස්ථාවකින් මේ රට ගන්න හදන්නේ එතකොට අභිමානනීය ලෙස ඊළම ලබාගන්න පුළුවන් නිසයි’ යැයි ද අභයතිස්ස හිමියෝ පැවැසූහ.

අදහස් (7)

අගමැතිගේ තිබුණු විශ්වාසයත් නැති වුණා - මැදගොඩ අභයතිස්ස හිමි

dhamneth Wednesday, 11 April 2018 02:16 AM

අපේ බෞද්ධයින් විනාශ වෙන්නේ බුදුදහම අනුව කටයුතු නොකරන සම්මාදිට්ඨීය නැති චීවරධාරීන් නිසයි. පට්ටම් ගහගෙන පැරණි පන්සල්වල සිටිනවිට අහිංසක බෞද්ධයින් නිකම්ම රැවටෙනවා. ගතානුගතිකව සිතන බෞද්ධයන් සිතන්නේ සිවුරුදාගත් ඔක්කොම හාමුදුරුවරු... අපි සිවුරට ගරුකරන්න ඕනෑ කියායි. රට දියුණු වෙන්න නම් මේ අදහස් වෙනස්විය යුතුයි. තර්කානුකූලව සිතිය යුතුයි.

: 114 135

nishanWednesday, 11 April 2018 03:10 PM

පාරාජිකා භික්ෂුන් ශාසනයෙන් නෙරපන්න කාලය ඇවිත්..

: 86 175

Sapumal.Wednesday, 11 April 2018 03:37 PM

දම්නෙත් - ඔබතුමාගේ අදහසට මාත් එකඟයි. මේ අය එක එක සංවිධාන අටවාගෙන අමුතු බුද්ධාගමක් හදන්නයි දඟලන්නේ. ප්‍රශ්න දෙස සම මෙතින් බලන්නේ නැත. දෙමළ මිනිසුන් හරි නැති නම් මේ අයවත් හරියට පැවතිලා එපැයි ගිහියන්ට අනුශාසනා කරන්න. බුදු දහමේ තියෙන මූලික හරයවත් මේ අය ළඟ නැත. පාට කණ්ණාඩි වලින් බලන්නේ. ශීලය විතරමයි නැත්තේ. ශීලය නැති තැන චීවරය තිබුණත් භික්ෂුවක් නැත. ඇත්තේ දුසිල්වතෙකි. දුසිල්වතා කියන්නේ වැදි බණය. එවැනි බණ බුදු බණ නොවේ. දේශපාලනයෙන් තොර, වරප්‍රසාදවලට ගිජු නැති අධි සිල්වත් භික්ෂුන් වහන්සේලා අද වැඩ වෙසෙති. අපි උන්වහන්සේලාගේ පාද නමදිමු. ප්‍රණීත වූ සුන්දර වූ දහම අවබෝධ කරන්නෙමු. දුසිල්වතුන්ද, ඔවුන්ගේ වැදි බණද දැඩි පිළිකුලෙන් යුතුව ප්‍රතික්ෂේප කරන්නෙමු.

: 0 0

sas Wednesday, 11 April 2018 05:23 AM

ගැටුම් ඉවරවෙලා දැන් අවුරුදු 10 ක් විතර ගිහින්. දෙමල මිනිස්සු තමන්ගේ ඉඩම් වල පදිංචි වුනහම මොකද්ද තියන වරද ?

: 81 85

Bamunuarachchi Wednesday, 11 April 2018 02:56 PM

අපේ හාමුදුරුවනේ ඒ විශ්වාසය ඒ ගොල්ලෝ අතරින්ම ආව එකක් මිස ජනතාවගෙන් ලැබුණු දෙයක් නොවෙයි. ඒක දෙමලුන් කළ කල දුටුකල වල ඉහ ගැනීමක්. ඒ අය ජාතිය වෙනුවෙන් තවත් යමක් කරගත්තා. අපේ අය බඩගෝස්තරය රැක ගත්තා.

: 44 212

Sapumal. Thursday, 12 April 2018 03:04 AM

ඇයි අගමැතිගේ විතරක්. ගෙනාපු අයගේ විශ්වාසය වැඩි වුනාද ? ඇතුලේ අර්බුද ඇතිවුනේ නැද්ද? ශ්‍රීලනිපයට මොකද වුනේ ?

: 0 1

ලුම්බිණි Thursday, 12 April 2018 06:20 AM

අපරාධ කරලා නැත්නම් සිර භාරයේ සිටින සියලු දේශපාලන සිරකරුවන් නිදහස් කළ යුතු නැද්ද ?

: 0 1

ඔබේ අදහස් එවන්න

දේශපාලන

තරුණයින් පතන ලංකාව ඉක්මනින් හදනවා

2024 අප්‍රේල් මස 19 163 2

මෙරට තරුණ තරුණියන් අපේක්ෂා කරන ශ්‍රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්‍රමසිංහ මහතා පැවසීය.

විවාදය අභියෝගය මුලින්ම කළේ අනුර කුමාර

2024 අප්‍රේල් මස 10 1179 10

සමඟි ජන බලවේගයේ නායක සහ විපක්‍ෂ නායක සජිත් ප්‍රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා

පොහොට්ටුව හම්බන්තොටින් වැඩ අරඹයි

2024 මාර්තු මස 31 951 6

අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්‍රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ

‘‘රට හදන්න දේශපාලන වෙනසක් අවශ්‍යයි‘‘

2024 මාර්තු මස 31 2318 4

අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල

කිසිම දවසක දේශපාලනඥයන්ට හොරු අල්ලන බෑ. ඒක මිත්‍යාවක්-සජබ පා.ම හර්ෂ ද සි්ල්වා

2024 මාර්තු මස 17 2164 15

ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්‍රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග

වන්නි හත්පත්තුවේ ගොවි සමුළුවට මහා ජනකායක් පොල්පිතිගමට

2024 පෙබරවාරි මස 11 3691 9

මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත