හර්ෂණ තුෂාර සිල්වා
එක්සත් ජාතීන්ගේ මානව හිමිකම් පිළිබඳ මහ කොමසාරිස් මිෂෙල් බැචලේ මහත්මිය ශ්රී ලංකාව සම්බන්ධයෙන් ඉදිරිපත් කරන ලද වාර්ෂිකව වාර්තාව ජනාධිපති මෛත්රීපාල සිරිසේන මහතාගේ අනුමැතියකින් තොරව පිළිගෙන ඊට ප්රතිචාර දක්වා තිබූ බව උතුරු පළාත් ආණ්ඩුකාර ආචාර්ය සුරේන් රාඝවන් මහතා කොළඹ දී අද (25) පැවැසීය.
එක්සත් ජාතීන්ගේ මානව හිමිකම් පිළිබඳ මහ කොමසාරිස්වරියගේ වාර්තාව ජනාධිපතිවරයාට ඉදිරිපත් නොකර තනි තීරණ ගනිමින් එසේ කළේ කවුරුන් ද යන්න සොයා බැලිය යුතු බව ද උතුරු පළාත් ආණ්ඩුකාරවරයා කීවේය.
බත්තරමුල්ල පළාත් ආණ්ඩුකාරවරයාගේ නිල නිවසේ පැවැති මාධ්ය හමුවකදී උතුරු පළාත් ආණ්ඩුකාර ආචාර්ය සුරේන් රාඝවන් මහතා එම කරුණු සඳහන් කළේය.
මහ කොමසාරිස්වරියාගේ වාර්ෂිකව වාර්තාව නිල වශයෙන් ප්රකාශයට පත් කිරීමට පෙර ශ්රී ලංකාවට එවා තිබූ බවත් එම වාර්තාව පිළිගෙන සම අනුග්රහය දැක්වීම සඳහා එකඟත්වය පළ කරමින් ඊට ප්රතිචාර දක්වා තිබූ බවත් ආණ්ඩුකාරවරයා කීවේය.
අග්රාමාත්ය කාර්යාලයේ තනි පුද්ගලයකුගේ වුවමනාවකට ඒ සියල්ල සිදුවී තිබූ බවත් හෙතෙම කීය.
අදාළ වාර්තාවේ ශ්රී ලංකාව සම්බන්ධයෙන් වැරදි කරුණු සහ අඩුපාඩු රැසක් තිබූ බව කී උතුරු පළාත් ආණ්ඩුකාර ආචාර්ය සුරේන් රාඝවන් මහතා ජීනිවා නුවරදී එම අඩුපාඩු සහ වැරැදි මහ කොමසාරිස්වරියට පෙන්වා දීමට හැකි වු බව ද පැවැසුවේය.
පිළිගත නොහැකි මූලාශ්ර රැසක් පදනම් කරගනිමින් මහ කොමසාරිස්වරියගේ නිල වාර්තාව සකසා තිබූ බවත් ඒ බව ද එහි දි පෙන්වා දුන් බව ආචාර්ය සුරේන් රාඝවන් මහතා කීවේය. මහ කොමසාරිස්වරිය ඒ බව පිළිගත් බව ද හෙතෙම කීය.
පසුගිය වසර හතරක කාලයේදී ශ්රී ලංකා යුද හමුදාව විනය විරෝධී හෝ නීති විරෝධී හෝ මානව හිමිකම්වලට විරුද්ධ ක්රියා කිසිවක් කර නැති බව ජීනිවා නුවරදී මානව හිමිකම් කවුන්සිලයට පෙන්වා දුන් බවත් ඒ බව මෙරට සිටින තානාපතිවරුන්, රාජ්ය නොවන සංවිධාන ඇතුළු සංවිධාන ශ්රී ලංකාව සම්බන්ධයෙන් යවන විස්තරවලින් ද තහවුරු වූ බවත් ඔහු කීය.
ස්විට්සර්ලන්තයේ ජීනිවා නුවර පැවැති එක්සත් ජාතීන්ගේ මානව හිමිකම් කවුන්සිලයේදී ශ්රී ලංකා නියෝජිත පිරිස සාර්ථක ප්රතිඵල අත්පත් කරගැනීමට හැකි වූ බව උතුරු පළාත් ආණ්ඩුකාර ආචාර්ය සුරේන් රාඝවන් මහතා වැඩිදුරටත් කීවේය.
ඡායාරූප - ජයමාල් චන්ද්රසිරි
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බැචලගේ වාර්තාවට ජනපති අනුමැතියෙන් තොරව ප්රතිචාර
Rasika Tuesday, 26 March 2019 03:19 AM
ඉතිං අගමැති කාර්යාලයෙන් යවපු විදේශ ඇමැති ජිනීවා සමුළුවේදී කිව්වේ ඔය ටිකම තමා.