(මොහොමඩ් ආසික්)
එක්සත් ජාතික පක්ෂයේ ඇතැම් පිරිස් ඉදිරි දින පහ හය තුළ මඩ ව්යාපාරයක් ක්රියාත්මක කර ඒවා මාධ්ය හරහා මුදා හැරීමට පියවර ගෙන ඇති බව දැන ගන්නට ලැබී ඇති බව මහනුවර දිස්ත්රික් පාර්ලිමේන්තු මන්ත්රී සහ ජනාධිපති ධූර අපේක්ෂක ගෝඨාභය රාජපක්ෂ මහතාගේ මාධ්ය ප්රකාශක කෙහෙළිය රඹුක්වැල්ල මහතා කීය.
අද (08) වැනිදා මැණික්හින්න ශ්රී ලංකා පොදු ජන පෙරමුණ ප්රධාන කාර්යාලයේදී පැවැති මාධ්ය හමුවකදී කෙහෙළිය රඹුක්වැල්ල මහතා මේ බව පැවසීය.
මෙහිදී තව දුරටත් අදහස් දැක්වූ කෙහෙළිය රඹුක්වැල්ල මහතා මෙසේද කීය.
‘‘අපට තියෙන ආරංචි අනුව ප්රබල අමාත්යවරයෙකු තවත් කීහිපදෙනෙක් සම්බන්ධ කරගෙන මඩ ගැසීමේ ව්යාපාරය ආරම්භ කරන්න බලාපොරොත්තු වෙනවා කියලා ආරංචි වෙලා තියෙනවා. මේ වඩ ව්යාපාරය මීළඟට එන දින පහ හය තුළ ඉතා ප්රබලව සමාජ මාධ්ය හරහා සහ අනෙකුත් මාධ්ය හරහා ඔවුන් ක්රියාත්මක කරන්න බලාපොරොත්තු වෙනවා. මඩ ව්යාපාරයක් දේශපාලන ව්යාපාරයකට අවශ්ය වෙන්නේ ඇයි කියන ප්රශ්නයට රටේ ජනතාව උත්තරයක් හොයන්න ඕන .
මඩ ව්යාපාරයක් ඕන වෙන්නේ ගොඩින් ඇවිත් බැරි නිසයි. මේ වන විට ඕනම එක්සත් ජාතික පාක්ෂිකයෙකුගෙන් ඇහුවොත් කියන්නේ පණහට පණහ වගේ නේද තියෙන්නේ කියලයි.
කරට කර වගේ නේද කියලා. ඒක ඇත්ත ඔවුන්ට කියන්න බෑ ඔවුන්ගේ අපේක්ෂකයා පරාදයි කියලා. ඔවුන්ට කියන්න පුළුවන් හොඳම විදිහ තමයි කරට කර වගේ නේද කියලා.
කරට කර නේද කියල කියන්නේ අපේ එකා පරදිනවා කියලා කියන්න බැරි නිසයි. අපි නම් බොහොම් පැහැදිලිව කියනවා සියයට 57 ත් 59 ත් අතර ඡන්ද ප්රමාණයක් අර ගෙන ලක්ෂ 12 සිට 16 ක් දක්වා වැඩි ඡන්දයකින් නියත වශයෙන්ම ගෝඨාභය රාජපක්ෂ මැතිතුමා ජය ගන්නවා කියලා.
ඒ නිසා ඔවුන් මේ වන විට දැවැන්ත මඩ ව්යාපාරයක් ගෙන යමින් ඉන්නවා. සුළු ජාතීන් ඉලක්ක කර ගෙන විශාල වැඩ කොටසක් ක්රියාත්මක වෙනවා. ඒ වගේම සහරාන්ගේ බිරිද ගෙනල්ලා සහරාන් එක්ක තිබුණ සම්බන්ධකම් කියලා ප්රකාශ කරන්න සූදානම් වෙනවා. ඒ නිසා අපි ඉල්ලා සිටිනවා සජිත් ප්රේමදාස මහතාගේ කඳවුරෙන් මේ මඩින් යන වැඩපිළිවෙළ මේ රටේ ජනතාවගේ බුද්ධියට කරන අගෞරවයක්. ඒ නිසා හිතන්න එපා මඩ ප්රහාර එල්ල කරලා මේ රටේ ජනතාව මුලා කරන්න පුළුවන් කියලා. බොහොම පැහැදිලිව අපි කියනවා අපි සුදානම් ඒ මඩ ප්රචාරත් එක්ක මේ රටේ ජනතාවට මුහුණ දෙන්න .
දෙමළ සන්ධානය සම්පූර්ණයෙන්ම සජිත් ප්රේමදාස මහතාට සහාය ලබා දෙනව කියලා කිව්වා. මෙන්න තියෙනවා කොන්දේසි මාලාව .මේ කොන්දේසි මාලාව දිහා බැලුවහම යුද සමයේ මාධ්ය ප්රකාශක වෙලා හිටිය මට හරි දුකක් කණගාටුවක් ඇති වෙනවා.
