ජපානයට බලපෑ හැගිබිස් සුළි කුණාටුවෙන් පුද්ගලයන් 23 දෙනෙකු මිය ගොස් 16දෙනෙකු අතුරුදන්වී ඇතැයි වාර්තා වේ.
මේ හේතුවෙන් ජපානයේ ප්රධාන දිවයින වන හොන්ෂු දිවයින සම්පූර්ණයෙන් විනාශ වී ඇතැයිද, නිවාස 100කට වැඩියෙන් හානි වී ඇතැයිද, ගංගා පිටාර ගැලීමෙන් හා වේලි කැඩීයාමෙන් ගංවතුර ඇතිවීම සහ නායයාම හේතුවෙන් ජනජීවිතය අඩාල වී ඇතැයිද පැවසේ.
චිකුමා ගංගාවේ වේලි කැඩී එහි ජලය ඒ අවට නිවාස වෙත ගලායාමෙන් නිවාසවල දෙවන මහල දක්වා ජල මට්ටම ඉහළ ගොස් ඇත.
ලොව වේගවත්ම දුම්රිය ලෙස සැලකෙන ෂින්කාන්සෙන් දුම්රිය සහිත අංගනය ද අධික වැසි සහිත කාලගුණ තත්වය හේතුවෙන් ගංවතුරෙන් පිරී යටවී තිබේ.
(නියමිත වේලාවට ධාවනය වීම, සුවපහසුව, කාර්යක්ෂමතාව, ආරක්ෂාව මෙන්ම වේගය සම්බන්ධයෙන් ලෝකයේ ඉහළම කීර්තිනාමයක් හිමි දුම්රිය සේවය ෂින්කාන්සෙන් දුම්රිය ලෙස සැලකේ. පැයට කිලෝමීටර 320ක වේගයෙන් ජපානයේ අගනුවර වන ටෝකියෝ නුවර සිට ඔසාකා බලා ගමන්ගන්නා මෙම දුම්රිය ‘බුලට් ට්රේන්’ යනුවෙන්ද හැඳින්වේ.)
ගංවතුරට කොටුවූ පිරිස බේරාගැනීම සඳහා මේ වනවිට නිලධාරීහු කටයුතු කරමින් සිටිති. ආපදා තත්වයේදී බේරාගැනීමේ හමුදා භටයින් 27,000ක පමණ පිරිසක් විපතට පත් පිරිස බේරාගැනීම සඳහා යොදවා ඇති අතර, නගානෝ නගරයේ නිවාසවල වහල සහ සඳලුතලාවල රැඳී සිටින ඇතැම් පිරිස් මුදවාගැනීම සඳහා හෙලිකොප්ටර් යානාද, බෝට්ටු සේවාද යොදා ගෙන තිබේ.
මෙම ආපදා තත්වය හේතුවෙන් රග්බි ලෝක කුසලාන තරගාවලියේ තරග කිහිපයක් අවලංගු කිරීමටද සංවිධායකවරුන්ට සිදුවිය. එහෙත් අද(ඉරිදා) පැවැත්වීමට නියමිත ස්කොට්ලන්තය සහ ජපානය අතර තරගය පැවැත්වෙනු ඇත.
මෙම සුළි කුණාටුව පැයට කිලෝමීටර් 216ක වේගයෙන් පැමිණ ඇතැයිද, මෙය මේ වසරේදී බලපෑ දරුණුතම කුණාටුව බවද, පැවසේ.
කෙසේ වෙතත් ඉරිදා පෙරවරුව වනවිට සුළිකුණාටුව ජපානයේ ගොඩබිම සීමාවෙන් ඉවත්ව ගොස් තිබිණි.
(16844)
(ඡායාරූප - ඩේලිමේල් ඇසුරිනි)
සේයා රූ නැරඹීමට පිවිසෙන්න
හගිබිස් සුළි කුණාටුව ජපානය කළඹයි
චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය සන් හයියන් (Sun Haiyan) මහත්මිය ඇතුළු චීන දූත පිරිස සහ දේශගුණික විපර්යාස පිළිබඳ
ඉරානය සහ ශ්රී ලංකාව අතර ද්විපාර්ශ්වික සබඳතා ශක්තිමත් කිරීමේ අරමුණින් අවබෝධතා ගිවිසුම් (MoUs) පහකට අත්සන් තැබූ බව ජනාධිපති කාර්යාලය පවසයි.
