(නිමල කොඩිතුවක්කු)
සීමා නීර්ණ කමිටු වාර්තාවට පක්ෂව ඡන්දය ලබා දෙන බව පවසා වෙනත් දෙයක් කිරීමෙන් ජනතා විමුක්ති පෙරමුණේ සැබෑ නිරුවත රටට හෙළි වන බව ජාතික නිදහස් පෙරමුණේ ප්රචාරක ලේකම් මොහොමඞ් මුසම්මිල් මහතා කොළඹදී අද (28) පැවැසීය.
පලාත් සභා මැතිවරණය කල් දැමීමේ නිල පංගුකාරයන් බවට ජනතා විමුක්ති පෙරමුණත් පත්වෙන බවත් ඒ අවලාදයෙන් මිදීමට ඔවුන්ට හැකියාවක් නොමැති බවත් බවද ඔහු සඳහන් කළේය.
පිටකෝට්ටේ පිහිටි ජාතික නිදහස් පෙරමුණු ප්රධාන කාර්යාලයේ පැවති මාධ්ය හමුවකට එක්වෙමින් ඒ මහතා මේ බව පැවසිය.
මාධ්ය හමුවේ අදහස් දැක්වූ ජාතික නිදහස් පෙරමුණේ ප්රචාරක ලේකම් මොහොමඞ් මුසම්මිල් මහතා වැඩිදුරටත් මෙසේද කීවේය.
‘ පහුගිය 24 වනදා සීමා නීර්ණ වාර්තාව පාර්ලිමේන්තුවේදි පරාජය වුනා. මේ වාර්ථාව සකස් කර අවසන් කරලා තියෙන්නේ පෙබරවාරි මස 19 වනදායි. එය විවාදය සදහා ඉදිරිපත් කලේ අගෝස්තු 24 වැනි දාය.
මේ මාස 06 තුළ එම වාර්ථාවේ කිසිදු වෙනසක් කරලා නැහැ. මේ කාළය තුළ මේ අමාත්යවරයා එහි අඩුපාඩු දැකලා නැද්ද. ඔහු මේ කාළය තුළ එම වාර්තාවට දුම් ඇල්ලූවද කියලා අපි අහනවා. ඉතිහාසයේ පළවෙනිවතාවට අමාත්යවරයෙක් විසින් තමන් ඉදිරිපත් කළ වාර්ථාවට විරුද්ධව තමන්ම ඡන්දය භාවිතා කරළා තියෙනවා.
කුමන ක්රමයකින් හෝ මැතිවරණය කල්දැමීමේ අභිලාෂය පමණයි මේ අයට තියෙන්නේ. පළාත් සභා මැතිවරණය ලබන ජනාධිපතිවරණයට කලින් ගෙනාවොත් ආණ්ඩුව දන්නවා ඉන් දැවැන්ත බලපෑමක් ආණ්ඩුවට සිද්ධ වෙනවා කියලා. පළාත් පාළන මැතිවරණය අත්වෙච්ච ඉරනම හා සමාන ඉරනමක් පලාත් සභා මැතිවරණයෙන් ඇතිවෙන්න පුලූවන් කියන විශ්වාසය ආන්ඩුවට තියෙනවා.
ඒ නිසා ජනාධිපතිවරණයකට මෙපිටින් පලාත් සභා මැතිවරණයක් ආණ්ඩුව ගෙනෙයි කියළා අපිට විශ්වාසයක් නැහැ. පළාත් පාළන මැතිවරණය අවුරුදු දෙකහමාරක් ප්රමාද කළා. දැන් පලාත් සභා මැතිවරණය කල් දාලා තියෙනවා.
පලාත් සභා ඡන්ද විමසීම් සංශෝධන පනත් කෙටුම්පත පාර්ලිමේන්තුවට ගෙනාවම ඒක ශේෂ්ඨාධිකරණය ඉදිරියේ අභියෝගයට ලක් කලා. මේක කරනවනම් ජනමත විචාරණයක් සහ පාර්ලිමේන්තුවේ තුනෙන් දෙකක් අවශ්යයි කියලා ශේෂ්ඨාධිකරණය තීන්දු කළා.
