වෛරී ප්රහාර වහාම නැවැත්වීම සඳහා සුදුසු පියවර ගැනීමට ශ්රී ලංකාවේ සියලු ජනවාර්ගික හා ආගමික කණ්ඩායම්, ආණ්ඩුව, විපක්ෂය, සිවිල් සමාජය සහ ආරක්ෂක අංශ සහයෝගයෙන් කටයුතු කළ යුතු යැයි එක්සත් ජාතීන්ගේ විශේෂ උපදේශකයන් දෙදෙනෙක් ඒකාබද්ධ නිවේදනයක් නිකුත් කරමින් අද (14) සඳහන් කළහ.
ජනඝාතන වැළැක්වීම පිළිබඳ එක්සත් ජාතීන්ගේ විශේෂ උපදේශක ඇඩමා ඩියැන්ග් සහ ආරක්ෂාවට ඇති වගකීම පිළිබඳ එක්සත් ජාතීන්ගේ විශේෂ උපදේශිකා කැරන් ස්මිත් යන දෙදෙනා එම නිවේදනය නිකුත් කර තිබේ.
පාස්කු ඉරිදා කතෝලික දේවස්ථාන කිහිපයකට සහ කොළඹ ප්රධාන පෙළේ හෝටල් කිහිපයකට එල්ල වූ ප්රහාර සහ ඊයේ (13) ශ්රී ලංකාවේ ස්ථාන කිහිපයක සිදු කළ පහරදීම්, දශක තුනක් පැවැති අන්තර් ජනවාර්ගික සන්නද්ධ ගැටුමකින් පසුව ඉදිරියට යෑමට උත්සාහ කරන ශ්රී ලංකාව පසුපසට ඇද දමන බව ද ඔවුන් දෙදෙනා සිය නිවේදනයේ සඳහන් කර ඇත.
එම ප්රචණ්ඩත්වය වැළැක්වීමට පියවර නොගතහොත් එම ප්රචණ්ඩත්වය උග්ර අතට හැරෙනු ඇතැයි ද එහි දැක්වේ.
රටේ ජනතාව අතර වෛරය පැතිර නොයන බව තහවුරු කිරීම සඳහාත් එවැනි ප්රචණ්ඩකාරී සහ වෛරී ප්රහාර නොඉවසන බව තහවුරු කිරීම සඳහාත් ශ්රී ලංකා රජය ක්රියාවෙන් උදාහරණ සැපයිය යුතු යැයි ද එහි සඳහන් වේ.
ආගමික හිංසනය සහ ප්රචණ්ඩත්වය නැවැත්වීම සඳහා ජාතික මට්ටමින් සහ ප්රාදේශීය මට්ටමින් පියවර ගත යුතු බවද එක්සත් ජාතීන්ගේ විශේෂ උපදේශකයන් දෙදෙනා ඔවුන්ගේ නිවේදනයේ සඳහන් කර ඇත.
රට තුළ අන්තර් ආගමික සහජීවනය හා සමඟිය ඇති කිරීමට රජයට පූර්ණ සහයෝගය දීමට සූදානම් යැයි ද ඔවුන් දෙදෙනා සිය ඒකාබද්ධ නිවේදනයේ සඳහන් කර තිබේ.
පාස්කු ඉරිදා (අප්රේල් 21) විශේෂයෙන්ම ක්රිස්තියානි ප්රජාවද, ඉන් පසුව මැයි (13) වැනිදා මුස්ලිම් ප්රජාවද ඉලක්ක කරගනිමින් ප්රහාර එල්ල වීම ආසියානු කලාපයේ දක්නට තිබෙන අන්තවාදී සහ ජාතිවාදී කණ්ඩායම්වල බලපෑම ශ්රී ලංකාව තුළ වැඩිවෙමින් පවතින බව පෙන්නුම් කරන්නේ යැයි ද එම තත්ත්වය මත සුළු ආගමික කණ්ඩායම් අවදානමේ හෙළන බවත් ඔවුහු සඳහන් කරති.
“ශ්රී ලංකාව බහුත්ව සමාජයක්. ශ්රී ලාංකිකයකු වීමට නම් බෞද්ධයකු, හින්දු බැතිමතකු, කිතුණුවකු, මුස්ලාමනුවකු විය යුතුයි. මේ සෑම ජන ප්රජාවකටම ඔවුන්ගේ අනන්යතාවට , නිදහසේ ඔවුන්ගේ ආගමික කටයුතුවල නිරත වීමට, ශ්රී ලංකාව තුළ සාමයෙන් සහ ආරක්ෂාවෙන් ජීවත්වීමට වගේම රටේ ආණ්ඩුක්රම ව්යවස්ථාවෙන් හඳුනාගැනීමට සහ පිළිගැනීමට ලක්වීමට අයිතියක් සහ සූදානමක් තිබේ. අනෙකාට ගරු කරන්නැයි අපි සියලු ශ්රී ලාංකිකයන්ගෙන් ඉල්ලා සිටින්නෙමු” යැයි ද එම නිවේදනයේ තවදුරටත් සඳහන් වේ.
055
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘වෛරී ප්රහාර නැවැත්වීම සියලුදෙනා සහයෝගයෙන් කටයුතු කළ යුතුයි‘‘