ශ්රී පාද උඩමළුව ආසන්නයේ රත්නපුර මාර්ගයේ ආරක්ෂක වැටකින් පහළට පැන ඉකුත් (19)දා සිට අතුරුදන්ව සිටි තරුණයා දින (05)කට පසුව නල්ලතන්නිය පොලිස් වසමට අයත්, රාජමල
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙ
දකුණේ ප්රබල දේශපාලනඥයකු තරග විභාගයකින් තොරව කොරියා රැකියා දෙන බව පවසා තරුණයන් 500කගෙන් රුපියල් කෝටි දෙක හමාරකට ආසන්න මුදලක් ලබාගෙන ඇතත් තවමත් රැකියා
පාර්ලිමේන්තු සභා ගර්භයේ සඟවා තිබී පාස්කු දා ප්රහාරය සම්බන්ධ විරෝධතා පාඨ සහිත පුවරු හතක් පොලිස් විශේෂ කාර්ය බළකා නිලධාරින් පිරිසක් විසින් අද (24) පෙරවර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හැගිබිස් සුළි කුණාටුව ජපානය කළඹයි
Chandana F Sunday, 13 October 2019 01:10 PM
ඔබට කරදර ඇති වූ අවස්ථාවේද අප ඔබගේ දුක බෙදා ගන්නෙමු.මෙවන් කරදරයක් මතුවට ඇති නොවේ. ශ්රී ලංකා පුරවැසියන් වශයෙන් සැමට තෙරුවන් සරණයි.
විජිත් Sunday, 13 October 2019 03:31 PM
ජපානය අපේ රටේ ඉතාමත්ම හිතවතෙක්. අවංක හිතවතෙක්. විපතේදී කිසිදිනෙක අපව අත්නොහැරිය මිතුරෙක්. ඔබට සිදුවූ මේ විපතේදී ශෝකය බෙදාගැනීමට අපත් ඔබ ලඟින්ම සිටිමු. ඉතාමත්ම ඉක්මනින් ඔබගේ රටේ එදිනෙදා කටයුතු සාමාන්ය පරිදි කරගෙනයාමට සුදුසු වාතාවරණයක් උදාවේවා. ජපන් ජාතිකයින් තමන්ගේ රටට පුදුමාකාර ආදරයක් දක්වනබව අප හොඳින්ම දනිමු. ඔවුන්ගේ ශක්තියෙන්, කඩා වැටුන ඔබගේ දේශය ආශ්චර්යත්මක ලෙස ගොඩ නැගීමට ශක්තිය, ධෛර්යය,ඔබට ලැබේවා යන්න අපගේ අවංක ප්රර්ථනාවයි.
Raveendra Sunday, 13 October 2019 03:41 PM
ඔබලාගේ ජනජීවිතය ඉක්මනින් යතාතත්වයට පත්වේවා යන්න අපගේ පැතුමයි.!!!
Kumar Sunday, 13 October 2019 05:09 PM
මෙම සුළි සුළඟ උතුරට ගමන්කර පීඩන අවපාතයක් බවට පත්වී අමෙරිකාවේ බටහිර වෙරල දිගේ අපි වෙසෙන කැලිෆෝර්නියාව පැත්තට එනවා. එයින් අපට වැසි ලැබෙනවා. එම වැස්සෙන් තමයි අක්කර දහස් ගණනක් වගා කරන්නෙ
NASRUDIN Sunday, 13 October 2019 05:16 PM
ජපානයේ සිටින අපේ ශ්රී ලාංකිකයන් ගැන අපේ විදේශ කටයුතු අමාත්යංශයට තොරතුරු මුකුත් ලැබිලා නැතිද ?
Nuwan Sunday, 13 October 2019 07:01 PM
බුදු සරණයි සියලු දෙනාට