(නිමල කොඩිතුවක්කු)
දිවයින පුරා වයස අවුරුදු 18ට අඩු දරුවන් 6,100ක් හෙරොයින් විෂ මත්ද්රව්ය භාවිතය සඳහා ඇබ්බැහි වී ඇතැයි මත්ද්රව්ය පිළිබඳ ජනාධිපති කාර්ය සාධන බළකාය, අන්තරායකර ජාතික ඖෂධ පාලක මණ්ඩලය සහ පොලිසිය ඒකාබද්ධව ජනාධිපතිවරයා වෙත බාරදුන් සමීක්ෂණ වාර්තාවක් මගින් දැක්වේ.
එම වාර්තාවට අනුව වයස අවුරුදු 18ට අඩු දරුවන් 115,000 ආසන්න පිරිසක් විෂ මත්ද්රව්යවලට ඇබ්බැහි වී සිටින බවත් අනාවරණය වේ.
මෙම සමීක්ෂණ වාර්තාව මගින් දක්වා ඇති කරුණූ අනුව එම පිරිස පුනරුත්ථාපනය වෙනුවෙන් පළාත් මට්ටමින් විශේෂ වැඩසටහනක් කි්රයාවට නංවන ලෙස ජනාධිපති මෛත්රීපාල සිරිසේන මහතා මත්ද්රව්යවලට ඇබ්බැහිවූවන් පුනරුත්ථාපනය කිරීමේ ජාතික අධිකාරිය වෙත උපදෙස් දී තිබේ.
දිවයින පුරා පුද්ගලයන් ලක්ෂයකට ආසන්න පිරිසක් දිනකයට හොරොයින් මත්ද්රව්ය සොයා යන බව ද මෙම සමීක්ෂණය මගින් සොයා ගෙන තිබේ.
එම පිරිස අතරින් 1,500ක් පමණ කාන්තාවන් වන අතර පිරිමි පුද්ගලයන් සංඛ්යාව 85,000කට ආසන්න වේ.
තවද ලක්ෂ තුනකට ආසන්න පිරිසක් ගංජා භාවිතා කරන බවට මෙම සමීක්ෂණයේ දී අනාවරණය වී ඇත. ඒ අතර කාන්තාවන් 1,500ක් සිටී.
ජනාධිපතිවරයාගේ මඟපෙන්වීමෙන් දිවයින පුරා කි්රයාත්මක මත්ද්රව්ය නිවාරණ ජාතික වැඩසටහන යටතේ සිදුකළ විශේෂ මෙහෙයුම්වලදී ඉකුත් මාස 6 තුළ විෂ මත්ද්රව්ය සම්බන්ධයෙන් සැකකරුවෝ 40,846 ක් අත්අඩංගුවට ගනිමින් නීතිවිරෝධී මත්ද්රව්ය කිලෝග්රෑම් 3500 කට අධික ප්රමාණයක් අත්අඩංගුවට ගෙන ඇති බව ජනාධිපති මාධ්ය අංශය සඳහන් කරයි.
ඒ අතර හෙරොයින් කිලෝ ග්රෑම් 1029 ග්රෑම් 997 මිලි ග්රෑම් 170ක ප්රමාණයක් සමඟ සැකකරුවන් 20309 ක් අත්අඩංගුවට ගෙන ඇත.
ගංජා කිලෝ ග්රෑම් 2378 ග්රෑම් 950 මිලි ග්රෑම් 381 ක් සමඟ අත්අඩංගුවට ගෙන ඇති පිරිස 20,015 කි.
මෙම අත්අඩංගුවට ගැනීම් තවදුරටත් පුළුල් කරමින් දෛනිකව පවතින ඉල්ලූම අවම කර ඊට ඇබ්බැහිවුවන් පුනරුත්ථාපනය වෙනුවෙන් ද විශේෂ වැඩසටහන් කි්රයාත්මක බවත් ජනාධිපති මාධ්ය අංශය පවසයි.
ඒ වෙනුවෙන් විශේෂ අන්තර් පාලන ඒකකයක් ද ජනාධිපතිතුමාගේ උපදෙස් පරිදි පිහිටුවීමට කටයුතු කර ඇත.
