සාමය ගොඩනැගීමේදී තරුණ සහභාගීත්වය ඉතා වැදගත් යැයි එක්සත් ජාතීන්ගේ මහ ලේකම්වරයාගේ තරුණ නියෝජිතවරිය වන ජයත්මා වික්රමනායක මෙනෙවිය අද (14) ප්රකාශ කළාය.
දේශපාලනයේදී මෙන්ම අනෙකුත් අංශවලදී ද තරුණ සහභාගීත්වය අත්යවශ්ය සහ වැදගත් කරුණක් බව පෙන්වාදුන් ඇය තරුණ තරුණියන්ට අවස්ථා උදා කිරීමේ වැදගත්කමද පෙන්වා දුන්නාය.
“තරුණ ස්ථානීයකරණය 2030 එක්සත් ජාතීන්ගේ යෞවන උපායමාර්ගය” යන මාතෘකාව යටතේ කොළඹදී පැවැති සංවාදයකට එක්වෙමින් ඇය එම කරුණු සඳහන් කළාය.
‘ආදිල් බාකීර් මාකර්’ පදනම මෙම සංවාදය සංවිධානය කර තිබිණි.
එක්සත් ජාතීන්ගේ යෞවන උපායමාර්ගය “තරුණ ස්ථානීයකරණය 2030 එක්සත් ජාතීන්ගේ යෞවන උපායමාර්ගය” නම් කර ඇත. ගෝලීයව සකසන එම උපායමාර්ගය එක්සත් ජාතීන්ගේ සාමාජික රටවල, විවිධ සමාජ, ආර්ථික හා සංස්කෘතික ප්රජාවලට ගැලපෙන අයුරින් සකස් කිරීම තරුණ ස්ථානීයකරණය යනුවෙන් නම් කර ඇත.
එක්සත් ජාතීන්ගේ මහලේකම් ඇන්තෝනියෝ ගුටරෙස් මහතාගේ තරුණ කටයුතු පිළිබඳ නියෝජිතයා වන ජයත්මා වික්රමනායක මෙනෙවිය මෙහිදි ලෝ පුරා තරුණ ප්රජාව මුහුණ දෙන කරුණු රැසක් සම්බන්ධයෙන් අදහස් දැක්වූවාය.
ශ්රී ලංකාවේ අධ්යාපන ක්ෂේත්රය සම්බන්ධයෙන් අදහස් දැක්වූ ඇය අධ්යාපනයට වෙන් කරන මුදල වර්තමානයේදී වෙන් කරන මුදලට වඩා වැඩි කළ යුතු බව පෙන්වාදුන් අතර විශ්ව විද්යාලවලට ඇතුළත් වන පිරිස සහ උසස් අධ්යාපනයට ප්රවේශ වීමට ඇති අවස්ථා වැඩි කළ යුතු බව ද කීවාය. අධ්යාපන අවස්ථා වැඩි කරන අතරවාරයේදී අධ්යාපනයේ ගුණාත්මකභාවය වැඩි කළ යුතු බව ද ඇය එහිදි පෙන්වා දුන්නාය.
තරුණයන්ගේ කුසලතා වර්ධනය, පන්ති කාමරයෙන් ඔබ්බට ගිය අධ්යාපනය හා අධ්යාපනික ක්රම සම්බන්ධයෙන් ඇය මෙහිදි අදහස් දැක්වූවාය.
බොහෝ රටවල් වර්තමානය වනවිට තරුණයන්ට අවස්ථා උදා කරමින් සිටි බව පැවැසූ ඇය ඇතැම් අවස්ථාවලදී තරුණයන්ට ලබා දෙන අවස්ථා සීමා වීම නිසා තරුණ තරුණියන් අධෛර්යට ලක්වී ඇති බවත් ඇතැම් තරුණ කොටස් වෙනස් කොට සැලකීම්වලට ගොදුරු වී ඇති බවත් පෙන්වා දුන්නාය.
තරුණයන් මුහුණ දෙන විරැකියා අර්බුදය, දරිද්රතාව, ප්රචණ්ඩත්වය, හිංසනය, අවස්ථා අහිමි වීම සම්බන්ධයෙන් ඇය මෙහිදි අදහස් පළ කළාය.
විවිධ ක්ෂේත්ර නියෝජනය කළ තරුණ තරුණියන් පිරිසක් මෙම අවස්ථාවට එක්ව සිටියහ.
055
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘සාමය ගොඩනැගීමේදී තරුණ සහභාගීත්වය වැදගත්‘‘