(තිළිණි ද සිල්වා සහ රංජන් කටුගම්පොළ)
කල් තබා ඇති සියලු පළාත් සභා මැතිවරණය වහාම පැවත්වීමට අදාළ පියවර ගැනීමට මැතිවරණ කොමිසමට නියෝගය කරන රීට් ආච්ඥාවක් නිකුත් කරන ලෙස ඉල්ලා සත්ය ගවේෂකයෝ සංවිධානය විසින් ගොනු කළ මූලික අයිතිවාසිකම් පෙත්සම විභාගයට ගැනීම ශ්රේෂ්ඨාධිකරණය අද (17) තීන්දු කළේය.
ඒ අනුව එම පෙත්සම ලබන සැප්තැම්බර් 09 වැනිදා විභාගයට ගැනීමටද අධිකරණය දින නියම කළේය.
එසේම මෙම පෙත්සම් විභාගයට සහායවන්නැයි ශ්රේෂ්ඨාධිකරණය නීතිපතිවරයාටද දැනුම් දුන්නේය.
මෙම පෙත්සම ප්රියන්ත ජයවර්ධන, විජිත් මළල්ගොඩ සහ ගාමිණී අමරසේකර යන මහත්වරුන්ගෙන් සමන්විත ත්රිපුද්ගල විනිසුරු මඬුල්ලක් හමුවේ සලකා බැලූ අතර එහිදී මෙම පෙත්සම විභාගය ගැනීමට දින නියම කෙරිණි.
සත්ය ගවේෂකයෝ සංවිධානයේ කැඳවුම්කරු එහි සාමාජිකයින් වන නීතීඥ දිනේෂ් සඳරුවන් ජයවීර මහතා ඇතුළු නමදෙනෙකු විසින් ගොනු කර ඇති මෙම පෙත්සමෙහි වගඋත්තරකරුවන් ලෙස මැතිවරණ කොමිසමේ සභාපති ඇතුළු සාමාජිකයින් නම් කරනු ලැබ සිටිති.
මෙම පෙත්සම කැඳවූ අවස්ථාවේදී මැතිවරණ කොමිසම වෙනුවෙන් පෙනී සිටි ජනාධිපති නීතිඥ උදිත ඉගළහේවා මහතා අධිකරණයට දන්වා සිටියේ මෙම පෙත්සමට අදාළව විරෝධතා ඉදිරිපත් කිරීමට තම සේවාදායකයින් අපේක්ෂා නොකරන බවයි.
කෙසේ වෙතත් සීමානිර්ණය කටයුතුවලින් පරිබාහිරව දැනට පවතින මැතිවරණ ක්රමය යටතේ පළාත් සභා මැතිවරණය පැවැත්වීමට හැකියාවක් තිබේද යන්න පිළිබඳව ශ්රේෂ්ඨාධිකරණය වෙතින් නීතිමය අර්ථකථනයක් ලබා ගැනීමට මැතිවරණ කොමිසම අපේක්ෂා කරන බවද ජනාධිපති නීතිඥ ඉගළහේවා මහතා අධිකරණයට දන්වා සිටියේය.
මෙහිදී පෙත්සම්කාර පාර්ශවය වෙනුවෙන් පෙනී සිටි නීතිඥ කනිෂ්ක විතාරණ මහතා අධිකරණයට දන්වා සිටියේ පළාත් සභා මැතිවරණය දිනෙන් දිනම කල් දැමීම හේතුවෙන් ජනතාවගේ සර්වජන ඡන්ද අයිතිය උල්ලංඝනය වන බවයි. මේ හේතුවෙන් අදාළ මැතිවරණ කඩිනමින් පැවැත්වීම අවශ්ය බවද පෙත්සම්කාර පාර්ශවයේ නීතිඥවරයා අධිකරණය හමුවේ දන්වා සිටියේය.
ඉදිරිපත් වූ කරුණු සලකා බැලූ ත්රිපුද්ගල ශ්රේෂ්ඨාධිකරණ විනිසුරු මඬුල්ල පෙත්සම විභාගයට ගැනීමට නියම කරමින් එහි වගඋත්තරකරුවන් වන මැතිවරණ කොමිසම සහ එහි සාමාජිකයින් වෙත නොතීසි නිකුත් කිරීමට නියම කළේය.
