ආරියරත්න රණබාහු
 
රට අස්ථාවර වී ඇත්තේ රට පාලනය කරන වත්මන් කැඳ හවුල නිසා යැයි මහජන එක්සත් පෙරමුණේ නායක පාර්ලිමේන්තු මන්ත්‍රී දිනේෂ් ගුණවර්ධන මහතා මහරගම දී අද (31) පැවසීය.


2015 ජනවාරි 8 වැනි දා යින් පසු හවුල් ආණ්ඩුව කිසියම් දිස්නයක් දුන්න ද ඉන්පසු එය වාෂ්ප වී ගිය බව පැවසු ගුණවර්ධන මහතා ශ්‍රීලනිපයෙන් ආණෟඩුවට එක්වු කොටස් කැඩී කැඩී යන්නට පටන් ගෙන ඇතැයි ද කීය.


අර්ජුන් ඇලෝසියස් ව්‍යාපාරිකයාගෙන් මුදල් ලබාගත් මන්ත්‍රීවරු 118 දෙනා හෙළි කිරිම රජයේ දෙපාර්තමේන්තුවට අයත් කාර්යයක් කී මන්ත්‍රීවරයා එවැනි අය පාර්ලිමේන්තුවට කෝප් කමිටුවට යළි පත්කර ඇතැයි ද කීය. 


පාර්ලිමේන්තු කමිටුවල ගෞරවය රැක ගැනීමට සඳහා එවැනි පත්කිරිම් නුසුදුසු බවත් ඒ පිළිබඳව කටයුතු කිරිමේ පුර්ණ බලය ඇත්තේ කතානායකවරයාට බවත් හෙතෙම පැවසීය.


උතුරුමැද ,සබරගමුව සහ නැගෙනහිර පළාත් සභාවල මැතිවරණය පැවැත්ම ඉතා ඉක්මනින් සිදු කළ යුතු බව පැවසු මන්ත්‍රීවරයා ඉදිරියේ දී ඒ පිළිබඳ විරෝධතා ව්‍යාපාරයක් ක්‍රියාත්මක කරන බවද කීය.


මහරගම මහජන එක්සත් පෙරමුණු කාර්යාලයේ අද (31) පැවති මාධ්‍ය හමුවකදී දිනේෂ් ගුණවර්ධන මහතා විසින් මෙම අදහස් දැක්වීම සිදු කෙරිණි.