2024 අප්‍රේල් මස 25 වන බ්‍රහස්පතින්දා
2024 අප්‍රේල් මස 25 වන බ්‍රහස්පතින්දා
(මනෝප්‍රිය ගුණසේකර)
මහරගම නගර සභාවට ‘බයිසිකලය‘ ලකුණින් තරඟ කර ජයග්‍රහනය කළ මන්ත්‍රීවරුන් පිරිස ඉවත් කරන්නැයි ඉල්ලමින් එම නගර සභාවට එක්සත් ජාතික පක්‍ෂයෙන් තරඟ කළ මන්ත්‍රීවරු පිරිසක් ඉදිපත් කළ පෙත්සම කොළඹ මහාධිකරණ විනිසුරු ගිහාන් කුලතුංග මහතා අද (21) පිළිගත්තේය.
මහරගම නගර සභාවට ‘බයිසිකලය‘ලකුණින් තරඟ කොට ජයග්‍රහනය කළ සමහර මන්ත්‍රීවරුන් එම ඡන්ද බල ප්‍රදේශය තුළ පදිංචිකරුවන් නොවන හෙයින් එම මන්ත්‍රීවරුන් පිරිස ඉවත් කරන්නැයි ඉල්ලමින් ඉදිරිපත් කොට තිබූ මෙම පෙත්සම සම්බන්ධයෙන් පැවැත්වූ දීර්ඝ විභාගයෙන් අනතුරුව පෙත්සම පිළිගන්නා බව විනිසුරුවරයා සිය නියෝගයේ සඳහන් කළේය.
මහරගම නගර සභාවට එක්සත් ජාතික පක්‍ෂයෙන් තරඟ කළ ජයමිණි පුෂ්පකුමාර මහතා ඇතුළු 21 දෙනෙකු විසින් ඉදිරිපත් කරන ලද මෙම පෙත්සමේ වගඋත්තරකරුවන් වශයෙන් මහරගම නගර සභාවට ‘බයිසිකලය‘ලකුණින් තරඟ කොට ජයග්‍රහනය කළ මන්ත්‍රීවරුන් පිරිස ඇතුළු 25 දෙනෙකු නම් කොට ඇත.
2018 පෙබරවාරී 10 වැනිදා පැවැත්වු පළාත් පාලන මැතිවරණයේදී මහරගම නගර සභාව සඳහා ‘බයිසිකලය‘ලකුණින් තරඟ කළ වගඋත්තරකරුවන් ඇතුළු පිරිසක් ජයග්‍රහණය කළ බවත් තමන් එම මැතිවරණයේදී දෙවැනි ස්ථානයට පත් වූ බවත් පෙත්සම්කරුවෝ සිය පෙත්සමේ සඳහන් කොට තිබිණි.
පළාත් පාලන මැතිවරණ පනත අනුව මැතිවරණයට ඉදිරිපත්විය යුත්තේ අදාළ ඡන්ද බල ප්‍රදේශය තුළ හෝ මැතිවරණ දිස්ත්‍රික්කය තුළ අදාළ මැතිවරණ සමයේදී මෙන්ම ඡන්ද හිමි නාම ලේඛනය සකස් කරන සමයේදී ස්ථිර පදිංචි වී සිටින අය බව සඳහන් වී ඇතැයි පෙන්වා දුන් පෙත්සම්කරුවෝ වගඋත්තරකරුවන් අතුරින් බොහෝ පිරිසක් පළාත් පාලන මැතිවරණ පනතේ අදාළ වගන්තිය උල්ලංඝනය කොට ඇතැයිද ඔවුන්ගෙන් ඇතැමෙකු පිට පළාත් වල පදිංචිකරුවන් බවද සඳහන් කොට තිබිණි.
එම තත්වය අනුව මෙම පෙත්සම විභාග කොට මහරගම නගර සභාවට ‘බයිසිකලය’ ලකුණින් තරඟ කොට ජයග්‍රහනය කළ මන්ත්‍රීවරුන් පිරිස එම නගර සභා මන්ත්‍රී ධූර වලින් ඉවත් කරන්නැයි පෙත්සම්කරුවෝ සිය පෙත්සමින් ඉල්ලා තිබිණි.
මෙම පෙත්සම සම්බන්ධයෙන් පැවැති දීර්ඝ විභාගයකින් අනතුරුව සිය නියෝගය ප්‍රකාශය පත්කරමින් පෙත්සම පිළිගන්නා බව විනිසුරුවරයා සඳහන් කළේය.
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්‍රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්‍රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්‍රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්‍රදේශයේ කෝටිපති ව්‍යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්‍යාලයේ දකුණු ආසියානු අධ්‍යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්‍රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්‍රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්‍රී දුමින්ද දිසානායක මහතා පත්කර ඇත.
