(නිමල කොඩිතුවක්කු)
තමන් අධිකරණ අමාත්යවරයා ලෙස තවුහිත් ජමාන් සංවිධානය පිළිබඳ 2016 වසරේදී පාර්ලිමේන්තුවේදී හෙළි කළ අවස්ථාවේදී එය සමච්චලයට ලක්කරමින් තමන් ජාතිවාදියෙකු යැයි හංවඩු ගැසූ කැබිනට් ඇමතිවරුන් මෙම බෝම්බ ප්රහාරයේ වගකීම බාරගෙන වන්දි ලබා දිය යුතු බව පාර්ලිමේන්තු මන්ත්රී ආචාර්ය විජයදාස රාජපක්ෂ මහතා කොළඹදී අද(23) පැවැසීය.
සියලුම ජීවිත බේරා ගැනීමට හැකියාව තිබියදී රජයේ වරදින් මෙම ඛේදවාචකය සිදුවූ බව පෙන්වා දුන් මන්ත්රීවරයා ත්රස්තවාදය මැඩ පැවැත්වීම සඳහා වත්මන් රජයට කිසිදු වැඩපිළිවෙළක් නොමැති බවද සඳහන් කළේය.
නාවල විජයබා මාවතේ පිහිටි ඒ මහතාගේ නිවසේ පැවති මාධ්ය හමුවක් පවත්වමින් ඔහු මේ බව පැවැසීය.
එහිදී වැඩිදුරටත් අදහස් දැක්වූ පාර්ලිමේන්තු මන්ත්රී ආචාර්ය විජයදාස රාජපක්ෂ මහතා මෙසේද කීය.
‘‘දිවයිනේ විවිධ ප්රදේශවල සිදුවූ ම්ලේච්ඡ බෝම්බ ප්රහාර පිළිබඳ ශෝකවීමට වැඩිය දහස් ගුණයකින් අපි සියලුම දෙනා ශෝක විය යුතුව තිබෙනවා. එයට හේතුව මේ සියලූ ජීවිත බේරා ගැනීමට හැකියාව තිබියදී රජයේ වරදින් මේ වගේ ඛේදවාචකයක් අපේ රටේ සිදුවීමයි.
ලෝකයේ දුර්වලම පාලනයක් තියෙන රටක වුනත් මෙවැනි ඛේදවාදකයක් සිද්ධ වෙයි කියලා මම විශ්වාස කරන්නේ නැහැ. මෙම ප්රහාරය වළක්වා ගැනීම සඳහා ප්රමාණවත් කාල වේලාවක් නීතිය ක්රියාත්මක කරන අංශවලට සහ රජයට තිබුණා.
තවුහිත් ජමාද් කියන සංවිධානයට අයත් ත්රස්තවාදි කල්ලියක් අපේ රටේ ක්රියාත්මක වන බවට 2016 වසරේ නොවැම්බර් මස 18 වනදා මම පාර්ලිමේන්තුවේදි හෙළිදරවු කලා. මේ රටේ ප්රභූ පවුල් විදියට ඉන්න මුස්ලිම් පවුල් 04ක සාමාජිකයන් මේකට සම්බන්ධයි කියළා මම ප්රකාශ කළා.
සමහර මුස්ලිම් විද්යාලවලටත් පල්ලිවලටත් අන්තවාදය දේශනා කරන්න ඇෆ්ගනිස්තානයෙන් පකිස්ථානයෙන් සංචාරක වීසා මත මිනිස්සු එනවා කියලා මම එදා පැවැසුවා.
එදා ආණ්ඩුවේ සමහර ඇමතිවරුන් මට වටකරගෙන ප්රහාර එල්ල කලා. ආණ්ඩුවේ මාධ්ය ප්රකාශක රාජිත සේනාරත්න පහුවෙනිදා මාධ්ය සාකච්ඡාවක් පවත්වලා එය අසත්යයක් බව පැවැසුවා. විජයදාස රාජපක්ෂ පාර්ලිමේන්තුවේ කිවුවේ සම්පූර්ණ බොරුවක් කියලා එක්සත් ජාතික පක්ෂයේ සමහර ඇමතිවරු මහනායක හිමිවරු බැහැ දැකලා කිවුවා.
එහෙම කතා කරපු ඇමතිවරුන් අද මේ මියගිය ජීවිතවලත් විනාශ වෙච්ච දේවස්ථාන සම්බන්ධයෙනුත් වගකීම බාර ගත යුතුයි. ඒ අයට වන්දි ගෙවිය යුතුයි.
