(අංජුල මහික වීරරත්න)

රාජපක්ෂ කල්ලියට පාරවල් ගානේ රස්තියාදු වීමට සිදුවී ඇත්තේ ජනතා මුදල් කොල්ලකෑමේ පව නිසා බව නීතිය හා සාමය රාජ්‍ය පරිපාලන නියෝජ්‍ය අමාත්‍ය නලින් බණ්ඩාර මහතා මාධ්‍ය හමුවකදී අද (4) පැවසීය.

ගෝල්ෆේස් පිටිය ඉදිරිපිට අක්කර 7ක කොළඹ හදවත විකිණූ රාජපක්ෂ කල්ලිය කොළඹට පැමිණ හිටගෙන ඉන්නේ කෙසේ දැයි තමාට නොතේරෙන බව කී නියෝජ්‍ය අමාත්‍යවරයා කොහේ ගියත් තමාගේ හදවතට පහර වදින තැන්වලට යන්නට එපා යැයි රාජපක්ෂ කල්ලියෙන් ඉල්ලා සිටින බව ද කීය.

පිටකෝට්ටේ සිරිකොත එක්සත් ජාතික පක්ෂ මූලස්ථානයේ දී මෙම මාධ්‍ය හමුව පැවැත්විණි.

ඡායාරූප - චතුර එස් කොඩිකාර