(නිමල කොඩිතුවක්කු)
පාස්කු ඉරිදා ප්රහාරය සම්බන්ධයෙන් විමර්ෂණය කිරීම සඳහා පාර්ලිමේන්තුවේ සියලූ පක්ෂ නියෝජනය වන පරිදි පාර්ලිමේන්තු තේරීම් කාරක සභාවක් පත්කළ යුතුව ඇතැයි ශ්රී ජයවර්ධනපුර විශ්ව විද්යාලයේ ජ්යෙෂ්ඨ කථිකාචාර්ය දඹර අමිල හිමියෝ කොළඹදී පැවසූහ.
මෙම ප්රහාරය සම්බන්ධ සියලූ තොරතුරු එම තේරීම් කාරක සභාව මගින් ඉදිරිපත් කිරීම පාර්ලිමේන්තුවේ වගකීම බවද උන්වහන්සේ සඳහන් කළහ.
සිවිල් සංවිධාන හා වෘත්තීය සමිති එකමුතුව රාජගිරිය පිහිටි පිහිටි සාධාරණ සමාජයක් සඳහා වූ ජාතික ව්යාපාරයේ කාර්යාලයේ අද(9) පැවති මාධ්ය හුමුවකට එක්වෙමින් උන්වහන්සේ මේ බව පැවැසූහ.
එහිදී වැඩිදුරටත් අදහස් දැක්වූ දඹර අමිල හිමියෝ මෙසේද කීහ.
“පාස්කු ප්රහාරයට හවුල් වූ කණ්ඩායම් දෙකක් සිටින බවට ඉතාම පැහැදිලියි. එක කණ්ඩායමක් මේ ඉස්ලාමීය අන්තවාදී ත්රස්තවාදයට සරු පසක් ලංකාවේ හැදීමට දිගින් දිගටම කටයුතු කරපු කණ්ඩායමයි. අනික් කණ්ඩායම මේ මරාගෙන මැරෙන බෝම්බ කණ්ඩායමයි.
2005, 2006 වසරේදි මේ අන්තවාදි කණ්ඩායම් වලට අවශ්ය යටිතල පහසුකම් සැපයීමට එවක රජය වූ මහින්ද රාජපක්ෂ රජය කටයුතු කරලා තියෙනවා. මේ සමාගම් පිහිටුවීමට අවශ්ය මූල්ය ධනය, පහසුකම්, ලියාපදිංචි කිරීමට අවශ්ය පහසුකම් එම රජය සපයලා තියෙනවා. ලේඛන මගින් එය තහවුරු වී තිබෙනවා. ඒ වගේම 2013 වසරේදී රාජපක්ෂ රජය ෂරියා නීතියට අනුකූලව මද්රසා පාසැල් ආරම්භ කිරීමට නිල වශයෙන් අවසර දෙනවා. ඒ වගේම මඩකලපුවේ ෂරියා විශ්වවිද්යාලය ඉදිකිරීමට ඉඩම් ලබා දෙනවා. ඒ අනුව හරි පැහැදිලියි මේවා ආරම්භ කිරීම පිටුපස කවුද හිටියේ කියලා.
ඒ වගේම බුද්ධි අංශවලට ගෙවන ආරක්ෂක අමාත්යාංශයට වෙන් කළ මුදල් ගිණුමෙන් අබ්දුල් රාසික්ට සහ සහරාන් කියන මේ මේ දෙන්නා ඇතුළු 26කට වැටුප් ගෙවලා තියෙනවා.
2015ට කලින් බෝදුබල සේනාව, රාවණා බලය ආදී සංවිධාන ඇතිවුණා. ගෝඨාභය රාජපක්ෂ ඒ සංවිධාන පිටුපස හිටියා කියන එක ඉහළින් කවුරුත් පිළිගත්ත දෙයක්. මහින්ද රාජපක්ෂ රජය තිබියදී මේ සංවිධානවල හාමුදුරුවෝ ප්රාඩෝ වලින් ඇවිත් අමාත්යංශවලට කඩා පැන්නා. මාධ්ය හමුවලට පැනලා තර්ජනය කළා. මේ අය මුස්ලිම් සහ සිංහල සමාජය අතර තිබූ මිත්රත්වය සම්පූර්ණයෙන්ම නැති කරලා සන්නද්ධ අරගලයකට රට ගෙන එන්න කටයුතු කරාවි කියලා මම ඒ දිනවල පැවැසුවා.