මේ ජඩ දේශපාලන සංස්කෘතිය ඇතුළේ අද අපිට ඇත්ත කතා කරන්න බැහැ. එදා මුජුබර් රහුමාන්, හිස්බුල්ලා වගේ මන්ත්රීවරු මම තමයි ජාතිවාදය හදන්නේ කියලා කිවුවා. මම අද කියනවා ඒ මුජුබර්, හිස්බුල්ලා වගේ අය මේ මිනීමැරුම්වලට වගකිව යුතුයි කියලා. මේ ත්රාස්තවාදීන් ආරක්ෂා කළේ ඒ අයයි’’යැයිද ඔහු එහිදී සඳහන් කළේය.
(ඡායාරූප - ගයාන් ලසන්ත)
මින්නේරිය විදුලිබල මණ්ඩලය ආසන්නයේ අද රාත්රියේ පුද්ගලයන් තිදෙනකු අතර ඇති වූ ගැටුමක් දුරදිග යාමෙන් තියුණු ආයුධ පහරකින් එක්දරු පියකු ජීවිතක්ෂයට පත්ව
ජනාධිපතිවරණ උණුසුම දිනෙන් දින වැඩිවෙමින් පවතිද්දී එම මැතිවරණය සඳහා ඉදිරිපත්වීමට තීරණය කර ඇති අපේක්ෂකයන් සංඛ්යාවද 7 ක් දක්වා ඉහළ ගොස් ඇත.
දුම්රිය සාමාන්යාධිකාරිවරයාගේ මරණය සම්බන්ධයෙන් සාධාරණ සැකයක් පවතින බැවින් හදිසි මරණ පරීක්ෂණයක් පමණක් පවත්වා අවසන් කිරීම ප්රමාණවත් නැතැයි අනුරා
ජාතික ජන බලවේගය සහ සමගි ජන බලවේගය අතර පැවැත්වීමට නියමිත විවාදය නීති විද්යාලයේ පැවැත්වීමට සිය සංගමය, පක්ෂ දෙකේ නායකයන්ට යෝජනා කර ඇති බව ශ්රී ලංකා නීත
අධ්යාපනය දේශපාලන පාපන්දුවක් බවට පත් කර ගතහොත් අවසානයේ පරාජයට පත් වන්නේ රට බැවින් පෞද්ගලික මත පසෙකලා සියලු දෙනා එක්ව සාකච්ඡා කර රටට ඔබින හොඳම අධ්යාප
උමාඔය භූගත විදුලි බලාගාරයේ විදුලි ජනන යන්ත්ර දෙක එහි ඉදිකිරීම් ක්රියාත්මක වන කාලයේ සේවය කළ සුළු සේවිකාවන් දෙදෙනකුගේ සේවය ඇගයීම වෙනුවෙන් ‘දසුනි’ සහ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘ඇමතිවරුන් බෝම්බ ප්රහාරයේ වගකීම බාරගත යුතුයි’
Silva Tuesday, 23 April 2019 11:54 AM
මේ හලෝ, අන්න ඔයාලගේ ජනාධිපතතුමා හිස්බුල්ලා නැගෙනහිර ආණ්ඩුකාරයා කරලා, අසාත් සාලි බස්නාහිර ආණ්ඩුකාරයා කරලා. දැන් ඔයා බයිලා ගැහුවට වැඩක් නැහැ. ඔයත් හිටියේ ඔය ජනාධිපතිත් එක්කයි, විශේෂයෙන්ම ඔයා අද හිටියේ මේ ආණ්ඩුවේ ඇමතිකමක නම් අද ඔය වගේ පොර ටෝක් දෙන්නෙත් නැහැ. ඔයා කෑ ගහන්නේ ඇමැතිකම ගලවලා පක්ෂයේනුත් එලෙව්වට තියෙන තරහට මිසක්, රට ගැන හෝ ඒ බෝම්බවලට ජීවිත අහිමිවුණු මිනිස්සු ගැන දුකකට නොවන බව ඔයාගේ ඉතිහාසය දන්නා ඕන කෙනෙක් දන්නවා.
thilanka Tuesday, 23 April 2019 11:56 AM
ඇත්ත තිත්ත වුණු බලධාරීන් නිසා තිත්ත ඇත්තට ජීවිත බිලිවෙලා. අඩු තරමේ ඒ ඇත්ත කතා කළාට ඔබට ස්තුතියි.
amila Tuesday, 23 April 2019 12:30 PM
එතකොට ඔය රාජිත ඇමතිතුමා ඊයේ මාධ්ය සාකච්ඡාවක් තියලා කිව්වේ අපි කිසිදෙයක් දන්නේ නැහැ.. අපිට මුකුත් කරගන්න බැහැ අපි අසරණයි කියලා.
jagath Tuesday, 23 April 2019 12:43 PM
බදුර්දීන් මේක පිටිපස්සේ ඉන්නවා.