රණ විරුවන් 30,000 කට වැඩිය ජීවිතය පූජා කළා. තවත් 30,000 කට ආසන්න ප්රමාණයක් අත පය අහිමි කර ගත්තා. ඒ කාලයේත් ප්රභාකරන් තුවක්කුවෙන් බලාපොරොත්තු වුණේ මේකටත් අඩුවෙන්. විශේෂයෙන් විශ්ව විද්යාල ප්රජාව ප්රකාශ කරනවා මාස තුනක් අතුලත මේවා ඉෂ්ඨ කරන්න ඕන කියලා.
ඊයේ සම්බන්ධන් මහතා පාර්ලිමේන්තුවේදී කළ කතාවේදී මහින්ද රාජපක්ෂ මැතිතුමාගේ නම කියලා මේ වැඩපිළිවෙළ කඩාකප්පල් කරන්න එපා කියලා මේක බලන කොට අපිටම පුදුම හිතෙනවා. මේ වගේ වැඩපිළිවෙළකට සජිත් ප්රේමදාස එකඟ වෙන්නේ කොහොමද කියලා මේක කිව්වහම අපිට ජාතිවාදීන් කියලා කතන්දරයක් කියයි. නමුත් අපේ ජාතිවාදය සිංහල මුස්ලිම් දෙමළ බර්ගර් මැලේ සියලු දෙනා එක්ව ජීවත් වීමයි. සංහිඳියාව කියන වචනය පාවිච්චි කළත් තමුන්නාන්සේලා සංහිඳියාව දැක්කේ නෑ.
සංහිඳියාව නරක දේවල්වලට පමණක් සීමා වුණ කාලයක් තිබුණා. මේ රට කෑලි කෑලි කඩල දෙන්න රටට අහිතකර ගිවිසුම් හදලා මේ රටේ භූමිය අවදානමකට ලක් කරන්න අපි සූදානම් නෑ.16 වනදා ඒ වැඩපිළිවෙළ පරාජය කරන්න ජනතාව බලාගෙන ඉන්නවා.
ඒ නිසා අපි නැවත ඉල්ලා සිටිනවා අපිත් එක්ක සටනට මඩින් එන්න එපා ගොඩින් එන්න. අපේ සටන බොහොම පිරිසිදු පැහැදිලි අලුත් රටක් නිර්මාණය කරන්න හොඳට තිබුණ රටකට අද වෙච්ච දෙයක් කියන සටන් පාඨය අද වලංගු වෙලා තියෙනවා. ඒකීය කියන සංකල්පය සිංහලෙන් දාල තියෙනවා සජිත්ගේ ප්රතිපත්ති ප්රකාශණයේ.
නමුත් සම්බන්ධන් මහතා පැහැදිලිවම පාර්ලිමේන්තුවේ කියනවා එක්සත් රටක් කියලා. මේ කණගාටුදායක තත්වයෙන් රට මුදවා ගන්නට අපි කටයුතු කරනවා කියන එක කියන්න ඕන යැයිද මන්ත්රීවරයා මෙහිදී කීය.
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ජාතික ආපදා සහන සේවා මධ්යස්ථානය දිස්ත්රික් ලේකම් කාර්යාලවලට රුපියල් කෝටි තිස්තුනක වියදමින් බෙදා දුන් ට්රැක්ටර් බවුසර් 191කින් 5ක් දිස්ත්රික් ලේ
පලස්තීනයට එක්සත් ජාතීන්ගේ කවුන්සිලයේ නිත්ය සාමාජිකත්වය ලබා දීම සඳහා සාමාජිකයන් විශාල පිරිසකගේ එකඟත්වයෙන් එක්සත් ජාතීන්ගේ සංවිධානය ආරක්ෂක කවුන්ස
කැනඩාවේ ඔටාවා නගරයේදී එකම පවුලේ සාමාජිකයන් පස් දෙනෙකු සහ එම පවුලේ හිතවතෙකු ඝාතනය කිරීම සම්බන්ධයෙන් චෝදනා එල්ල වී සිටින ශ්රී ලාංකික තරුණයෙකු වන ෆෙබ්
එක්සත් ජාතික පක්ෂ හිටපු පාර්ලිමේන්තු මන්ත්රී සහ හිටපු නියෝජ්ය අමාත්ය පාලිත තෙවරප්පෙරුම මහතාගේ දේහයට ජනාධිපති රනිල් වික්රමසිංහ මහතා අවසන් ගෞරව
ලංකා විදුලිබල මණ්ඩලයේ විදුලි උත්පාදනය සම්ප්රේෂණය බෙදා හැරීම සහ සැපයීමට අදාල මණ්ඩලයේ වත්කම් හා බැරකම් සංස්ථාගත කරන ලද සීමාසහිත සමාගම් සතු කරනු ලැබිය
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘එජාපයට ගොඩින් බැරි නිසා මඩ ව්යාපාරයක් පටන් අරන්‘‘