(ඩයනා උදයංගනී)

 හොඳ ගස්වල පිළිල ඇතිවූ විට ඒවා ඉවත් කර ගස ආරක්‍ෂා කරගන්නා මෙන් රටේ දේශපාලනයේ පවතින පිළිල ඉවත් කර දේශපාලනයේ ගරුත්වය ආරක්‍ෂා කරගැනීමට දැන් කාලය එළඹ ඇතැයි මහනගර හා බස්නාහිර පළාත් සංවර්ධන අමාත්‍ය පාඨලී චම්පික රණවක මහතා පැවසීය.

 

ඉදිරි ජනාධිපතිවරණය හෝ මහ මැතිවරණය වන විට යුක්තිය ඉටුවන, විද්‍යාත්මක ආණ්ඩු ක‍්‍රමයකට අවශ්‍ය පෙළඹවීම රට තුළ ඇති කළ යුතු බව කී අමාත්‍යවරයා ඒ වෙනුවෙන් ජනතාව පෙළගස්වන වැඩපිළිවෙලක් ඉදිරියේදී ආරම්භ කරන බව ද සඳහන් කළේය.


පසුගිය මැතිවරණයේදී ජනතාව ලබාදුන්නා කනේ පහර තේරුම් ගෙන කටයුතු කිරීම කාගේත් දේශපාලන සෞඛ්‍යයට හොඳ බව කී අමාත්‍යවරයා මේ වන විට පනවා ඇති බදු හේතුවෙන් නිලධාරීන්ට වාහන භාවිතය සම්බන්ධව පවා ගැටලූ ඇති වී තිබෙන බව ද කීවේය.


අමාත්‍ය පාඨලී චම්පික රණවක මහතා මේ බව පැවසුවේ බත්තරමුල්ල, සුහුරුපායේ පිහිටි එම අමාත්‍යාංශ ශ‍්‍රවණාගාරයේදී අද (11) පැවති මාධ්‍ය හමුවකින් අනතුරුව මාධ්‍යවේදීන් නැගූ ප‍්‍රශ්නවලට පිළිතුරු දෙමිනි.