ශේෂ්ඨාධිකරණය එවැනි තින්දුවක් ලබාදීමේදී ආණ්ඩුව කාන්තා නියෝජනය මුවාවෙන් පාර්ලිමේන්තුවේදි ජනතා විමුක්ති පෙරමුණත් හවුල් කරගෙන මේ පනත සම්මත කරගත්තා. කරලා මැතිවරණය කල් දැම්මා.
2018 ජූනි 31 වනදාට කළින් පලාත් සභා මැතිවරනය පැවැත්විම සම්බන්ධයෙන් සහතිකයක් අපි ආණ්ඩුවෙන් ලබා ගන්නවා කියලා එදා ජනතා විමුක්ති පෙරමුණේ බිමල් රත්නායක මන්ත්රිවරයා පාර්ලිමේන්තුවේදිත් ඉන් පිටතත් ප්රකාශ කළා. අපි අහනවා බිමල් රත්නායක මන්ත්රීතුමන්ගෙන් දැන් ජවිපෙ ලබා ගත්තා කියපු සහතිකය කෝ කියලා.
ජුනි 31 පහුවෙලා දැන් මාස දෙකක් පමන ගිහින් තිබුනත් පළාත් සභා මැතිවරණය පේන තෙක් මානයක නැහැ.
සීමා නීර්ණ වාර්තාව පාර්ලිමේන්තුවට ගෙනාවේ පසුගිය 24 වනදායි. සීමා නීර්ණ කමිටු වාර්තාව පාර්ලිමේන්තුවේ සම්මත කළ යුතු බවත් එයට පක්ෂව ජනතා විමුක්ති පෙරමුණ ඡන්දය ලබා දෙන බවත් ජනතා විමුක්ති පෙරමුනේ ප්රචාරක ලේකම් විජිත හේරත් මහතා පසුගිය 23 වනදා මාධ්ය හමුවක් පවත්වා කියනවා.
එහෙම කියන ඔවුන් 24 වනදා පැනලා යනවා. එක දිනක් ඇතුලේ තීරණ වෙනස් වෙනවා. ජනතා විමුක්ති පෙරමුණේ වත්මන් සභාවය අදුන ගන්න හොදම උදාහරණයක් තමයි මේක. ආණ්ඩුව ඡුන්දය නොදි ඉදිද්දි ජනතා විමුක්ති පෙරමුණට කොන්දක් තිබුණේ නැහැ කෙලින් ඉඳගෙන තමන් පක්ෂ පනතට ඡන්දය දෙන්න. ඔවුන් ඒකෙන් පැනලා ගියා.
මේ මැතිවරණය කල් දැමීමේ නිල පංගුකාරයන් බවට ජනතා විමුක්ති පෙරමුණත් පත්වෙනවා. ඔවුන්ට ඒ අවලාදෙන් මිදෙන්න බැහැ. ඔවුන් මැතිවරණ කල් දැමීමේ ක්රියාදාමයට තමන්ගේ ඡන්දයත් ලබා දීලා එය සාදාරන කරන්නත් මැදිහත් වුන කණ්ඩායමක්.
ජනතා විමුක්ති පෙරමුණ ආණ්ඩුවේ ඞීල් වලට කරන ගෙවිම් තමයි ඡන්දය නොදි පාර්ලිමේන්තුව මගහැර යාම.
අද මේ රටේ ආර්ථිකය විශාල වහයෙන් කඩා වැටිලා තියෙනවා. රුපියල සීග්රයෙන් බාල්දු වෙමින් තිබෙනවා. මේ විදියට ගියොත් මේ වසර අවසන් වනවිට ඩොලර් එක රුපියල් 200ට විතර නගීවී.’’’’යැයිද මොහොමඞ් මුසම්මිල් මහතා එහිදි වැඩිදුරටත් කියා සිටියේය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ලංකා දේශපාලන ඉතිහාසයේ තීව්රැතම ගැටුම ඉදිරි මාස හත අට තුළ නිර්මාණය වෙනවා. මේක ‘ඩූ ඕ ඩයි’ සටනක් යැයි ජාතික ජනබලවේගයේ නායක පාර්ලමේන්තු මන්ත්රී අනුර කුම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
එකක් කියා තවෙකක් කරමින් ජවිපෙ සැබෑ නිරුවත රටට හෙළිකළා