2024 අප්‍රේල් මස 09
321
0
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness
2024 මාර්තු මස 14
1706
0
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
2024 පෙබරවාරි මස 19
1548
3
ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බයිසිකලයෙන් ආ අය ඉවත් කරන්න විනිසුරු එකඟ වෙයි
sharm warn Wednesday, 21 August 2019 12:55 PM
එතකොට ඒ අයට ගෙවපු වැටුප්, වරප්‍රසාද, දීමනා.. එව්වත් නීති විරෝධී වෙන්නේ නැද්ද?
vidya Wednesday, 21 August 2019 08:13 PM
එතකොට අර දෑ කැත්තයි මිටියයි දැන් ඒවගෙන් වැඩක් නැනේ . ගොයම් කපන්නේ භූතයගෙන් ඇණ ගහන්නේ මැෂින් වලින් ඒවත් අයින් කලොත් හොඳයි නේද ?
මුණසිංහ Thursday, 22 August 2019 01:44 AM
එතකොට ඡන්ද දායකයිනුත් පිටතින්ද ආවේ? ඒ අය ඡන්දය දුන් නිසානේ ඔය කට්ටිය පත්වුනේ... ජයග්‍රහණය කළ පිරිස පත්වුනේ ප්‍රදේශවාසින්ගේ ඡන්දෙන්..! මේක මහ අපබ්‍රංශ සිදුවීමක්...!
Ratne Thursday, 22 August 2019 05:11 AM
මෙමඟින් අදාල බල ප්‍රදේශයේ ඡන්දය ලබාදුන් ජනතාවට ඔවුන් ලබාදුන් ඡන්දයේ වටිනාකම අවලංගු වීමෙන් බලවත් අසාධාරණයක් සිදුව ඇත. ඇතැම් නාමයෝජනාපත්‍ර අවලංගු වීම සඳහා උපක්‍රමශීලීව ක්‍රියා කිරීමක් වියහැකි බවට සැක අවස්ථාද දැකගත හැකිය. දැනට පවතින නාමයෝජනා බාර ගැනීමේ ක්‍රමයේ විශාල අඩුවක්, වැරැද්දක් පවතී. යම් පුද්ගලයෙක් හෝ කණ්ඩායමක් නාමයෝජනා ඉදිරිපත් කළ විට එහි අඩුපාඩුවක් ඇත්නම් නිවැරදි කිරීමට අවස්ථාවක් නොදීම එය අවලංගු කිරීමයි. විශාල ජාතික ධනයක් වැයකරමින් පවත්වන මැතිවරණවලදී තවත් සුළු පිරිවැයක් හා දින 2-3 ක් වැය කර, නාමයෝජනා පත්‍ර වල ඇති අඩුපාඩු සොයා බලා නිවැරදි කිරීමට අවස්ථාවක් ලබාදීමට මැතිවරණ කොමිසම හෝ අදාල බලධාරීන්ගේ සැලකිල්ල යොමුවිය යුතුය. එහිදීද හිතාමතා අසත්‍ය තොරතුරු සපයා ඇත්නම් එම පුද්ගලයා, කණ්ඩායමට එරෙහිව පියවර ගන්නේ නම් ජනතාවගේ ඡන්ද අයිතියට වඩාත් සාධාරණයක් ඉටුවේ. එසේ නොමැතිව, තමා මනාපය ලබා දෙන්නා නිවැරදි තොරතුරු නාමයෝජනා සඳහා ලබා දුන්නේද යන්න සොයාබැලිය නොහැකි අතරම අයැදුම්පතෙහි පවතින යම් අඩුපාඩුවක් හේතුවෙන් නිවැරදි කිරීමට අවස්ථාවක් නොදීම අපේක්‍ෂකත්වය අවලංගු කිරීමද යෝග්‍ය නොවේ.
nimaza Thursday, 22 August 2019 07:10 AM
මෙම තීන්දුව මහජන ඡන්දයේ පරමාධිපත්‍යයට එදිරිව දුන් තීන්දුවක් කියලයි අපට හිතෙන්නේ. ඡන්දෙට පෙර නාමයොජනාවලට විරුද්ධ විය යුතුයි. මහජන ඡන්දයෙන් ලබාගත නොහැකි බලය අධිකරණයෙන් ලබා ගන්නා තවත් කපටි සිදුවීමකි මේ... ඇත්තටම මේක මහ අපබ්‍රංශ සිදුවීමක්...! අමු අමුවෙම ජනතා මතය නොසලකා හැරීමක්.