මේ ඉස්ලාමීය අන්තවාදී ත්රස්තවාදය නැතිකිරීමට ගෝඨාභය රාජපක්ෂ මැතිතුමායි නියම උත්තරේ කියලා සමහර හාමුදුරුවොත් හීන දකිනවා. ඔහුත් ඉස්ලාමීය ත්රස්තවාදය නැතිකිරීමට ඉදිරි ජනාධිපතිවරනයට ඉදිරිපත් වෙනවා කියලා තියෙනවා. නමුත් ගෝඨාභය රාජපක්ෂ එම ත්රස්තවාදයේ කොටස්කරුවෙක්.
2015 ජනවාරි 08 මෛත්රිපාල සිරිසේන මහතා ජනාධිපතිවරයා බවට පත්වුණාට පස්සේ ඉස්ලාමීය අන්තවාදීන්ට සරුපස හැදීමේ දෙවන කොටස ඔහු පටන් ගත්තා. ආරක්ෂක මණ්ඩලය සම්පූර්ණයෙන්ම හෑල්ලූවට ලක් කළා. ආරක්ෂක මණ්ඩලයට අගමැති, රාජ්ය ඇමති, පොලිස්පති කැදෙව්වේ නැතිව ඒ වෙනුවට විපක්ෂයේ මන්ත්රීවරුන් කැදෙව්වා.
මහින්ද රාජපක්ෂ මහතා පසුගියදා හිටපු ආරක්ෂක ප්රධානින් කැඳවලා සකස් කළ වාර්තාවක් ජනාධිපතිවරයාට බාර දුන්නා. ෆීල්ඩ් මාර්ෂල් සරත් ෆොන්සේකා මහතාගෙන් උපදෙස් ගන්නේ නැතුව ඔහු යටතේ හිටපු නිලධාරීන්ගෙන් උපදෙස් අරගෙන ජනාධිපතිට භාරදෙනවා. මේ සාකචඡාවට ජනාධිපති ලේකම්වත් සම්බන්ධ කරගන්නේ නැහැ.
මේ සිද්දිය ගැන සෙවීමට ජනාධිපති කොමිෂන් සභාවක් පත් කලා. ඒ කොමිෂන් සභා වාර්තාව වහාම එළියට දාන්න කියලා අපි ජනාධිපතිට කියනවා. මේ ඔක්කෝටම වඩා පාර්ලිමේන්තු තේරීම් කමිටුවක් පත් කිරීම අපිට වැදගත්. මේ සිද්ධියේ අග - මුල ගිය හොයලා රට දැනුවත් කරන්න කියලා අපි ඉල්ලා සිටිනවා” යැයිද උන්වහන්සේ එහිදී පැවැසූහ.
(ඡායාරූප - ඉෂාන් සංජීව)
වතුකම්කරුවන්ගේ වැටුප ඉහල දැමීම පිළිබඳව රජය නිශ්චිත තීරණයක සිටින බව ජනාධිපති වෘත්තීය සමිති අධ්යක්ෂ ජනරාල් සමන් රත්නප්රිය මහතා පැවසීය.
ශ්රී ලංකා නිදහස් පක්ෂයේ වැඩ බලන සභාපති , වැඩ බලන ප්රධාන ලේකම් ලෙස පසුගිය 21 වෙනි දින තේරී පත් වූ අමාත්ය විජයදාස රාජපක්ෂ මහතාට හා සාරථි දුෂ්මන්ත මහත්ව
කොරියාවේ රැකියා ලබා දෙන බව පවසා ලක්ෂ 30 ක පමණ මුදලක් වංචා කළා යැයි චෝදනා එල්ල වී තිබෙන දමිතා අබේරත්න සහ ඇයගේ සැමියාවන ලෙන්ලි ජොන්සන් එක් අයෙකුට රුපියල් ල
ඉරානය සමඟ මීටත් වඩා කිට්ටු සම්බන්ධතා ඇති කරගෙන ඉදිරියට යන බව ජනාධිපති රනිල් වික්රමසිංහ මහතා උමා ඔය ව්යාපෘතිය විවෘත කිරීමේ අවස්ථාවට සහභාගී වෙමින් ප
පාස්කු ප්රහාරයේ ඇත්ත නැත්ත හෙළිදරව් කර ගැනීම සඳහා සමගි ජන බලවේග රජයක් යටතේ විශේෂ විමර්ශන කොමිෂන් සභාවක් ස්ථාපිත කරන බව විපක්ෂ නායක සජිත් ප්රේමදාස ම
ජාවාරම්කරුවන් පිරිසක් විශ්රාමික හමුදා නිලධාරීන් පිරිසක් රුසියාවට යුක්රේනයට යවා හමුදා සේවයට බඳවාගෙන ඇති බවට ලැබී ඇති තොරතුරක් සම්බන්ධයෙන් පොලිසිය
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘සියලු පක්ෂ නියෝජනය වන තේරීම් කාරක කමිටුවක් පත්කළයුතුයි’