පස්සර ගින්න
ටිකිරි හැන්නදිගේ චමින්ද (35) පස්සර නගර මධ්යයේ පිහිටි වෙළෙඳසලක හිමිකරුය.
තෙමහල් වෙළෙඳසලේ හාල්, පොල්, පොල් තෙල්, ටින් කෑම ඇතුළු සියලු කුළු බඩුවලින් සමන්විතව තිබිණ. මෙය පාරම්පරික වෙළෙඳසලක් වීමද විශේෂත්වයකි. වෙළෙඳසලේ පිටුපස කොටසේ පවුලකට පදිංචිව සිටිය හැකි පහසුකම් ද තිබිණ. චමින්ද පොඩි කාලේ සිටම හැදී වැඩුණේද මෙහිමය.
මේ වෙළෙඳසලේ ජීවත් වූයේ චමින්ද සිය මෑණියන් වන කේ.බී. මල්ලිකා (62), පුංචි අම්මා වන කේ.බී. චන්ද්රා (61) සහ බාල නැගනිය වන ටී.එච්. කල්පා ඖෂිකා (23) පමණක් නොව බිරිඳ සඳමාලි සහ කුඩා දරුවන් දෙදෙනාය.
මෙහි වාතාශ්රය ප්රමාණවත්ව ලැබෙන සේ වාකවුළු නොවීය. පිටුපසට දොරක් හෝ නොමැති මෙම වාසස්ථානයේ ඇතුළුවීමට හා පිටවීමට ඇති එකම දොරටුව වූයේ වෙළෙඳ සලේ ඉදිරි දොරටුවය.
මීට මාස 3 ක පමණ පෙර සෞඛ්ය නිලධාරිනියකගෙන් උපදේශයක් ලැබිණ. චමින්දගේ කුඩා දරුවාට වාතාශ්රයක් නොමැති මේ ගෘහය සුදුසු නොවන බවයි.
චමින්ද දෙවතාවක් නොසිතා බිරිඳ හා දරු දෙදෙනා සමග කුලී නිවසක පදිංචියට ගියේය. එම නිවස ද පිහිටියේ විනාඩි 5 කින් ගමන් කළ හැකි දුරකිනි.
බදුල්ල වැඩ බලන මහේස්ත්රාත් හේමින්ද දයාවංශ මහතා ස්ථානය පරීක්ෂා කරමින්...
වෙළෙඳසලේ කටයුතු නිමවීමෙන් පසු රාත්රී 12 ට පමණ වෙළෙඳසලේ ඉදිරි දොරටුව වසා ඉබි යතුරු දමා යාම චමින්දගේ සිරිත විය.
ඉකුත් 14 වන දාද රාත්රී 12.30 ට පමණ අම්මා, පුංචි අම්මා සහ බාල නැගනිය ඇතුළේ සිටියදීම වෙළෙඳසලේ ඉදිරි දොර ඉබි යතුරු දමා වසා ඔහු කුලී නිවසට ගියේය.
එහෙත් දෙවියනේ අලුයම දෙකට පමණ සිදුවූයේ කුමක්ද? අසල්වැසි වෙළෙඳසල් හිමියන් පිරිසක් දිව විත් පැවසුවේ වෙළෙඳසල ගිනි ගන්නා බවයි.
චමින්ද වෙළෙඳසල දෙසට දිව යන විටත් වෙළෙඳසලේ කෝටි ගණනක බඩුමට්ටු ගින්නට ගොදුරුව විනාශ වී තිබිණ.
‘අනේ මගේ අම්මා කෝ? අනේ මගේ පුංචි අම්මා? අනේ මගේ නංගී කියමින් චමින්ද කෑගැසුවත් ඔවුන් සොයා වෙළෙඳසලට ඇතුළුවීමට නොහැකි තරමට ගිනි ජාලා පැතිර යන්නට විය.
ඇතුළුවීමට හා පිට වීමට තිබූ එකම දොරටුව ගිනි රකුසා වෙළාගත් නිසා පොලිසියේ සහ අසල්වැසියන්ගේ සහායෙන් වෙළෙඳසලට පිටුපසින් ඇති නිවසේ යාබද තාප්පය කඩා ඇතුළු වී වෙළෙඳසල් පිටුපස බිත්තියද කඩා ඇතුළු වීමට උත්සාහ කළත් විෂ දුමාරය ටික වේලාවක් යන තෙක්ම ඊට ඉඩක් නුදුන්නේය.
දුම මර්දනය කරමින් බලන විට සියලු දෙනාට දක්නට ලැබුණේ අතිශය සෝබර දසුනකි. මවට තුරුලුව කල්පනා දියණිය නිසොල්මන්ව සිටියාය. පුංචි අම්මාද එතැනම එලෙසම නිහඬය.
ඔවුන් නිදා සිටි ස්ථානවලින් දිව විත් එළියට යන්න තැනක් නැති ගොඩනැගිල්ල තුළ එහි කෙළවරේ මෙසේ තුරුලු වන්නට ඇත්තේ ගිනි රකුසාගෙන් බේරීම සඳහා දිව ගියත් පිටවීමට තැනක් නොතිබූ බැවිනි.
