(මනෝප්රිය ගුණසේකර)
පැල්මඩුල්ල පොලිසියේ කොස්තාපල්වරයකුට එරෙහි අල්ලස් නඩුව සමාදාන කරගන්නා ලෙස එහි සාක්කිකරුවන්ට මහරගම පොලිසියේ නිලධාරියකු බව කියමින් බලපෑම් කළ පුද්ගලයා පිළිබඳව වහාම සොයා බලා වාර්තා කරන ලෙස කොළඹ මහාධිකරණ විනිසුරු මංජුල තිලකරත්න මහතා අල්ලස් කොමිසමට අද (09) නියම කළේය.
පැමිණිල්ලේ සාක්කිකරුවන්ට බලපෑම් නොකරන ලෙස විත්තිකාර පොලිස් කොස්තාපල්වරයාට තරයේ අවවාද කළ විනිසුරුවරයා පැමිණිල්ලේ සාක්කිකරුවන්ට බලපෑම් කළ බව හෙළිවුවහොත් නඩු විභාගය අවසන් වනතුරු රිමාන්ඞ් බාරයේ රඳවා තබන බව දැනුම් දුන්නේය.
රථවාහන වරදක් කළ තී්රරෝද රථ රියදුරෙකුගේ ජාතික හැඳුනුම්පත හා රියදුරු බලපත්රය ආපසු ලබාදීම සඳහා අල්ලසක් ඉල්ලා ලබාගැනීමට අදාළ නඩුව කැඳවනු ලැබූ අවස්ථාවේදී පැමිණිල්ල වෙනුවෙන් පෙනී සිටි අල්ලස් කොමිසමේ සහකාර අධ්යක්ෂ නීතීඥ අනුෂා සම්බන්දප්පෙරුම මහත්මිය ඉදිරිපත් කළ කරුණු සළකා බැලූ විනිසුරුවරයා එලෙස නියම කළේය.
2017 ජුලි මස 29 වැනිදාත් 2017 අගොස්තු මස පළමු වැනිදාත් අතර කාලයේ පැල්මඩුල්ලේදී රථවාහන වරදක් කළ තිලක් ලෙස්ලි කුමාර නමැත්තාගේ ජාතික හැඳුනුම්පත හා රියදුරු බලපත්රය ආපසු ලබාදීම සඳහා ඔහුගෙන් රුපියල් 6,000 අල්ලසක් ඉල්ලා ලබා ගැනීමේ චෝදනා මත අල්ලස් කොමසම විත්තිකරුට එරෙහිව නඩු පවරා තිබිණි.
අල්ලස් කොමසම විසින් මෙලෙස නඩු පවරන ලද්දේ පැල්මඩුල්ල පොලිසියට අනුයුක්තව රාජකාරි කළ පොලිස් කොස්තාපල් ජයන්ත සමරකෝන් විජේසිංහ නමැත්තාට එරෙහිවය.
මෙම නඩුව කැඳවනු ලැබූ අවස්ථාවේදී පැමිණිල්ල වෙනුවෙන් පෙනී සිටි අල්ලස් කොමිසමේ සහකාර අධ්යක්ෂ නීතීඥ අනුෂා සම්බන්දප්පෙරුම මහත්මිය කරුණු ඉදිරිපත් කරමින් මෙම නඩුවේ සාක්කිකරුවන්ට පොලිසියේ නිලධාරියකු බව කියාගන්නා පුද්ගලයකුගෙන් බලපෑම් එල්ල වී ඇතැයි දැනුම් දුන්නාය.
ඒ අවස්ථාවේදී පැමිණිල්ලේ සාක්කිකරුවන් වන තිලක් ලෙස්ලි කුමාර නමැත්තා සහ තවත් පුද්ගලයකු වෙන වෙනම අධිකරණය හමුවට කැඳවනු ලැබු විනිසුරුවරයා සිදුවුයේ කුමක්දැයි වෙන වෙනම ප්රශ්න කළේය.
එම ප්රශ්න වලට පිළිතුරු දුන් ඔවුන් මහරගම පොලිසියේ බව කියාගත් මහත්තයෙකු පෙර දිනයක සිය නිවසට පැමිණ මෙම නඩුව සමාදාන කරගන්නා ලෙස දැනුම් දුන් බවත් ඔහුගේ නම කුමක්දැයි තමන් අසා දැනනොගත් බවත් පැවසුහ.
කැනඩාවේ ඔටාවා නගරයේදී එකම පවුලේ සාමාජිකයන් පස් දෙනෙකු සහ එම පවුලේ හිතවතෙකු ඝාතනය කිරීම සම්බන්ධයෙන් චෝදනා එල්ල වී සිටින ශ්රී ලාංකික තරුණයෙකු වන ෆෙබ්
එක්සත් ජාතික පක්ෂ හිටපු පාර්ලිමේන්තු මන්ත්රී සහ හිටපු නියෝජ්ය අමාත්ය පාලිත තෙවරප්පෙරුම මහතාගේ දේහයට ජනාධිපති රනිල් වික්රමසිංහ මහතා අවසන් ගෞරව
ලංකා විදුලිබල මණ්ඩලයේ විදුලි උත්පාදනය සම්ප්රේෂණය බෙදා හැරීම සහ සැපයීමට අදාල මණ්ඩලයේ වත්කම් හා බැරකම් සංස්ථාගත කරන ලද සීමාසහිත සමාගම් සතු කරනු ලැබිය
ගෝඨාභයට රැවටුන බව ප්රසිද්ධියේ පිළිගත් කාදිනල් තුමන් මේ වාරයේ ජනතා විමුක්ති පෙරමුණට රැවටෙන්නට යනවාදැයි ප්රබල සැකයක් මතුවන බව එක්සත් ජාතික පක්ෂ මහ ල
පාසල් සිසුන්ට පෝෂ්යදායි ආහාර වේලක් ලබා දීමේ වැඩසටහන වෙනුවෙන් ලෝක ආහාර වැඩසටහන මගින් ප්රදානය කළ සබලකරණය කරන ලද සහල් පාසල් වෙත නිකුත් කිරීම වේයන්ගොඩ
ඉරානයට ඊශ්රායල මිසයිල ප්රහාර එල්ල කිරීමත් සමඟ ලෝක වෙළෙඳපොළේ බොරතෙල් සහ රත්තරන් මිල ඉහළ ගොස් ඇතැයි විදේශ මාධ්ය වාර්තා කළේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සාක්කිකරුවන්ට බලපෑම් කළ පුද්ගලයකු අල්ලන්න නියෝග