ඒ අතරතුර රට තුළට මත්ද්රව්ය ගෙන එන සියලූ මාර්ග පිළිබඳව ද විශේෂ මෙහෙයුම් ආරම්භ කර තිබේ.
මේ අතර මත්ද්රව්ය මර්දනය සඳහා මේ වන විට ගෙන යන පුළුල් වැඩපිළිවෙළ කාර්යක්ෂම කළ හැකි අන්දමින් සහ ඊට ගැළපෙන අයුරින් සුරාබදු නීති ද සංශෝධනය කර ලබන සතිය වන විට කැබිනට් මණ්ඩලයට ඉදිරිපත් කරන ලෙස ජනාධිපති අදාළ අංශවලට උපදෙස් දී ඇති බවත් ජනාධිපති මාධ්ය අංශය සඳහන් කරයි.
සුරාබදු රෙගුලාසී කඩකරන සුරාබදු බලපත් හිමියන්ට එරෙහි නීති දැඩි කිරීමට ද ජනාධිපති සුරාබදු දෙපාර්තමේන්තුව වෙත උපදෙස් නිකුත් කර ඇත.
පළාත් වශයෙන් විෂ මත්ද්රව්ය සඳහා වැඩිම පිරිසක් ඇබ්බැහි වී ඇත්තේ බස්නාහිර පළාතෙන් බව සොයා ගෙන තිබෙන අතර, දකුණ, වයඹ, මධ්යම සහ උතුරු පළාතෙන් ද විශාල ප්රමාණයක් වාර්තා වෙයි.
එම පළාත් ආශි්රතව විශේෂ පුනරුත්ථාපන වැඩසටහන් කි්රයාත්මක කිරීමටත්, මීට අමතරව සමස්ත දිවයිනම ආවරණය වන පරිදි මත්ද්රව්ය භාවිතයේ අහිතකර බලපෑම් පිළිබඳ දැනුවත් කිරීම් පාසල්, දහම් පාසල්, වැඩබිම් සහ ස්වේච්ඡා සංවිධාන ආශි්රතව කි්රයාත්මක කිරීමටත් ජනාධිපතිතුමාගේ උපදෙස් පරිදි කටයුතු කරමින් පවතී.
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ජාතික ආපදා සහන සේවා මධ්යස්ථානය දිස්ත්රික් ලේකම් කාර්යාලවලට රුපියල් කෝටි තිස්තුනක වියදමින් බෙදා දුන් ට්රැක්ටර් බවුසර් 191කින් 5ක් දිස්ත්රික් ලේ
පලස්තීනයට එක්සත් ජාතීන්ගේ කවුන්සිලයේ නිත්ය සාමාජිකත්වය ලබා දීම සඳහා සාමාජිකයන් විශාල පිරිසකගේ එකඟත්වයෙන් එක්සත් ජාතීන්ගේ සංවිධානය ආරක්ෂක කවුන්ස
කැනඩාවේ ඔටාවා නගරයේදී එකම පවුලේ සාමාජිකයන් පස් දෙනෙකු සහ එම පවුලේ හිතවතෙකු ඝාතනය කිරීම සම්බන්ධයෙන් චෝදනා එල්ල වී සිටින ශ්රී ලාංකික තරුණයෙකු වන ෆෙබ්
එක්සත් ජාතික පක්ෂ හිටපු පාර්ලිමේන්තු මන්ත්රී සහ හිටපු නියෝජ්ය අමාත්ය පාලිත තෙවරප්පෙරුම මහතාගේ දේහයට ජනාධිපති රනිල් වික්රමසිංහ මහතා අවසන් ගෞරව
ලංකා විදුලිබල මණ්ඩලයේ විදුලි උත්පාදනය සම්ප්රේෂණය බෙදා හැරීම සහ සැපයීමට අදාල මණ්ඩලයේ වත්කම් හා බැරකම් සංස්ථාගත කරන ලද සීමාසහිත සමාගම් සතු කරනු ලැබිය
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘අවුරුදු 18 අඩු දරුවන් 6100 ක් හෙරොයින් වලට පුරුදු වෙලා’