(ජයන්ත සමරකෝන්)
ආණ්ඩුවේ නොහැකියාව හා ජනතා විරෝධය වෙනතකට යොමු කිරීම සඳහා ඉතිහාසයේ කිසි කලෙකත් නොවූ අයුරින් මෙවර ලෝක කම්කරු දිනය හා බුදු තෙමඟුල සිහිපත් කෙරෙන වෙසක් පොහෝ දිනය පවා වෙනස් කිරීමට ආණ්ඩුව කටයුතු කර ඇතැයි, ලංකා සමසමාජ පක්ෂයේ ලේකම්, හිටපු අමාත්ය මහාචාර්ය තිස්ස විතාරණ මහතා ඊයේ (25) පැවසීය.
වැඩකරන ජනතාව ලෙයින් දිනාගත් දිනය හා වෙසක් පොහෝ දිනය වෙනත් දිනයක පැවැත්වීමට රජයකට කිසිඳු අයිතියක් නැතැයි ද මෙය රජය හිතාමතාම කළ අදූරදර්ශී ක්රියාවක් යැයිද කොළඹ 2, ආචාර්ය කොල්වින් ආර්. ද සිල්වා මාවතේ පිහිටි ලංකා සමසමාජ පක්ෂ මූලස්ථානයේ පැවැති ප්රවෘත්ති සාකච්ඡාවකදී මහාචාර්යවරයා කීය.
මැයි 1 වැනිදාට නියමිත කම්කරු දිනය 7 වෙනිදාට කල් දැමීම හා වෙසක් දිනය අප්රේල් 29 දා පැවැත්වීම සම්බන්ධයෙන් කෙරුණු දැන්වීම් සඳහා මෙම ප්රවෘත්ති සාකච්ඡාව පැවැත්විණි.
මෙහිදී වැඩිදුරටත් අදහස් දැක්වූ මහාචාර්යවරයා මෙසේද කීය.
වැඩකරන ජනතාවගේ එකම දිනය මැයි පළමුවන දිනයි. වසර ගණනාවක් තිස්සේම අපි මේ දිනය සමරනු ලැබුවා. වෙසක් පොහෝ දිනයත් ඒ වගේමයි. අප්රේල් මාසෙට වෙසක් පොහොයක් තිබිලා නැහැ.
නොවිය යුතු දේවල් ඔක්කොම මේ ආණ්ඩුව කරන්නේ නොදැන නොවෙයි. ජනතා අප්රසාදය විරෝධය වෙනත් අතකට යොමු කරන්නයි.
එදා ජේ.ආර්. රජයට එරෙහිව නැගුණු ජනතා විරෝධය වැඩ පැවැත්වීම සඳහා 1983 කළු ජූලිය ඇති කළා.
දෙමළ ජාතිවාදී කලකෝලහල ඇති වන්නට පසුබිම හැදුවා.
පසුගියදා අම්පාර හා දිගන මුස්ලිම් ජාතිවාදී අරගලය ද සැලසුම්සහගතව ඇති කළ දෙයක්. ආණ්ඩුව පවත්වාගෙන යාමට වෙනත් විකල්පයක් නැහැ. ජනතා විරෝධය වළක්වන්නටත් ජනතාවගේ අවධානය වෙනත් අතකට යොමු කරන්නටත් දැන් මැයි දිනය හෑල්ලුවට ලක් කරලා.
වෙසක් පොහෝ දිනය වෙනස් කිරීමත් බරපතළ තත්ත්වයක්. මහානායක හිමිවරුන්ගේ උපදෙස් මත කළ බවට දැන් කියනවා. ආණ්ඩුවේ කැලැන්ඩරය මඟින් එය කලින්ම සැලසුම් කර තිබුණා.
කොහොම වුණත් අපි පළමුවැනිදා සමාජවාදී ජනතා පෙරමුණේ මැයි දිනය සංකේතාත්මකව නාරාහේන්පිට ශාලිකා ශාලාවේදී හවස 3.30 ට පවත්වනවා.
මැයි 7 වැනිදා ඒකාබද්ධ විපක්ෂය ශ්රී ලංකා පොදුජන පෙරමුණ එක්ව ගාල්ලේ සමනල ක්රීඩා පිටියේදී මැයි දින රැලිය හා පෙළපාළිය පවත්වනවා.
ඊට වමේ පක්ෂ හා වෘත්තීය සමිති සංවිධාන ද එක්වෙනවා. අපි ඒකාබද්ධ විපක්ෂයේ මැයි රැලියට සම්බන්ධ වන්නේ ගාල්ල කළුවැල්ල හන්දියෙන්. ඒ පස්වරු 1.00 ටයි.
හවස 3.00 ට රැලිය ආරම්භ වීමට නියමිතයි. එදාම ආණ්ඩු විරෝධී උද්ඝෝෂණ බලාගත හැකියි. ආණ්ඩුව ගෙදර යැවීමේ සටන අපි එදා ආරම්භ කරනවා.
දේශපාලන මණ්ඩල සභික දකුණු පළාත් සභා මන්ත්රී (සමසමාජ) බද්දේගම සමිත, ජාතික සංවිධායක වයි.ජී. පද්මසිරි, නියෝජ්ය ලේකම් අනිල් ද සොයිසා යන මහත්වරු මෙහිදී අදහස් දැක්වූහ.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ආණ්ඩුවේ නොහැකියාව, ජනතා විරෝධය අමතක කරන්න මැයි දිනයත්, වෙසක් දිනයත් වෙනස් කළා