විරෝධතා හෝ කරුණු දැක්වීම් තිබේනම් ඒවා අද දින සිට මාසයක් ඇතුළත ගොනු කිරීමට පියවර ගන්නා ලෙසත්, ප්රතිවිරෝධතා ඇත්නම් ඒවා ඉදිරි සති දෙක ඇතුළත ගොනු කරන්නැයිද අධිකරණය මැතිවරණ කොමිසම ඇතුළු වගඋත්තරකාර පාර්ශවය දන්වා සිටියේය.
පෙත්සම සැප්තැම්බර් මස 09 වනදා කැඳවන ලෙස ද ශ්රේෂ්ඨාධිකරණය නියම කළේය.
චිත්රපටයක් නිෂ්පාදනය කිරීමට බව පවසා පුද්ගලයකුගෙන් රුපියල් ලක්ෂ 10 ක් ලබාගෙන නියමිත දිනට ලබානොදී විශ්වාසය කඩකිරීමේ සිද්ධියක් සම්බන්ධයෙන් ප්රවීණ උස
2024 වසරේ ගතවූ කාලය මාස හතරක කාලයේ විදේශ රැකියා සම්බන්ධ පැමිණිලි 1371ක් ලැබී ඇතැයි විදේශ සේවා නියුක්ති කාර්යාංශයේ විශේෂ විමර්ශන අංශය පවසයි.
පාස්කු ප්රහාරය සිදුවූ දිනයේ ම ශ්රී ලංකාවේ ඊළඟ මැතිවරණ ප්රතිඵලය ලියැවුණු හෙයින් එය දේශපාලනයෙන් තොර ප්රහාරයක් ලෙස කිසිසේත් ම හැඳින්විය නොහැකි යැය
අපරාධකරුවන් මේ රටින් තුරන් කිරීම පවක් නොවෙයි .අතේ තියෙන වෙපන් එක හරි දේට පාවිච්චි කරන්න බය වෙන්න එපා යයි මහජන ආරක්ෂක අමාත්ය ටිරාන් අලස් මහතා අද පැවසීය.
අධ්යායන පොදු සහතික පත්ර(සාමාන්ය පෙළ) විභාගය සඳහා පැවැත්වූ සියලුම උපකාර පන්ති මේ මස 30 වැනිදා මධ්යම රාත්රීයේ සිට අත්හිටුවන බව විභාග දෙපාර්තමේන්තු
සමගි ජන බලවේග ආණ්ඩුවක් යටතේ පාස්කු ප්රහාර පරීක්ෂණ ගෙඩිය පිටින් ජාත්යන්තරයට ලබාදීමට සූදානම් නැතැයි විපක්ෂයේ ප්රධාන සංවිධායක ලක්ෂ්මන් කිරිඇල්ල ම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පළාත් මැතිවරණය ඉල්ලූ පෙත්සම විභාගයට දින නියමකෙරේ
ප්රියන්ත Monday, 17 June 2019 01:08 PM
ඇයි ඉතින් ඕකට ඔය තරම් පරක්කු වුනෙ. රට බංකොලොත් වෙලා ඉවරයි. පලාත් සභා නම් ඔනෙත් නැ.
Sriyal Monday, 17 June 2019 03:53 PM
නීතිය ක්රියාත්මක කිරීම සඳහා වන ආයතනය එය අඩපණ නොකරයි නම් වැදගත්. මෙය මීට බොහෝ කලකට පෙර සිදුවිය යුතු දෙයක්. ජනතාව ට තිස්තුන් කෝටියක් දෙවි පිහිටයි
rasika Monday, 17 June 2019 09:00 PM
ජන්දයක් තියන්න මේ ආණ්ඩුව කොහොමත් දෙන්නේ නැහැ. මුලින්ම කරන්න ඕනේ මහා මැතිවරණයක් ඉක්මනටම තියල රට ස්තාවර කරන එක. මේවගේ ආණ්ඩුවක් නිසා වෙන්නේ රට අස්ථාවර වෙලා. මේකෙන් ප්රයෝජන ගන්නේ ඇමෙරිකාව, ඉන්දියාව , චීනය වගේ රටවල්. අපිට අවැසි ගිවිසුම් ගහල රටත් ආර්ථිකයත් නැතිම කරනවා. මේ බල ලොබි දේශපාලකයන්ව දැන්වත් ගෙදර යවන්න. චන්දය අනිවාර්යෙන්ම තියන්න ඕනේ. මේ ආණ්ඩුවට ඡන්දය නොතිය ඉන්න කිසිම අයිතියක් නැහැ. ජනතාව පෙළ ගැහෙන්න ඕනේ ඒ වෙනුවෙන්.