ඔවුන්ගේ මර ළතෝනිය බොහෝ වේලාවක් රැව් පිළිරැව් දුන්නත් එය ගොඩනැගිල්ල තුළටම සීමා වන්නට ඇත. සිරුර පිළිස්සෙන තරමට ගින්න ළං නොවූවත් මහා විෂ දුමාරයට ඔවුන් ගොදුරු වන්නට ඇත.
බදුල්ල පොලිසියේ හා බදුල්ල මහ නගර සභා ගිනි නිවන ඒකකයේ සහායෙන් මෘත දේහයන් ගොඩනැගිල්ලේ කැඩූ බිත්තියෙන් එළියට ගෙන පස්සර දිසා රෝහලේ මෘත ශරීරාගාරයට ගෙන යන ලදී.
බදුල්ල වැඩබලන මහේස්ත්රාත් හේමින්ද දයාවංශ මහතා විසින් ස්ථානීය පරීක්ෂණය සිදුකළ අතර මෘත දේහයන් තුන බදුල්ල මහ රෝහලට රැගෙන ගොස් පශ්චාත් මරණ පරීක්ෂණ සිදුකරවා වාර්තාවන් අධිකරණයට ඉදිරිපත් කරන ලෙසට පස්සර පොලිසියට නියෝග කළේය.
ගින්න සිදුවූයේ කෙසේදැයි සෙවීම සඳහා රජයේ රස පරීක්ෂක වාර්තාවක් කැඳවන ලෙසට ද වැඩබලන මහේස්ත්රාත්වරයා පස්සර පොලිසියට නියෝග කළේය.
බදුල්ල පොලිස් අධිකාරි ධම්මික වීරසේකර, සහකාර පොලිස් අධිකාරි රොෂාන් රාජපක්ෂ යන මහත්වරුන්ගේ උපදෙස් මත පස්සර පොලිස් ස්ථානාධිපති ප්රධාන පොලිස් පරීක්ෂක රත්නවීර එල්. අඩස්සූරිය මහතාගේ මෙහෙය වීමෙන් පස්සර පොලිසිය වැඩිදුර විමර්ශන සිදුකරයි.
අදහා ගන්නටත් බැරි තරම් වූ මේ මහ ඛේදවාචකයට ගොදුරුව මව, දුව සහ පුංචි අම්මාගේ මෘත දේහයන් පස්සර නගරය හරහා සොහොන් බිමට ගෙන යද්දී පස්සර නගරයේ වසා දැමූ වෙළෙඳසල් හි සුදුකොඩි අඩකුඹු කොට සංවේගය දැනවීමට සිංහල, දෙමළ, මුස්ලිම් වෙළෙඳ ප්රජාව විසින් කටයුතු කර තිබිණ.
පවුලේ අය මෙන්ම නෑදෑ හිතවත් පිරිසද කඳුළින් දෑස් තෙත් කරමින් මෘත දේහයන්ට පිටුපසින් ගමන් කළහ.
බදුල්ලේ පාලිත ආරියවංශ
පෙරභවය හෙළි කළ දරුවන් මගින් අපූරු තොරතුරු වරින්වර අසන්නට ලැබේ. ඒ අතරින් අතිශය අසිරිමත් සිදුවීමක් පසුගිය දිනෙක සිදුවිය. එම පුනර්භව සාධකයට හේතු වූයේ මීට
මිනිසාගේ පැරණිතම මිතුරෙකු වශයෙන් සැලකෙන සුනඛයා වත්මන් යුගය වන විට නිවෙසේ ආරක්ෂකයෙකු සේම සුරතලෙකු වශයෙන්ද ආරක්ෂක අංශවලට සම්බන්ධ වී විවිධ අපරාධ පුපුර
මදු හා උඟුල් අටවා වන සතුන් දඩයම් කර ගැනීමට මෙරට බහුලව සිදුවෙන ක්රියාදාමකි. මෙරට බොහෝ වනාන්තර ආශ්රිතව වන සතුන් දඩයම් කර ගැනීම ඉලක්ක කර ගනිමින් මෙසේ මද
සන්නිවේදන පහසුකම් නැති කුප්පි ලාම්පුවෙන් එළිය දකින මහ කැලේ මැද කඳු මුදුනේ ජීවත්වෙන මිනිසුන් හමුවීමට පසුගියදා මහනුවර මහ දිසාපති චන්දන තෙන්නකෝන් මහතා
සාමාන්ය ව්යවහාරයේදී අපි අප්රේල්, මැයි මාසවල පතිත වන වර්ෂා සහිත කාලගුණයට බක්මහ අකුණු යයි කියමු. එම කාලයේදී පතිත වන අධික වර්ෂාපතනයත් සමග විදුලි කෙටීම
එක් දහස් නවසිය හැට අටේ සරසවි සම්මාන උළෙලේ අවසාන වටය සඳහා චිත්රපට දෙකක් නම්කර තිබුණි. එයින් එකක් වූයේ හැටේ දශකයේ ජනප්රියත්වයට පත්වූ ලේඛකයකු වන කරුණාස
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
නගරයක් මැද විෂ දුමට බිලි වූ එකම පවුලේ කාන්තාවෝ