(නිමල කොඩිතුවක්කු)
රට ගොඩනැගීම සඳහා ප්රතිපත්තියක් නොමැතිව ජාතික ආරක්ෂාව මතුරන ගෝඨාභය රාජපක්ෂට මේ රටේ ප්රශ්න විසඳීමට නොහැකි බවත් ජාතික ආරක්ෂාව තහවුරු කරමින් රටේ අනෙකුත් ප්රශ්න විසඳීමට නම් සජිත් පේ්රමදාස මහතා රටේ ජනාධිපති කළ යුතු බවත් එක්සත් ජාතික පක්ෂයේ නායක අග්රාමාත්ය රනිල් වික්රමසිංහ මහතා කොළඹදී අද (30) පැවැසීය.
රටේ ඕනෑම ප්රශ්නයක් පිළිබඳ විමසීමේදී ජාතික ආරක්ෂාව සලසන බවට පවසන ගෝඨාභය රාජපක්ෂ මහතාට ජාතික ආරක්ෂාව සැපයීම සම්බන්ධයෙන්වත් විධිමත් වැඩපිළිවලක් නොමැති බවත් අග්රාමාත්යවරයා සඳහන් කළේය.
නව ප්රජාතන්ත්රවාදී පෙරමුණේ ජනාධිපති අපේක්ෂක සජිත් පේ්රමදාස මහතාගේ ජයග්රහණය වෙනුවෙන් තොටලඟ ප්රදේශයේ සංවිධානය කර තිබූ ජන රැළියකට එක්වෙමින් ඔහු මේ බව පැවැසීය.
එහිදී වැඩිදුරටත් අදහස් දැක්වූ අග්රාමාත්ය රනිල් වික්රමසිංහ මහතා මෙසේද කීය.
‘‘මම මිනුවන්ගොඩ වේදිකාවට පැමිණි අවස්ථාවේදී රුවන් රණතුංග මහතා සමඟ ශ්රී ලංකා නිදහස් පක්ෂයේ ප්රදේශීය සභා මන්ත්රීවරුන් ගණනාවකුත් අපේ වේදිකාවට නැගලා සජිත් පේ්රමදාස මහතා ජනාධිපති කරන බවට පොරොන්දු වුණා.
ගෝඨාභය රාජපක්ෂ කියන්නේ ඇත්ත වශයෙන්ම ශ්රී ලංකා නිදහස් පක්ෂයේ සාමාජිකයෙක් නෙමෙයි. එතුමා පාසලෙන් පිටවෙලා හමුදාවට බැඳිලා එතනින් ඉවත් වෙළා ඇමරිකාවට ගියා. කිසි දවසක ශ්රී ලංකා නිදහස් පක්ෂයේ සාමාජිකත්වය ඔහු අරගෙනත් නැහැ, එම පක්ෂය වෙනුවෙන් වැඩ කරලත් නැහැ.
කිසිම සම්බන්ධයක් නැති ගෝඨාභය රාජපක්ෂ වෙනුවට සජිත් ප්රේමදාස මහතාට ඡන්දය දෙන්න කියලා ශ්රි ලංකා නිදහස් පක්ෂයේ සාමාජිකයන්ගෙන් මම ඉල්ලා සිටිනවා.
සජිත් ප්රේමදාස මහතා දේශපාලනයට ආවේ සංවිධායකයෙක් ලෙසයි. මම ඇහුවා මැද කොළඹට එන්න කැමතිද කියලා එතුමා හම්බන්තොට තෝර ගත්තා. එතුමා දේශපාලනයෙන් බඩගාලා පාර්ලිමේන්තුවට ඇවිත් ආරම්භ කරපු ඒ ගමන අද ජනාධිපති අපේක්ෂකයෙක් විදියට පත් වෙලා තියෙනවා.
සජිත් ප්රේමදාස මහතා අවුරුදු 19 ක පාර්ලිමේන්තු පලපුරුද්දක් ඇතිව මෙතනට ඉදිරිපත් වුණා. ගෝඨාභය රාජපක්ෂට එහෙම පලපුරුද්දක් නැහැ. දේශපාලනය පිළිබඳ පුරුද්දක් නැති අයෙකුට රට භාර දෙන්න ලෑස්තිද කියලා මම ජනතාවගෙන් අහනවා.
සජිත් ප්රේමදාස මහතා අපේ අපේක්ෂකයා විදියට අපි කරපු වැඩ දන්නවා. ඉදිරියට කරන්න ඕන වැඩ ගැනත් එතුමන්ට අවබෝධයක් තියෙනවා. රටේ හැම කොනක් ගැනම එතුමන්ට අවබෝධයක් තියෙනවා. පලපුරුද්දක් ඇති දේශපාලන නායකයෙක් විදියට සජිත් ප්රේමදාස මහතා මෙවර ජනාධිපතිවරණයට ඉදිරිපත් වී තිබෙනවා.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘ජාතික ආරක්ෂාව සැපයීම සම්බන්ධයෙන්වත් ගෝඨාභයට විධිමත් වැඩපිළිවලක් නෑ‘‘
DD Thursday, 31 October 2019 12:20 AM
‘‘ජාතික ආරක්ෂාව සැපයීම සම්බන්ධයෙන්වත් ගෝඨාභයට විධිමත් වැඩපිළිවලක් නෑ‘‘ ඔබට නම්ලොකු වැඩ පිළිවෙලක් තයෙනවා නේද? අප්රේල් මාසේ පෙන්නුවේ ඒකද?
Raveendra Thursday, 31 October 2019 04:25 AM
මිලේනියම් සිටි එක පාවාදුන්නේ ජාතික ආරක්ෂාව පිළිබඳව වැඩපිළිවෙලක් තියෙන නිසා වෙන්න ඇති. අනේ අපේ කට...
Bamunuarachchi Friday, 01 November 2019 12:51 PM
කට ඇරියොත් ගොබ්බ කතාවක් තමයි කියන්නේ...