මුදිතා දයානන්ද
          
ජපන් ආරක්ෂක ඇමැති ලංකාවට ආවේ ආරක්ෂක කටයුතු සම්බන්ධ සොයා බැලීමටයි. ජපන් ආරක්ෂක ඇමැති වගේ ආරක්ෂක ඇමැතිවරයෙක් ලංකාවට පැමිණිම ගැන අපි සතුටු විය යුතු යැයි අමාත්‍ය මහින්ද සමරසිංහ මහතා අද (23) පැවසීය.


සමරසිංහ මහතා මේ බව පැවසූයේ ශ්‍රී ලංකා නිදහස් පක්ෂ මූලස්ථානයේ දී පැවති මාධ්‍ය හමුවකදී ජපන් ආරක්ෂක ඇමැති ලංකාවට පැමිණියේ ඇයි දැයි කළ විමසීකට පිළිතුරු දෙමිනි.
 

එහිදි තවදුරටත් අදහස් දැක්වු සමරසිංහ මහතා මෙසේ ද පැවසීය.


ජපානය කියන්නේ අපේ මිත‍්‍ර රටක්. අපිට විශාල වශයෙන් ආධාර කරපු රටක්. අපේ කොළඹ වරාය සංවර්ධනයට විශාල ආධාර මුදල් ප‍්‍රමාණයක් ජපානය ලබාදී තිබෙනවා. ඒ නිසා ඔවුන්ට අපේ වරායන් නිරික්ෂණය කිරිමේ අයිතියක් තිබෙනවා. ඒ නිසා ඔහු කොළඹ වරාය නිරික්ෂණය කළා. ත‍්‍රිකුණාමල වරාය නිරික්ෂණය කළා.

හම්බන්තොට වරාය නිරික්ෂණය කළා. ඔවුන් එය නිරික්ෂණය කරලා ඉල්ලීමක් කළා කිසිම මිලිටරි කටයුත්තකට මේ වරාය භාවිතා කරන්න ඉඩ දෙන්න එපා කියලා. ඒ වගේම ඔහු ප‍්‍රකාශයක් කර තිබුණා අපේ ගිවිසුමේම එහෙම යොදාගන්න බැරි බවට කොන්දේසි දමා තිබෙන නිසා ගැටුළුවක් නැහැ කියලා.

ඡායාරූප හා වීඩියෝ - රොමේෂ් ධනුෂ්ක සිල්වා