නාලක සංජීව දහනායක
 
ජනාධිපතිවරයාගේ හා අගමැතිවරයාගේ නායකත්වය නොපිළිගන්නා ඕනෑම අයකුට ඒකාබද්ධ විපක්‍ෂයට එක්විය හැකි බව පාර්ලිමේන්තු මන්ත‍්‍රී කංචන විජේසේකර මහතා අද (22) පැවසීය.


ආණ්ඩුවෙන් ඉවත්වූ ශ්‍රී ලංකා නිදහස් පක්‍ෂ පාර්ලිමේන්තු මන්ත‍්‍රීවරුන් 16 එය එසේම බලපාන බවද මන්ත‍්‍රීවරයා කීය.


එහිදී මන්ත‍්‍රීවරයා මෙසේද කීය.


අපි 2015 වසරේ ඉඳලා මහින්ද රාජපක්‍ෂ මහතා එක්ක කටයුතු කළා. අපේ ඒ ක‍්‍රියාමාර්ගය විවේචනය කළ උදවියත් පහුවෙලා හෝ අපිත් එක්ක එකතුවීමට ගත්තු තීරණය ගැන අපි සතුටුවෙනවා.


පොදුජන පෙරමුණ ගැන අද කතා කරන්නේ ඩිලාන් පෙරේරා. ඔහු කියන කතා මේ රටේ ජනතාව විශ්වාස කරන්නේ නැහැ. පුළුවන්නම් මහින්ද රාජපක්‍ෂ මහත්තයා අගමැති කරන්න ජනාධිපතිවරයා එකඟ කරගන්න කියලා අපි ඩිලාන් පෙරේරාට අභියෝග කරනවා. අපිට බලය ගැනීමට හදිස්සියක් නැහැ. තනතුරු ගැන කෑදර කමකුත් නැහැ. ආණ්ඩුව මැතිවරණයක් කැඳොව්වොත් අපි අපේ බලය පෙන්වනවා යැයිද කීය.


බත්තරමුල්ල, නෙළුම්මාවතේ පිහිටි ශ්‍රී ලංකා පොදුජන පෙරමුණු කාර්යාලයේදී අද (22) පැවැති  මාධ්‍ය හමුවකට එක් වෙමින් මන්ත‍්‍රීවරයා මේ බව සඳහන් කළේය.