Don Tuesday, 23 April 2019 12:44 PM
මෙයාට පාර්ලිමේන්තු මන්ත්රීකම දීලා තියෙන්නේ UNF එකෙන් රජයේ අමතිවරුන්ට විරුද්ධව ප්රකාශ කරන්නද?
jagath Tuesday, 23 April 2019 01:12 PM
බදුර්දීන් මේක පිටිපස්සේ ඉන්නවා.
බුද්ධිමා මුතුතන්තිරිගේ Tuesday, 23 April 2019 01:15 PM
එක් පාර්ශ්වයක් නොවේ මේ ප්රහාරය පිළිබද දැන සිටි සියලුදෙනා මේ ප්රහාරයේ වගකීමට බාරගත යුතුයි..
Lusena Tuesday, 23 April 2019 01:18 PM
ඔබගේ අද පාර්ලිමේන්තු කතාවේදී මෙම වැදගත් ප්රකාශය ඉදිරිපත් කරද්දී “තක්කඩියා” ලෙස ඔබට නිගා කළ “මහජන නියෝජිතයා“ කව්ද කියා රටම දැනගත යුතුයි.
Pradeep Tuesday, 23 April 2019 01:24 PM
ඔබට අපේ ආචාරය.. අවාසනාවකට පාර්ලිමේන්තුවේ ඉන්න බොහොමයක් අයට මේ දේවල් තේරුම් ගන්න තරම් බුද්ධි වර්ධනයක් නෑ. විශේෂයෙන්ම ඔය කියන මාධ්ය ප්රකාශකට.
Bamunuarachchi Tuesday, 23 April 2019 02:16 PM
වන්දි ගෙවන්න කැමතිවේවි. ඒ අයගේ සල්ලි නොවෙයිනේ.
rasika Tuesday, 23 April 2019 03:11 PM
ඉතින් ඇයි ඔවුන්ව අත්අඩංගුවට ගන්නේ නැත්තේ.. මෙච්චර සාධාරන සාක්ෂි තියෙද්දී ඇයි ඔවුන්ගෙන් ප්රශ්න කරන්නේ නැත්තේ... මේක මේ වෙලාවේම නැතිකරලා දාන්න ඕනේ.. ආයේ හුරතල් කරන්නේ නැතුව..
ලීල් ධර්මපිය Tuesday, 23 April 2019 03:22 PM
ඔබගේ අතීතය පෙන්වා දීම ගැන මම ගරු කරමි. මම කිසිදු දේශපාලකයෙකුට කැමති අයෙකු නොවේ. මන්ද හැම දේශපාලකයා පසු පස කලු සුදු චරිත දෙකකි. තම ආණ්ඩු වල පැවැත්ම සදහා ඡන්ද හිගා කන දේශපාලකයෝ බෙහෙවින් සිටින රටක ඉපදීම අවාසනාවකි. මේ දේශපාලකයන්ට ජනතාවගේ අකමැත්ත ඉතා පැහැදිලිව පෙන්නා දුන්නත් බලයට කෑදර මොවූන් බලය අයුතු අන්දමින් බලය ලබාගෙන අපගේ මව්බිම විනාශය කරා රැගෙන යයි. ජනතාව තීරණයක් ගත යුතුය.
janahitha Wednesday, 24 April 2019 02:55 AM
වගකීම් භාර ගැනීමට ඒ අය රටේ ඉන්න එපාය. තව ටික කලකින් ඒවි වගකීම් භාර ගැනීමට ආයාචනය කිරීමට. එදාට හොඳවයින් දෙන්න ජනතාව පෙළ ගැසී සිටිනවා නොඅනුමානයි.
Buddhika Wijetunge - Kandy Wednesday, 24 April 2019 09:28 AM
පාන්කඩ ආණ්ඩුව, බැරි වුණා රැකගන්න රටේ සිවිල් ජනතාව ඔවුන් ටික රැකුණා මිසක...