(හර්ෂණ තුෂාර සිල්වා)
ශ්රී ලංකා විද්වත් වෘත්තිකයන්ගේ සංගමයේ වාර්ෂික සම්මේලනයේ සමාරම්භක සැසිය ජනාධිපති මෛත්රීපාල සිරිසේන මහතාගේ ප්රධානත්වයෙන් කොළඹ සිනමන් ලේක්සයිඞ් හෝටලයේදී අද (17) පස්වරුවේ පැවැත්විණි.
“තිරසර ජාතික සංවර්ධනයේදී වෘත්තිකයන්ගේ කාර්යභාරය” යනුවෙන් මෙවර සැසිවාරයේ තේමාව නම් කර තිබේ.
ශ්රී ලංකා විද්වත් වෘත්තිකයන්ගේ සංගමයේ සභාපති ඉංජිනේරු නිස්සංක පෙරේරා මහතා සමාරම්භක සැසියේ පිළිගැනීමේ කතාව කළේය.
ඉන් පසුව වාර්ෂික සමුළුව සංවිධානය කිරීමේ කමිටුවේ සභාපති සහ ශ්රී ලංකා විද්වත් වෘත්තිකයන්ගේ සංගමයේ නව සභාපතිවරයා ලෙස තේරී පත්ව සිටින සමන් වරුසවිතාන මහතා සමාරම්භක සැසිය අමතමින් වාර්ෂික සම්මේලනයේ තේමාව පැහැදිලි කළේය.
එයින් අනතුරුව හිටපු සභාපති ආචාර්ය ලලිත් විජේතුංග මහතාගේ සේවය අගයමින් සම්මානයක් පිළිගැන්විණි.
ශ්රී ලංකා විද්වත් වෘත්තිකයන්ගේ සංගමයේ වාර්ෂික සම්මේලනයේ උපායමාර්ගික සහකරු වන සී.එච්.ඊ.සී පෝට් සිටි කලම්බු පෞද්ගලික සමාගමේ සහකාර සාමාන්යාධිකාරි සිමන් තාම් සමාරම්භක සැසිය ඇමතීය.
දේශමාන්ය මහාචාර්ය මොහාන් මුණසිංහ මහතා සමාරම්භක සැසියේ මුඛ්ය දේශනය කළේය.
එක්සත් ජාතීන්ගේ සංවිධානය, එක්සත් ජාතීන්ගේ මානව හිමිකම් කවුන්සිලය, එක්සත් රාජධානියේ පාර්ලිමේන්තුව ආදී විවිධ ස්ථානවලදී ශ්රී ලංකාව වෙනුවෙන් පෙනි සිටිමින් ශ්රී ලංකාව වෙනුවෙන් අදහස් දැක්වූ නේස්බි සාමිවරයාට මෙහිදි ජනාධිපති මෛත්රීපාල සිරිසේන මහතා විසින් විශේෂ සමරු තිළිණයක් පිළිගන්වනු ලැබිණි.
එක්සත් රාජධානියේ පාර්ලිමේන්තුවේ නියෝජ්ය කතානායක ධුරය ද හොබවා ඇති නේස්බි සාමිවරයා ශ්රී ලංකා විද්වත් වෘත්තිකයන්ගේ සංගමයේ වාර්ෂික සම්මේලනයේ සමාරම්භක සැසියේ ගෞරවනීය ආරාධිත අමුත්තා ලෙස සහභාගි විය.
ජනාධිපති මෛත්රීපාල සිරිසේන මහතාට ද මෙහිදි සමරු තිළිණයක් පිළිගැන්වූ අතර ඉන් අනතුරුව නේස්බි සාමිවරයා සැසිවාරය ඇමතීය.
සමාරම්භක සැසිවාරය අවසන් කරමින් ශ්රී ලංකා විද්වත් වෘත්තිකයන්ගේ සංගමයේ ලේකම් ඉංජිනේරු ශාන්ත සෙනරත් මහතා ස්තූති කතාව කළේය.
ශ්රී ලංකා විද්වත් වෘත්තිකයන්ගේ සංගමයේ වාර්ෂික සම්මේලනයේ හෙට (18) පැවැත්වීමට නියමිතය.
(ඡායාරූප - ළහිරු හර්ෂණ)
චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය සන් හයියන් (Sun Haiyan) මහත්මිය ඇතුළු චීන දූත පිරිස සහ දේශගුණික විපර්යාස පිළිබඳ
ඉරානය සහ ශ්රී ලංකාව අතර ද්විපාර්ශ්වික සබඳතා ශක්තිමත් කිරීමේ අරමුණින් අවබෝධතා ගිවිසුම් (MoUs) පහකට අත්සන් තැබූ බව ජනාධිපති කාර්යාලය පවසයි.
ශ්රී පාද උඩමළුව ආසන්නයේ රත්නපුර මාර්ගයේ ආරක්ෂක වැටකින් පහළට පැන ඉකුත් (19)දා සිට අතුරුදන්ව සිටි තරුණයා දින (05)කට පසුව නල්ලතන්නිය පොලිස් වසමට අයත්, රාජමල
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙ
දකුණේ ප්රබල දේශපාලනඥයකු තරග විභාගයකින් තොරව කොරියා රැකියා දෙන බව පවසා තරුණයන් 500කගෙන් රුපියල් කෝටි දෙක හමාරකට ආසන්න මුදලක් ලබාගෙන ඇතත් තවමත් රැකියා
පාර්ලිමේන්තු සභා ගර්භයේ සඟවා තිබී පාස්කු දා ප්රහාරය සම්බන්ධ විරෝධතා පාඨ සහිත පුවරු හතක් පොලිස් විශේෂ කාර්ය බළකා නිලධාරින් පිරිසක් විසින් අද (24) පෙරවර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විද්වත් වෘත්තිකයින්ගේ සංගමයේ වාර්ෂික සම්මේලනය ජනපති ප්රධානත්වයෙන්
Ratnamalala Tuesday, 17 September 2019 11:50 PM
අපරාදේ, අර ජනාධිපතිවරණයට ඉල්ලන විද්වතාටයි තැනදෙන්න තිබුනේ...