ආරියරත්න රණබාහු
 
බුද්ධි අංශය දුර්වල කර එහි නිලධාරින් රිමාන්ඩ් කිරිම ගෝලීය දෙමළ සංසදයට පනවා තිබු තහනම ඉවත් කිරිම ඇතුළු ක්‍රියා නිසා කොටි සංවිධානයට නැවත හිස එසවීමට වත්මන් රජය අවස්ථාව සලසා දී ඇතැයි ජාතික සංවිධාන එකමුතුවේ සාමාජික හිටපු නියෝජ්‍ය ඇමැති ආචාර්ය සරත් වීරසේකර මහතා පැවසීය.

එම සංවිධානයේ ඊළාම් සිහිනය තවම බිඳ වැටී නැතැයි කී විරසේකර මහතා යෝජිත නව ආණ්ඩුක්‍රම ව්‍යවස්ථාව මගින් ඊට පාර කපමින් සිටින බවටද චෝදනා කළේය.

රාජගිරිය නාවල පාරේ පිහිටි ජාතික සංවිධාන එකමුතු ප්‍රධාන කාර්යාලයේ අද (3) පෙරවරුවේ පැවති මාධ්‍ය හමුවේදී ඒ බව කී විරසේකර මහතා එහිදී මෙසේ ද කීය.

පොලිස් බලතල දුන්නොත් උතුරේ සිදුවන අපරාධ සති දෙකකින් නිම කිරිමට හැකි බව උතුරේ මහ ඇමැති විග්නේෂ්වරම් මහතා පවසා තිබෙනවා.

මෙහෙම සති දෙකකින් ඒ වැඩ නතර කිරිමට ඔහුට හැකි බලයක් තියෙනවා කියන්නේ ඒ අපරාධකරුවන් සමඟ ඔහු සුහදතාවකින් කටයුතු කරන බවයි. අනිත් අතට අපරාධකරුවන් සමඟ මහ ඇමැතිවරයාගේ සෘජු මැදිහත්වීමකුත් තිබෙන බව මින් පෙනී යනවා.